13‏/12‏/2008

انوثه

تحديث
مبسوطه قوي بجد في بوش مع انه خساره في الجزمه وبجد ده احلى خبر في نهايه 2008 وياريت كلنا ندعي للبطل منتظر الزيدي وربنا بفك كربه يارب وبجد تستاهل يابوش وبضم كمان جزمتي لجزمه منتظر ومبروك عليك يابوش
------------------------------------------------------------------------

ايه ايه مالكم اتخضيتم من العنوان كده ليه اه عادي هتكلم عن الانوثه الكلمه الي الناس بتتخض منها الايام دي لان في دماغهم انها كلمه مش كويسه وللاسف الاعلام هو الي خلاها كلمه مش كويسه لانه بيظهر الانوثه انها ست مش كويسه وبتلبس لبس مايصحش وقالوا ان دي الانثى طبعا ده مفهوم غلط انا هناقش كلمه انثى في رايي المتواضع او الي شايفاه صح

اولا بحمد ربنا ميت مره اني انثى مش راجل علشان الراجل عليه مسئوليه ووجع دماغ كتير كده الحمد لله انه مش علينا المسؤوليه الصعبه دي
نيجي بقى يعني ايه انثى في رايي؟
دلوقتي بقت في ظاهره غريبه جدا ان البنت تتفاخر انها مسترجله وانها راجل وانها بتعامل الناس على اساس انها راجل وبقى تعاملها جد وجامد وكده
لا يا حبيبتي انتي بنت مش راجل علشان تتعاملي زي الراجل لا تعاملي على انك بنت بمعنى صوتك يكون هادي مش صوت عالي ومزعج في الشارع
تكوني شيك ولبسك جميل وفي لمسه انوثه حلوه طبعا ماقصدش يكون ملزق الي اغلب البنات لابساه ده لا طبعا يكون محتشم وحلو ولذيذ وشيك
وكمان التعاملات مع الناس تكوني فيها رقيقه ومش تقولي كلام مايصحش بنت تقوله او كلام بتاع الرجاله وتقولي اصل انا كده لاني بشوف بنات كتير بتقول كلام بجد مايصحش بنت عسوله كده تقوله او يطلع من بقها ابدا

كمان الابتسامه الرقيقه في التعامل مع الناس مش الضحكه الغريبه الي بقيت بسمعها كتير قوي من البنات ضحكه بصراحه مايصحش برضو خالص مابقولش مش تضحكي اضحكي بس مش كده برضو مش تفرجي الناس عليكي واقصد بالابتسامه انك تخلي وشك مبتسم مش متجهم كده ومكشر وينفر الناس منك

كمان من اهم الحاجات في البنت انها ماتخليش حد يتعود عليها قوي وده طبعا بنشوفه كتير في الجامعه ده بيخلي الي قدمها مش يعملها اعتبار واحترام لانها شالت الحدود وخلت الحياه ايزي بينهم وده برضو غلط

انتي ممكن يكون ليكي زمايل وتتعاملي معاهم وكله بس اعرفي ازاى تفضلي انثى رقيقه وجميله وكل واحد عارف حدوده معاكي كويس ويخاف يقرب من الحدود دي

انا في رايي دي الانثى الي بجد انثى وبنت جميله مش زي ما الاعلام بين ان كلمه انثى عيب لا انا مش بعتبرها عيب ابدا بس نعرف ازاى نوجها صح

وكلمه اخيره لا البنت المسترجله صح ولا المدلعه صح
وخليكي زي الورده الي فوق دي ماتجرحيش نفسك بصوت عالي او لبس مش كويس والكلام ده

هناك 59 تعليقًا:

lonely يقول...

حبيبــــــة هارتى
خلينى أبدأ بحاجة جميلة قوى سمعتها الصبح فى الراديو للشيخ الشعراوى
بيقولك ان ربنا خلق فى الكون الجماد والنبات والحيوان والانسان
مهمه الرجل انه يتعامل مع كل الانواع دى
ومهمه المرأة انها تتعامل مع هذا الانسان فقط
لو اتغيرت عن كده ماتبقاش هى المرأة اللى ربنا حفظها
بجد المعنى كبير قوى يا هجور وانا اتاثرت بيه
يعنى شوفى ربنا خلى البنت كل وظيفتها انها تتعامل مع الانسان
عمرك ما هاتعاملى الجماد او الحيوان بنفس العطف والحنيه اللى ربنا وهبهم للبنت علشان تتعامل مع بنى ادم بمشاعر واحاسيس ما اختلطتش بالتعامل مع الحيوان والجماد
مشاعر واحاسيس نقية خاااااااالص
زى ما قولتى بلاش بنت تجرح رقتها بالصوت العالى او بالالفاظ اللى معظم الشباب بيستخدموها علشان تبقى ( كوول ) زى صحابها

