18‏/3‏/2008

حاله تأمل


حاله بقت نادره للاسف من سرعه الحياه وسرعتنا فيها واننا دايما في حاله جري مستمر في الحياه ماعاتش في وقت لحاله تأمل نعيشها ولو حتى لحظات
وده بيؤدي اننا بدانا نفقد احساسنا بجمال الحياه حولينا
يعني مثلا كل واحد فينا يسال نفسه امتى اخر مره وقف قدام شجره فيها وردود ووقف قدامها ولو لحظات لمجرد انه يتأملها ويتأمل جمالها وابداع ربنا سبحانه وتعالى في الوانها؟
للاسف كتير مننا هنقول ياه وحد فاضي يقف قدام شجره او هو عاد في شجر في شوارعنا اصلا وفي ورد الا قليل قوي او انتي عايزه الناس تقول علينا اجننا نقف نتفرج على شجره؟
وبكده حاله التامل بقت نادره جدا مع انها مهمه جدا علشان نحس ولو لحظات بجمال الحاجات حوالينا
هي كمان حاله بتدي للنفس بهجه وفرحه غريبه وهدوء وبتخلينا نهدى شويه من حاله التفكير الدائمه الي عندنا وبتزود احساسنا وبتكبره بالجمال
حاولوا انكم تعيشوا الحاله دي على قد ماتقدروا ولو للحظات وحاولوا نحس بجمال الي حوالينا
ونعيش ولو لخظات تامل..........

هناك 7 تعليقات:

SKOBL- Little Lazy Me يقول...

و حاحجز أول تعليق .. هيييه

SKOBL- Little Lazy Me يقول...

و الله كلامك مظبوط .. مع زيادة سرعة الحياة الناس بتطلع الحاجات اللي زي التامل من حساباتها .. أنا زمان كنت كتير بتأمل في الغروب من بلكونتي ..و دلوقتي بقالي شهور طويلة لا .. بس المشكلة فعلا ان الناس ما بقاش عندها وقت .. اللي خلى الاهالي ما عندهمش وقت يربوا ولادهم ، يخليهم يبطلوا يتأملوا .. عارفة ايه أجمل تأمل .. اننا نتأمل الحاجات الصغيرة اللي بتعدي علينا .. موقف ربنا كرمنا فيه .. خير عملناه و اتردلنا .. حاجات كتير أوي .. بس فعلا لحظات السكينة دي بتصفي الروح من شوائب الحياة المختلفة
تحياتي

wa7!da يقول...

انتى طبعا حرقتى ردى يا هانم
عموما انتى عارفة انا كنت هقول ايه
عارفة ,, يوم السبت اللى فات صحيت مقريفه ومنزلتش الكلية ودخلت البلكونة اللى هى أصلا فى أوضتى ومن كتر منا قفلاها نسيت اصلا ان اوضتى فيها بلكونة
دخلت اتفاجئت
لقيت الورد فتح وورده منهم مفتحه نص نص
تأملت فيها وتنحت وسرحت
الله على جمالكم
انا كمان لازم أفتح وابقى واخده الحياة بتفاؤل زيكم
انا مابدخلش أشوفكم صحيح بس لما دخلت كنتم عاملينى أجمل مفاجأة
الورد ده عشره 4 سنين
اكتشفت ان رغم انى مقصرة معاهم الا انهم فتحوا بردو وما استسلموش لاهمالى فيهم
كانهم بيقولوا لى احنا بنحبك وهنفضل معاكى حتى لو نستينا
ومن ساعتها وانا أول ما أفتح البكونة أسلم عليهم

Foxology يقول...

الحقيقة مبقتش اقف قدام الشجر اتأمله علشان نادر لما بلاقى شجرة فى الشارع ولو لقيتها بتبقى متربة وعليها هباب اسود من دخان العربيات اللى غطى الشجر والبشر !!

Eno يقول...

السلام عليكم
تعرفي ياحاسوباتيه اني بحس بكل اللي بتقوليه ده لما بسافر البلد كل حاجه حوليكي خضر ونضره بعيد تماما عن الزحام وهدوء فظيع وسلامة نفس غريبه جدا لدرجة اني اكتر وقت بحس فيه بصفاء الزهن واحس بطعم تلاوة القراءن وانا هناك بيكون احساس حلو اوووووووووي بجد

بوست حلوه اووووووي :)

الطائر الحزين يقول...

ليس الامر لمجرد امتاع العين والنظر بالجمال

لكن التأمل فى خلق الله عبادة ولا تعطى لكثيرين

افلم يسيروا فى الارض فينظروا كيف كان عاقبة الذين من قبلهم


قل سيروا فى الارض فانظروا كيف بدأ الخلق

نوسه يقول...

من كتر مابمشى بسرعه وانا رايحه اى مكان ومن كتر مابكون باصه يااما ادامى اوى او للارض ..اصحابى بيقولوا لى انتى لو اتحط بحر مكان شارعك مش هتلاحظى
معادش فى وقت اقعد الاحظ او اتامل حاجه ولافى مزاج رايق خالص
حكم السن بقى :)