30‏/12‏/2008

قله ادب


طبعا كلنا بنعيش اصعب وقت دلوقتي ملي بيحصل في غزه وبجد كلنا قلبنا بيوجعنا ولازم ندعيلهم كلنا بجد ويخلصنا من اليهود يارب امين

بس بقى في حاجه مضايقاني وفرساني موت ومش قادره اسكت عنها وهي الهجوم البشع والسافل على مصر
اولا ماقبلش حد يشتم الحكومه بتاعتنا غيرنا احنا نشتمهم ماشي حكومتنا ونشتمهم براحتنا لكن حد تاني يتطاول علينا وعلى مصر والحكومه دي ساعتها تبقى قله ادب

انا مش بهتم بالسياسه ولا بحبها لكن الي اعرفه كويس ان مصر عملت الي عليها وزياده معونات وقدمنا معونات معبر رفح وفتحناه وقبل اصلا كل الي بيحصل ده مصر حاولت كتير تعمل صلح بين حماس وفتح وحركات السلام

كللللللللل ده وترجعوا تشتموا فيها ليه بقى عايزين نعمل ايه اكتر من كده مين اصلا من الدول العربيه عمل كل ده دلوقتي بتشتموا في مصر لا وكمان ببجاحه بصراحه غريبه
وكمان عندنا ظابط ياسر مات على الحدود لسه عنده 36 سنه بس ومات من فلسطينيين ومانطقناش ولا اكلمنا ولا حتى عاتبنا وقدرنا وكل ده ومش عاجب

في رايي مافيش ارض بتتحرر الا بولادها مايروحوا يجمعوا كل الفلسطينين الى عايشين بره بلادهم ومعاهم طبعا فلوس وعايشين عادي جدا ولا كان في حاجه يجمعوا ويعملوا جيش صح يحاربوا بيه
ما لبنان حرروا نفسهم واحنا حررنا نفسنا
في رايي الفلسطينين الصح هما الي جو البلد بس ودول الي لازم نساعدهم بس برضو كل واحد عربي يحترم نفسه وبلاش قله ادب معانا

حسبني الله ونعم الوكيل في اليهود وكل من نفرق بين العرب

هناك 46 تعليقًا:

hager za3bal يقول...

بجد انا مخنوقه اوي من كل حاجه بتحصل
بجد تعبت خلااااااااص
بس نقول ايه

حسبني الله ونعم الوكيل في اليهود وكل من نفرق بين العرب

------------------------------------

اللهم انصر الاسلام واعز المسلمين
وذل الشرك والمشركين
اللهم انصر من نصر الدين
اللهم دمر اعداء الدين
اللهم اهلك الظالمين بالظالمين
اللهم سلط عليهم سيف انتقامك
اللهم ارفع راية الاسلام عالية خفاقة فى مشارق الارض ومغاربها
اللهم انصر اخوننا فى فلسطين
اللهم انصر اخوننا فى الشيشان
اللهم انصر اخوننا فى لبنان
اللهم انصر اخوننا فى افغانستان
اللهم انصر الاسلام فى كل مكان ..

و القادم....أجمل يقول...

و الله انا قولت رأيي برضوو
احنا منقدرش نعمل
أكتر من المعونات
لكن نعمل ايه اكتر من كده
نروح نحارب
يعني هو الشعب يستحمل
بظروفه دي انه يحارب
احنا لازم نحارب جوا بلدنا الأول
نحارب الفقر و المرض و الجهل
اه القتل اللي هناك
يرفضه اي بشر
لكن مش نقعد نشتم الحكومة
و الحكام
و نرفع شعارات
يا ريت لو حد شايف دور
تاني للحكومة غير المعونات
و المفاوضات يقول
بس يقول كلام يعقل
!!!!!

حاسوباتيه
أنا الصراحة معاكي
ربنا ينصرهم و يقويهم

WhItE HeArT يقول...

هدي اعصابك ياعم ابراهيم غلط على صحتك

هو انا كنت داخل اتخانق معاكي لإنك حسستيني بفشلي من قبل ماابأه مهندس المهم ماعلينا


بصي خلينا واقعيين اولا اللي حصل على السفارات المصرية في بعض الدول العربية ده ماهو الا شماعه بنعلق عليها ضعفنا مش اكتر احنا كعرب " انا مصري والله"

الجزأ بتاع كل بلد بتحرر نفسها معلش اعتقد انك كتبتيه في لحظة غضب

ياحاسوباتيه"معرفش اسمك"احنا مسلمين وكلنا اخوات ولو اخويا في ضيقه لازم اساعده

بصي الموضوع بسيط لا يغير الله مابقوم حتى يغيروا مابأنفسهم وفعلا لو اتغيرنا واهل فلسطين اتغيروا من جواهم ربنا بإذنه هينصرهم