أنا زيك بردو فخوره بكونى أنثى
فخورة ان ربنا حبانى بكل المشاعر دى
تعرفى , مره قريت على النت حد بيقول جميل قوى ان المرأه تصحى الرومانسية فى حياة الرجل المليانه بالضغوط والمشاكل
يبقى ازاى اى بنت تستغنى عن كل ده وماتحفظوش وتعمل لى فيها انها ولد وعلى رأيك تسترجل
أنا مابحبش ابدا الولد اللى عامل فيها بنت
وبالتالى مقدرش اتصور بنت مسترجلة وكل تعاملاتها مع الشباب
او بنت من البنات اللى شبه النايتى دول تحسى فى كلامهم انك واقفة مع بسكوته
مش للدرجة دى ! ما احنا بنات بردو ومابنعملش كده

انتى سكــــــــــره

مصطفى محمود يقول...

السلام عليكم ورحمة الله وبركاته

هي دي مش الحاجة الوحيدة اللي مربوطة بمفهوم خطأ عندنا
وربنا يخليلنا المسلسلات على شوية أفلام وكام كليب كده والحكاية تبقى فل .

بحيك على الرأي السديد
بالذات حكاية الاسترجال دي لأنها حاجة تغيظ فعلا .
مش عارف ازاي بنت تقبل ان تصرفاتها تكون زي الولاد
هي مش عارفه انها بكده اول حاجة هحصل انها تسقط من نظر الرجال قبل النساء؟!!


يلا ربنا يهدي الجميع

سلام

مهرة سالم يقول...

السلام عليكم....
وأنا كمان زيك كده...
الحمدلله أني أنثى ..
وبعيده عن كم المسؤليه ...
.......
كلامك جميل وصريح وبسيط...
أوافقك الرأي تماما...
......
دمتي بخير

Eno يقول...

برافو بجد موضوع اكثر من رائع
انتي كمان اكثر من رائعه
انا متفقه معاكي في كل كلمه

ضيفي علي ده بأه الحياء حياء البنت تاجها بجد ياحاسوباتيه
تسلم ايدك :)

3omda يقول...

Really I like your opinion and I'll .ask all the girls a question,
Do you like yourself as a girl? If yes:So be a girl
If no:So don't say that you are girl.

أحــوال الهـوي يقول...

اولا اعتزازك بانوثتك شئ مطلوب و جميل
ثانيا انا في صفك في كل اللي قلتيه بل و متحيز و احاول ان اضيف بعض النقاط فوجدتهامواضيع ثانويه
قابلت نساءا كثيرات بكل الوظائف و المؤهلات منهن من تتصنع الانوثة فتصير فجة و مطمع لضعاف النفوس و منهن من تجعلك تحدثها و بينكما اميال من الاحترام و الاجلال وهي في الحالتين انثي الاولي افرطت و الثانية اجبرت
و اهم ما في الموضوع الحياء

تحياتي

Ahmed يقول...

الأنوثة شئ واللي بنشوفه في الشارع شئ واللي بيجي في التليفزيون شئ تانب خاااالص

اعتقد أن اقرب حاجه لوصف للأنوثه -طبعا انت توصفيها أحسن مني 100 مره- أن الأنثى تبقى على فطرتها اللي خلقها بيها ربنا

الصح معروف والغلط برده معروف
والحد بينهما فاصل

الموضوع جميل وجماله في بساطته

طوبه فضه وطوبه دهب يقول...

يسلم لنا كلامك وتسلم ايدك اللى كتبت الكلام الجميل ده ومش انتى لوحدك اللى بتحمدى ربنا انك بنت انا اكتر منك بحمده الف مره بجد الشباب الله يكون فى عونهم على اللى هم فيه تحياتى ياقمر

موناليزا يقول...

اول مرة اعرف منك ان الانوثة بقت كلمة تخض:)
طبعا انا متفقة معاكى فى رايك
بس اكتر حاجة عجبتنى بجد انك مبسوطة انك انثى لان الرجل عليه مسئولية كبيرة
ياريت الرجالة يقرأوا الكلمتين دول

صوت من مصر يقول...

