في الاول كل سنه وانتم طيبين وبالف خير يارب
رمضان السنادي بالنسبالي مختلف خالص لان في شخص دخل حياتي حابه قوي ان احنا نعمل كل حاجه سوا فيه ناويه اخطط هنعمل ايه علشان نفسي نعمله سوا انا وانت .............
مستنيه قوي فانوس رمضان منك عارفه انك هتجيبهولي ودي اول مره حد يجيبلي فيها فانوس رمضان عايزاه كبير وملون وعايزاه من الفوانيس بتاعت زمان مش الجديده عايزاه منك ............
عايزه نفطر سوا ونفسي نروح الجامع ونصلي التراويح سوا ونطلع من التراويح ونعدي ناكل ايس كريم وكالعاده هتجيب واحد ليك وواحد ليا وهاكل بتاعك وتروح تجيب تاني برضو ليا وليك.........
عايزه نعمل جدول سوا نقرا فيه القران سوا نبقى واقفين عند نفس الجزء ونفس الصفحه ونفس الايه..........
ناكل قطايف سوا وناكل كنافه سوا ..............
نفسي قوي كل ده يحصل يارب يحصل وكل سنه وانت طيب ونعمل كل ده سوا على طول سوا
هناك 20 تعليقًا:
كل سنه وانتي طيبه ياقمر ورمضان كريم علي الكل
ان شاء الله تعملي كل اللي في نفسك :)
والسنه الجايه تكني اقرب الي الله في الطاعات مع زوجك مش خطيبك وبس :)
تحياتي ليكي ورمضان كريم :)
كل سنه و انتى طيبه و ربنا يحققلك الامانى الصغيره الجميله دى
بس انتى طلعت رومانسيه اهوه
كل سنة وانتى بخير
أول زياره ليا
وأنشاء الله متكونش الاخيره
أنا شايف حالة من الحب الراقى الجميل
أنتى عارفه
هوده الحب الحلال
هوده الحب الى كله بركه
رمضان جاء, ودى فرصه تفدرى أنتى وهو
تحبوا بعض فى الله بما يرضى الله
وتكبروا مقدار وعمق هذه المشاعر
مبروك لكم رمضان
مبروك لكم حبكم
مدونتان لى فى أنتظارك
لو مجتيش يبقى عليكى حق
الاولى
http://kalamfekalamm.blogspot.com
أسمها مشاعر وأفكار
التانيه
http://kalamfekalamm-mohamed.blogspot.com/
أسمها شوية كلام
فى أنتظارك مع تحباتى
عمو محمد
كل سنة وانتى طيبه يا قمر
بس ايه ده انتى اخدتى الكلام من على لسانى ولا ايه
ههههههههههههههههههههههههههههههه
يارب يتحقق يااااااارب يفرح قلبك ويقر عينك بيه يارب
يارب امين
كل عام انت الى الله اقرب وعلى طاعته أدوم
كل عام انت بخير
كل سنة وانتي طيبة ياقمر
ويارب حبكم يزيد كمان وكمان ....وتبنوه
على طاعة الرحمن ...
تقبلي مروري
كل سنه و انتى طيبه
و رمضان كريم يا ستى
و ان شاء الله كل اللى فى نفسك يحصل
و يكون احلى شهر رمضان عدى عليكى
و ميكونش الاخير و يكون هو موجود فيه
و يا رب تفضلوا مع بعض طول العمر
و يعدى عليكى رمضان كل سنه و هو معاكى
كل سنه و انتوا الاتنين طيبين
و دمتـــــــــــــــــــــــم
كل سنه و انتى طيبه
يا رب يكون رمضان ده أحلى رمضان عدى عليكى و اللى جاى أحلى ان شاء الله
و ربنا يحققلك كل اللى نفسك فيه
رمضان كريم (:
ماشاء الله لاقوة الا بالله
ربنا يباركلكم فى بعض ويجمعكم فى الخير دايما
رمضان كريم وكل سنة وانتى طيبة :)
Eno
وانتي بالف خير ياقمر ومبروك ليكي انتي كتب الكتاب ويارب ان شاء الله السنه الجايه اعمل كب ده معاه في بيتنا نورتيني
mohra
وانتي بالف خير يارب انا مش عارفه انا كنت فعلا حاطه بوست عن الرومانسيه وشلته قولت اجله تقريبا انتي قرئتيه عموما انا هنزله تاني بس مش دلوقتي ماعرفش كنتي تقصدي كده ولا عموما انا مش رومانسيه قوي بس بحاول
هوندا
وانتي بالف خير يارب وكل سنه وانتي طيبه
mohamed
شكرا جدا لكلامك الرقيق والجميل ده وان شاء الله هزور مدوناتك في اقرب وقت واكيد طبعا جميله من قبل ما ادخلها
Sometimes
كل سنه وانتي بالف خير وبعدين ده شرف ليا اني كتبت فكره كانت في بالك وعموما اكتبيها تاني اكيد منك هتكون احلى
الطائر الحزين
وانت بالف خير وكل سنه وانت طيب
marmarmarmora
وانتي بالف خير يارب ويارب تنوريني على طول
samourai 4 ever
وانتي بالف خير يارب وشكرا جدا على كلامك الجميل
دعاء على كل سنه وانتي طيبه يارب ويارب يكون احلى رمضان على الكل
Foxology
وانت بالف خير يارب ومبروك على كتب الكتاب من الرقيقه اينو وربنا يجمعكم ويتمملكم بخير
إرسال تعليق