اما موقفنا تجاه معبر رفح فكان موقف بكل بساطة غير مبرر انه يتقفل ويمنعوا المساعدات لمدة كبيرة تصل لأكتر من يوم انها تصل فبصراحه زي ماقلت موقف غير مبرر ومش هنتكلم عليه كتير لإن انا فعلا حيران ومحتاج حد يبررهولي

ربنا هدي الجميع وينصرنا على اعدائنا يارب

تعالي واشتركي معانا في حملة ندعي لفلسطين

تحياتي

انسانةعادية فى عالم مش عادى يقول...

كلامى مش هيعجبك على فكرة وانتى عارفة بسبب البوست اللى فات
بس اللى هقوله مصر مفتحتش المعبر الا بعد ما ماتت الالاف من الشعب الفلسطينى معونات ومساعدات موصلتش واللى وصل 12 عربية محملة بالمساعدات وبعد يومين مصر كانت عارفة باللى هيحصل بدليل
وحتى لو عارفة ابسط حاجة مش يطلع ابوا الغيط يقول كلام مستفز بعد الهجوم على غزة فين الريس اللى نايم على ودانه مش شايف ليه اى دور حتى يقول تصريح يدين مفيش علشان هوا اجبن من كده
مصر دورها كبير مش مسالةحرب ونحارب معاهم والكلام ده لان زى ما قولتى مفيش بلدبتحرر الا باولادها ومساعدات الدول اللى جنبها زى ما بيطلبوا مصر لازمكل الدول العربية تتوحد هى كمان مصر مش هتواجه لواحدها
بس مينفعش اشوف اخويا بيموت قدامى واسكت واقول انا مالى ميفعش
وهل يعقل انى اصدر غاز للاسرائيل علشان تقتل بيها اخواتنا
ولا معقول علشانمصر تخلص نحماس تسكت على ابرياء غزة اللى بموتوا كل يوم
الكلفى الموضوع ده غلطان فلسطيين مصري وكل وعربى ساكت على الحال ده
ومصر هى الامل مش مصر ام الدنيا وكبيرة العرب ولا كلام وبس
انا نفسى الجبان مبارك يتجرا ويطلع يقول تصريح بنفسه
بس هقول ايه حسبنا الله ونعمة الوكيل
وفى الاخر انا مش مع الهجوم الشديد على مصر ده مهما كان دى بلدى
بس بردوخوفى على مصر مش هيجى حاجة جنب خوفى على اخواتنا فى غزة دول بشر
ومصر دى شئ معنوى يعنى مش هيجرى حاجةلما يتكلموا عليها
يومين والكل ينسى اطمنى من طبع الانسان النسيان حتى غزة هننسها

romansy يقول...

ااامتى بقى نبقى ايد واحده
ويبعد الظلم دا عنا

امتى بقى
المشكله اننا مش عارفين احنا عاوزين ايه كلمه تودينا وكلمه تجيبنا
بس اللى احنا عاوزينه اننا
نرجع الارض
ونعيش فى سلام

princess يقول...

مش عارفة نظرية ادعى على ابنى واكره الى يقول امين دى تنفع هنا ولا لا:))
بصى مننكرش ان مصر عملت حاجات بس برده يعنى مثلا السفير الاسرائيلى بيعمل ايه هنا لسه؟؟؟!
بصى الغلط على العرب كلهم مش مصر بس
عموما بجد مش فارقة دلوقتى
المهم ربنا يزيح الغمة دى يارب
تحياتى

Eng. Ahmed Abo El-Ella يقول...

بصي ياحاسوبتيه

كلاب ايران هي اللي بتعوي على مصر ودورها
واحد زي حسن نصر الله بيدعو لانقلاب في مصر
مع أنه على الحدود مع اسرائيل ومفكرش يضرب ولا حتى نبله

ايران وسوريا شغاله مظاهرات وحدش فيهم فكر ولو حتى قطن وشاش للفلسطينين
فالحين بس يقولوا مصر عملت مصر سوت

انا موافق أن احنا ضعفاء بس موافق أكتر أن الضعف ده سببه أن كل العرب في حته بعيده عن التاني

اللي عايز يحارب يورينا نفسه
واللي عايز مصر تحارب, أضعف الايمان يورينا دعمه مش صوته

أحــوال الهـوي يقول...