للاسف انا راجل واسمى كيمو بس راجل اوى
البوست هايل يا حاسوباتيه

ابو على يقول...

مدام بوز جزمتك بيدل على انوثه طاغيه
ههههههههههههه


انا من رايى الانوثه دى حاجه خاصه بالبنت

يعنى لا ف احترام شايفين الانوثه دى ولا ف قلته

يعنى كل بت بقى تخليها ف حالها احسن تنضرب ب النار


هع

blue-wave يقول...

طبعا
مفيش كلام
مفيش اجمل من الأنوثه
ازاى البنت تعرف تكون انثى بجد
رقيقه وناعمه
لكن ب ميت راجل
تفتكرى المعادله معقوله؟؟؟

غير معرف يقول...

تفتكري ححتاج ايه اكتر من كدا كراجل شرقي

محترمة

محتشمة

شيك بأدب

صوت هادي

ابتسامة رقيقة

تفتكري يعني ممكن اكون عندي اوبشن جديد

عموما دي انثي مش عربية

ياريت بقي الرجالة تفهم

انها كدا خلقها ربنا كدا للي بيفهم

اما اللي عايز اوبشن تاني موجوديين برضو

Unknown يقول...

حاسوباتية

احييك علي المقال

فعلا احنا مفتقدين الانوثة الحقيقة

الانوثة اللي معناها حياء و رقة وهدوء

شكرا علي الموضوع و شكرا علي زيارتك لمدونتي

يا رب ما تكون الزيارة الاخيرة

اقصوصه يقول...

فعلا كلامج صح

ومفهوم الانوثه تشوع جدا على يد الاعلام

تدوينه ممتعه

تقبلي مروري من هنا :)

أسامة وغيداء يقول...

أجمل مافي الأنثى رقتها ونعومتها وهدوئها وألهم من هذا كله خجلها
وكل الشكر لك حاسوباتية

Mony يقول...

فعلا و الله عندك حق في كل اللي قولتيه

و عجبني اوي تعليك lonely


تسلم ايدك

عاشقه وغلبانه يقول...

ياااااااااااه
كلمه جميله اوي
انوثه
مش القرف اللي في الشوارع
مش البنت اللي الكل بيبص زي ماتكون ملك عام
مش البنت بجينس ضيق وبدي محزق
مش الضحك بصوت عالي والسهر بره والخروج الكتير
قليل اوي لما تلاقي بنت تعرف الفرق بينها وبين الرجل
وكل ده ناتج عن مفهوم المساواه اللي الاعلام بينشره
مهما حصل البنت عمرها ماهتبقي زي الرجال
تحياتي ليكي ياجميل

و القادم....أجمل يقول...

موضوعك هايل

بس ليه متكونش أنثى بميت راجل
؟؟؟؟؟!!!!
أيوه يعني مش في المظهر و لا الشكل
و لا الأسلوب
لكن جزء المسئولية اللي قولتي عليها
إن الراجل عليه مسئوليات كتير
ممكن جدا تكون أنثى بميت راجل
يعني يعتمد عليها في المواقف
اللي الرجالة بتختفي فيها
سواء الظروف حكمت انهم يختفوا
أو هما فضلوا من نفسهم الإختفاء
!!!!!!!!!!!

أحييكي على الموضوع الرائع

بالتوفيق دايما
:)

سمكه واحده يقول...

ياااااااه كأنك بتوصفيني بظبط يا سبحان الله ايه ده مش ممكن هههههه

نيجي للجد بقي فعلا كلامك كله صح في ناس كتير مسترجله بمعني الهزار والصوت العالي والهبل اللي بيعملوه وفي ناس بردو فاكره الانوثي لبس المحزق والملزق والضيق والعبط في طريقه الكلام لا ده كويس ولا ده كويس
لو كل انسان اتبع الدين صح واللي بيقول عليه ربنا سبحانه وتعالي ورسوله الكريم وكل واحد خد وظفته صح الدنيا هتمشي صح وكل واحد يتقي ربنا في عمله الدنيا هتبقي حلوه

لان الست هي اساس المجتمع وهي اللي بتربي وتنشأمجتمع سليم والله هي اصل كل حاجه فياريت تبقي زي القمر كده وعسوله ورقيقه وعارفه ربنا صح
معلش بقي موضوع كبير اوي وطولت عليكي

hasona يقول...

