14‏/10‏/2008

ماكنتش اعرف .............

ماكنتش اعرف اني هرتحلك كده
ماكنتش اعرف انك هتبقى توحشني كده
ماكنتش اعرف انك هتبقى غالي كده
ماكنتش اعرف اني هبقى احلم بيك
هبقى احلم ببتنا سوا
هبقى احلم بحياتنا سوا
ماكنتش اعرف انك لما تبعد او تزعل ابقى عايزه اجري اسامحك
لاني ماكنتش اعرف اني مش هقدر على زعلك كده
ماكنتش اعرف اني هغير عليك كده
ايوه عارفه اننا مختلفين في حاجات
ومتفقين في حاجات
وكتير بنتخانق
وكتير بنتصالح
بكون مضايقه قوي لما بنتخانق
ومبسوطه قوي لما بنتصالح
كنت غريب وبقيت قريب
كنت بعيد وبقيت قريب
ماكنتش اعرف اني هحبك كده

هناك 27 تعليقًا:

lonely يقول...

بجد مبسوطه كتييييير
ربنا يوفقك ويسعدك ياااارب

مهرة سالم يقول...

الله يجمعكم على خير....

romansy يقول...

كلامك جميل قوى فيه مشاعر جميله
يارب يجمكوا على خير يارب

محمد يقول...

كلامك صادق وواضح ومعبر ورقيق
يارب يكون هو كمان زيك
ربنا يجمعكم فى رضاه وحبه

Mona Shereif يقول...

الحمد لله رب العالمين
ربنا يجمعكم على خير يا حبيبتى
ويهديه ليكى ويهديكى ليه
ربنا يفرح قلوبكم ياااااااااااارب وكل المسلمين

مصري بالغربة يقول...

انا اول مرة ازور مدونتك وكلامك جميل جدا

بالتوفيق ان شاء الله

Foxology يقول...

ماشاء الله لا قوة الا بالله

ربنا يكملكم على خير ان شاء الله ويسعد ايامكم كلها :)

تحياتى :)

Aиgel يقول...
أزال المؤلف هذا التعليق.
Aиgel يقول...

السلام عليكم ورحمة الله وبركاته
عزيزتي حاسوباتيه..
كلماتك ذاتية للغاية وتعبر عن مشاعر دفينة بداخل ..
عزيزتي .. أشكر هذا الحب الذي جعلك تفيضين بكلمات رائعة كهذه...

ربنا يسعدك ويوفقكم ويجمعكم على خير بإذن الله... فكم جميل هو الحب في عذابه ولقاءه...
تقبلي مروري عزيزتي كما أود أن أشكرك على مرورك الجميل بمدونتي المتواضعة...
Angel Love

شمس النهار يقول...

حمدالله علي السلامه
الكلام جميل جدا وصادق قوي
وفعلا معبر
وحسيت انه ممكن يكون اغنيه تغنيها انغام مش بس عشان انا بحبها بس حسته
لايق عليها
بس استسمحك تعيدي النظرفي مقطعين لو ركزتي فيهم وكتبتيهم بنفس المعني بس
بس بكلام اقل واعمق هتكون اغنيه جميله جدا
*ايوه عارفه مختلفين في حاجات ومتفقين في حاجات
----------------------
*بكون مضايقه قوي لما بتخانق ومبسوطه قوي لما بنتصالح
اناعارفه ان دي مشاعر طلعت منك بس ياريت تعيدي الصياغه بتاعت الكلام بنفس المعني
لآنها حلوه قوي
وماتغبيش تاني خالص

Geo Amr يقول...

احنا نغير من حاسوباتية الى رومانسية كدة احسن ويارب ترزقى بالزوج الصالح وكل سنة وانتى طيبة

Miss. Sosa يقول...

ربنا يسعدك يارب ويحققلك كل ما تتمنيه

EMMF يقول...
أزال المؤلف هذا التعليق.
Unknown يقول...

اممممممممممممممم ماشى ماشى الله يسهل له يا عم

mahasen saber يقول...

مهيا مكنتش اعرف دى ..هيا المشكله كلها
ان الحب بيدينا احساس عدم التوازن وانعدام المعرفه وبتبقى ماشيه فى حياتك العاطفيه وانتى مغمضة العين والبصيره بس مشاعرك اليى بتحركك...
ربنا يسعدك ويوفقك
انا بقالى فتره طويله قوى مش زرتك وحشتينى جدا واسفه على الغيبه اسفه يا حبيبتى جدا...
واتجوزتى ولا لسه ربنا يسعدك ويرضيكى وييسرلك الخير
...تقبلى خالص حبى واحترامى..

صوت من مصر يقول...

بجد حاسس انى الكلام ده طالع منى لاغز واقرب الناس ليه ؟
بجد كلامك جميل جدا شكرا
دائما متالقه ؟

blue-wave يقول...

يا بخته يا ستى بكل الحب دا

صبرني يارب يقول...

حلو الاحساس

بس لازم ما يلغيش عقلنا خدي بالك

تحياتي لكي

ونورتينى

ojg يقول...

أكون بحبه؟؟
مش معقول
الحب مايجيش كده على طول

بس واضح انه جه عندك يا جميل
ربنا يوفقك ويسعدك ويهيئلك الخير
يا حاسوباتيه يا بنت حاسبات ومعلومات
قولي آمين
:)

Eno يقول...

ماشاء الله ربنا يوفقكم ويكملكم علي خير كلامك حلو اووووووووووي بجد :)

رؤية يقول...

اسعدك الله
وحاسبى على قلبك...

تحياتى لك.

hager يقول...

ايه الحاسبوتيين الرومانسين دوول
والله كويس يعني في امل فينا :)
بوستك جميل اووي .. استمري
تقبل مرور حاسوباتيه زمل

أحــوال الهـوي يقول...

الاختلاف مطلوب لكن ليس في الاساسيات بمعني التوافق الاجتماعي و العلمي ليس فيه فصال لانه ان لم تظهر عواقبه الان سوف تتفجر في الغد
فلا تسييري احاسيسك في قناة مقفولة

تمنياتي بحياة سعيدة مليئة بالستر و الحب و السعادة

تحياتي

أختكم فى الله يقول...

اول زيارة ليا لمدونتك الجميلة دى يا قمر

كلماتك جميلة واسلوبك رائع

تقبلى مرورى

حزينه يقول...

الحب هو غلطه الحياه التى لا تغتفر
بس باين معاكى بقى حاجه تانيه
ربنا كريم



حزينه

ojg يقول...

برضو هنرجع نختفي يا جميل؟؟
بتوحشينا يا شيخه

من غير عنـــوان يقول...

سهله وحلوة