في زمن أضحت الجزمة سلاح

،،،،،،
عندك حق لازم الشباب يتحلوا بالرجولة والنخوة
ولازم البنات يتصفوا بالأنوثة والرقة
يمكن ما وضحتي أصبح كل شئ مقلوب في حياتنا ( الرجولة والأنوثة)
لكن
كلٌ ميسر لما خلق له

البنت لازم تجمع بين الانوثة والرجولة بأعتدال ( الرجولة هنا أن لا يصبح كلامها ذو مغزي أخر ويفهم خطأ) تكون محددة في تصرفاتها

الفتاة رقة انوثة ذكاء- ولا يجرؤ أحد أن يستغلها ولا يسئ اليها

لابد من اعادة تصحيح المفاهيم لدينا

شكرا لك
وتحياتي

حروف يقول...

انتي صح بس ليا وجهة نظر انا شايفة ان بنات كتير في الزمن دة بقوا ارجل من شباب كتير مش بلمعني انهم بيقولوا كلام ميصحش او صوتهم عالي او اسلوبهم مسترجل انا بتكلم عن تحملهم المسؤلية وانهم اد كلامهم والصفات الحلوة الرجولة مش مظهر جد وصوت عالي وشرب شيشة زي الولد وكلام مستفز وغير لائق الرجولة كلمة اكبر واعم ولو فهمناها كل واحد حيتمني ان يحمل هذا المعني بداخلة اول زيارة وعجبتني مدونتك انا شفتك معلقة عند عاشقة وغلبانة وقلت اجي اشوف مدونتك سلام

رئـــــيسـة حزب الأحلام يقول...

جميل فعلا معنى الانوثة اللى انتى قلتيه دة بجد ياريت يتم تغيير مفهوم كلمة انثى للاسف الاعلام مخلى الاالانثى عرى وخلاعة
الانسى فى رأى امرأة قادرة على العطاء قادرة على الحب والعطف
الأنثى هى العاطفة هى الحب المفقود فى زمننا
تحياتى لكى

dr. Ahmed Sakr يقول...

ما شاء الله على الكلمات

الأنثى تفتخر بأنها أنثى وأيضاً الرجل يفتخر بأنه رجل ويحمل المسئوليات والأعباء لأنه خلق من أجل هذا والرجل له طبيعه غير الأنثى ويتحمل الصعاب أكثر من الإناث ولكن هناك نساء بمائة من الرجال فكل ميسر لما خلق الله

بوركتى يا حاسوباتيه

عمرو يقول...

أنتى عاقله يا بنتى و الله ربنا يهديكى و يكملك بعقلك
بس مخنوق منك أوى علشان وجهة نظرك فى الجواز اللى قلتيها عند زوجه مخنوقه :)
يا حاسوباتيه ربنا عند حسن ظن عبده به يعنى تفائلى خير و اٍن شاء الله حتتوفقى فى الزواج و حتبقى أيام سعيده و بكره تفتكرى :)

smraa alnil يقول...

والله انا طول عمري بقول الراجل راجل والست ست

صبرني يارب يقول...

راي العسولين

ههههههههههههههههه
الحمد لله اصبحت عسوله

بصي احنا الى عملنا كده فى بناتنا

شوفي كده واحده وهى بتشكر فى بنتها او بنت تانيه عاجباها

انا بالصلاه على النبى بنتى زي الراجل مش بتاعة مياصة البنات والكلام ده وما حدش يقدر يقولها بم عشان كده مش باخاف عليها ابداااااااا

والتانيه بقى

انا بنتى خايبه خالص والله ما بتعرفش تروح لاخر الشارع لواحدها ولا تعرف تشتري دبوووووس من غيري اصل انا معوداها على كده مش من البنات الفلتااااااانه

طب فين البنت الى انثى فعلا محترمه ومثقفه وجريئه وشجاعه ومش بجحه ومش قليلة الادب ومش مايصه ومش بتوه فى اخر الشارع ؟؟؟؟

احنا غلط

مجتمع ما زال يشعر بعار الانوثه صدقينى

لسه جوانا الاحساس ده للاسف

مش انا يعنى ده هما انا لا

معاكي فى كل كلمه قولتيها

احنا عندنا ظوابط فى الدين نمشي عليها ما نتعبش

يضرب بخمورهن على جيوبهم (الحجاب الشرعي من غير اسامي ولا بتاع )

لا يخضعن بالقول

لا يتبرجن تبرج الجاهليه

لا يتشبهون بالرجال

يغضضن من ابصارهن ويحفظن فروجهن

قشطه كده ؟؟؟

ما قالش نسترجل ولا نتحبس فى البيوت ولا نبقى هبل ما نعرفش نشتري دبوس لواحدنا

تحياااااااتي يا جميل

بنت الغربة يقول...

حبيبتى ياحاسوباتيه موضوعك جميل قوى
انا ضفتك عندى ياقمر - انا شايفه ان الانثى لازم تحترم نفسها الاول وتراعى ربنا فى لبسها
واكيد الناس هيحترموها ويعملوها باحترام
اما بالنسبه لراى الراجل فى الانوثه فمن خبرتى هو ممكن يتفرج على النوعيه الى انت قلت عليها (المحزقين ولابسين من غير هدوم )
بس مايرضاش ابدا بتاتا البته ان مراته تلبس كده او حد يبصلها زى ماهو بيبص
واللبس المحترم صعب تلاقيه فى بلد زى الى انا فيها بس ربك بيسهلها
بس انا مع البنت الى بتعتمد على نفسها ووشها بشوش وماتخافش لما تهزا واحد بيعاكسها
تحياتى ليك

رؤية يقول...

والله انتى عسولة

وعندك حق

تحياتى لك

حاسوباتيه يقول...

فطومه

ده انتي الي حبيبه هارتي ياقمر احلى كلمه قولتيها هي كلمه الشيخ الشعراوي الله يرحمه بس عندي زياده صغننه ان التعامل مع الراجل بكل البمخلوقات دي صدقيني هههههه
كلامك جميل واتفق معاكي طبعا فيه ويارب دايما منوراني

حاسوباتيه يقول...

TeVa
فعلا عندك حق مفاهيم كتير اصلها صح بس الاعلام غير مفهومها
تحياتي ليك

حاسوباتيه يقول...

M.K
طبعا الحمد لله اننا بنات ده الرجاله دول وجع دماغ ههههههه
نورتي ياقمر

حاسوباتيه يقول...

اينو الرقيقه

انتي الي اكتر من جميله ياقمر وطبعا الحياء اول حاجه في الانوثه
منوراني

حاسوباتيه يقول...

3omda
اه طبعا انا بنت وبحب نفسي بنت وهكون بنت للنهايه
تحياتي ليك ومنورني

حاسوباتيه يقول...

احوال الهوى

رايك فعلا صح واسؤ حاجه التصنع
تحياتي ليك

حاسوباتيه يقول...

Eng. Ahmed Abo El-Ella
عندك حق الفطره هي قمه الانوثه والصح صح والغلط غلط
نورتني وتحياتي ليك

حاسوباتيه يقول...

طوبة ذهب وطوبة فضة

تسلمي يارب وفعلا الحمد لله اننا بنات
منوراني ياقمر

حاسوباتيه يقول...

موناليزا

هي يعني مش عيب بس الاعلام بينها بشكل خطئ وده الي كنت اقصده وفعلا ياريت الرجاله يقرؤوا ويعرفوا ان احنا اهو معترفين بان عليهم مسؤوليه وربنا يعينهم يارب

تحياتي ليكي ياقمر

حاسوباتيه يقول...

صوت من مصر

اه ده انت بتحسدنا بقى لاننا بنات وبتحقد علينا بس احنا غلابه اهو وبنعترف ان ربنا معاكم عليكم مسؤوليه
تحياي ليك ومنورني دايما

حاسوباتيه يقول...

ابو علي
هههههههههههههه لا فعلا انوثه بجد ورايك لذيذ وواضح
تحياتي ليك ومنورني

حاسوباتيه يقول...

blue-wave
طبعا معقوله لان في ستات كتير متحملين المسؤوليه الي الراجل المفروض يتحملها هو وبرضو مابينسوش انوثتهم
تحياتي ليك

حاسوباتيه يقول...

afew good men
عندك حق هما الرجاله هينهبوا بقى كفايه كل الاوبشن دي هههههه

تحياتي ليك

حاسوباتيه يقول...

ذات النطاقين

اكيد الحياء الف بيه الانوثه ونورتيني ياقمر

حاسوباتيه يقول...

اقصوصه

الله يخليك يارب وشكرا لمرورك ويارب دايما تنورني

حاسوباتيه يقول...

أسامة وغيداء
طبعا كل ده اجمل مافي الانوثه ونورتوني

حاسوباتيه يقول...

mony
تسلمي يارب ودايما منوراني كده

حاسوباتيه يقول...

عاشقه وغلبانه
والله عندك حق الشارع بقى في اشكال فظيعه والله وتكسف انا بكون مكسوفه للبنت الي كده وهي عادي ولا بيهمها ربنا يهدي
وانا ضد المساواه الست ست والراجل راجل

نورتيني ياقمر

حاسوباتيه يقول...

و القادم....أجمل

اه طبعا في كتير ستات بميت راجل بس برضو مابينسوش انوثتهم
تحياتي ليكي

كفايـة طيبـة يقول...

تمام :)

كلام جميل اوى :)

سقراط يقول...

اولا السلام عليكم
ثانيا انا بحييكي على رأيك ده
انا كنت عاوز اكتب تدوينة عن الموضوع ده
وكنت هاقول نفس رأيك ده بالظبط
لكن الكلام لما يكون من بنت (أنثي يعني)
هايكون وقعه اقوي
انا بحييكي مرة تانية
سلامونتى

GiGi world يقول...

نصيحه حلوه ومعاكى فى كل حاجه قتيها بس يارب نعرف ننفذها انا وغيري
تحياتى ياقمر
واتشرفت بزياره المدونه اللى فيها لمسه انوثه رقيقه

انسانةعادية فى عالم مش عادى يقول...

تسلم ايديكى بوست جميل جدا

zainab يقول...

حاسوباتيه
عندك حق فى اللى قولتيه
ده الواحد بيشوف أشكال غريبه
ربنايهدى

Mona Shereif يقول...

الحمد لله رب العالمين
تعرفى بجد
المرأة فعلا نست انها انثى
وان دى وظيفتها
الحمد لله رب العالمين انى انثى
وفعلا الانوثة فن لا تتقنه الكثيرات
عجبنى تعليق لونلى اوى
فاكره لما قلت لك ان موقف المرأه هو موقف التلطيف وموقف الحنان
كنت سمعتها من الشعراوى برضه
ربنا يقدرنا ونكون كده فعلا
وحشتينى اوى

vamo يقول...

بأيدك في الموضوع ده
الانوثة معناها العوامل اللي بتميز البنت اللي المفروض اصلا تبقى فيها
الخجل
الحياء
الهدوء
الطيبة
انها تعرف انها بنت وتتعامل على اتها بنت
لان في بنات دلوقتي أرجل من رجالة كتير
الحال اتقلب

vamo يقول...

بأيدك في الموضوع ده
الانوثة معناها العوامل اللي بتميز البنت اللي المفروض اصلا تبقى فيها
الخجل
الحياء
الهدوء
الطيبة
انها تعرف انها بنت وتتعامل على اتها بنت
لان في بنات دلوقتي أرجل من رجالة كتير
ومش قصدي المرجلة الجدعنة لا
الحال اتقلب

emey يقول...

اولا اشكرك على زيارتك لمدونتى وتعليقك الجميل ثانيا الموضوع بتاع بوش كل الناس فرحانة فية بس انا كان نفسى تيجى فى وشة كانت هتكون اجمل واجمل على فكرة فى ناس سمو اسم ابنهم على اسم منتظر فخر واعتزاز ........ اصل هو مش عايز يطلع باحترامة فطلع بالجزمة بس اراهن ان بوش لو كان هيفضل فى الحكم مكنش حد يقدر يعملة حاجة ثالثا الموضوع بتاعك جميل جدا رابعا ارجو السماح لى للدخول المدونة بانتظام والتعليق على الموضوعات .......

صوت فيروز يقول...

wallahy enty 3asal :)

hasona يقول...

قرأت في كتاب (نساء حسن سليمان"
لعبلة الرويني

جمال المرأة الشعبية جمال صريح وأصيل.. يقول حسن سليمان: هي امرأة لا تخفي أنوثتها بل تجاهر بها ،ليس لديها عقدة (المساواة) لدي المرأه المثقفة او المرأة الأرستقراطية.. لاالرجل في الأحياء الشعبية يريد أن يكون امرأة ، ولا المرأة تريد أن تكون رجلاً .أنوثة خالصة نقية


حبيت أضيفها
شكرا

وكل سنة وانت بكل خير
تحياتي