كلامك صح و اعنقد انني ذكرت نفس الراي تقريبا في اكثر من رد في مدونات مختلفة

الموقف سياسي بحت و حماس تحاول ان تخرج من حصارها الي توسيع نطاق المواجهه باقحام مصر في الموضوع سواء في فتح المعابر بالقتل و القوة للجنود المصريين و العبور الي داخل حدود مصر فتتعقبهم اسرائيل لضربهم و لا تجد مصر بد الا بالرد و تصبح طرفا بالصراع

هذا تصوري لسيناريو حماس

تحياتي

** القــــلـــب المنـــكـــســر** يقول...

السلام عليكم

اللهم اهلك الظالمين بالظالمين


اللهم سلط عليهم سيف انتقامك

كلمات ذهبيه و معبره على اشياء كثيره

بوست رائع و مميز

تحياتي

**************

القلب المنكسر
***********

دمتي بكل خير و سعاده

******************\

اتمني زيارتك الي مدونتي المتواضعه

lonely يقول...

ياختشى كل واحد رئيس دولة فالح يقولك نتكاتف ولازم نقف ضد معرفش ايه
كل واحد بالشكل ده ومحدش بيروح للتانى ويقوله يللا بينا
لأ مستنيين واحد يبدا ويجروا وراه وكله خايف ياخد خطوة

وبصراحه انا شايفه ان حماس وفتح دول اللى مبهدلين الدنيا ودلوقتى اسرائيل ماشية بسياسة فرق تسد ,, وأساسا فتح وحماس مش طايقين بعض ومتفرقين خلقه معرفش ليه
يبقى اسرائيل ليها حق تعمل اكتر من كده ولا لا

وبما انى مش فاضيه اكتب بوست علشان الامتحانات الا انى رحت النهارده وقفة احتجاج على اللى بيحصل ,, وعيطت وافتكرت بوقفتى دى فى ناس اخواتى بتموت
اتاثرت جامد لما حسيت بالمسئولية عن موتهم

اما الكلام الفارغ والاتهامات الموجهه لمصر وان كنت فى بعض الاوقات بحس بتقصير من الجانب المصرى الا انه ماينفعش فى الوقت ده يقولوا عننا حاجة زى دى
والاغرب ان الريس مقالش حاجة عن الموضوع ده تشدنى

ربنا يرحم الشهداء ويشفى المرضى ويرزقهم الصبر يارب

Foxology يقول...

كلامك صح ياحاسوباتية واهو السادة الأفاضل الخليجيين منقسمين على عقد قمة طارئة لمناقشة موضوع غزة !!!

منقسمين اساسا على انهم يعملو قمة (يتكلمو) فيها وبس مش منقسمين مثلا على بناء جيش ولا حتى معونات تنقذ غزة !!!

دول اللى بيقولو مصر ومش مصر ؟ الله يرحم ايام التكية والموكب بتاع المحمل والجيش اللى رجعلهم ارضهم لما كانو بيصيفو فى اوروبا !

حاجة تفقع

نهــــــــــار يقول...

السلام عليكم ...
بالطبع أوافقكي الرأي أختي....
لما الهجوم على مصر فقط...
والسكوت على نوم باقي العرب ...
الشعب المصري هو أكثر شعب متفاعل مع الأزمه..
.........
اللهم إنهم مغلوبون فانتصر..
اللهم إنهم مغلوبون فانتصر..
اللهم إنهم مغلوبون فانتصر...

EmY يقول...

يا سلام عليكيهو ده الكلام

ارمي ولادي في النار ليه و اخرب ميزانية بلدي ممكن اعلم و اعالج بيها

المعبر من اول يوم مفتوح
علاج المصابين و مصر مستقبلاهم في مستشفياتها
مساعي دبلوماسيه و حصل يبقي ليه نتشتم بقي

و العرب الي عارفين يشتمونا عملوا هنا ايه
محدش حتي قال كخ كده يا اسرائيل
ولا عايزيم مصر ترمي ولادها في نار الحرب و هما يقولو عفارم عليكوا

wafaa يقول...

السلام عليكم
اولا انا معاكى ف ان محدش يشتمنا احنا بس الى بنهدل نفسنا
بس لو سمعتى كلام وزيرنا المحترم دمك هيتحرق ، مش عارفين يجيبوا حد بيعرف يقول كلمتين عاقلين يهدى بيهم الرأى العام العربى ؟ حتى لو كانو العرب غلطانين ف ثورتهم علينا، لو قلنا كلمة موزونة مهندمة كانو هيتلموا، بس للاسف طلع الوزير بيزعق ويعلى صوته فاكر تفسه بيزعق للولاد ف الشارع
طبيعى جدا بتاخد عليه ضعف موقفه
اما عن الفلسطينيين المهاجرين بره بلدهم يرجعو يحاربو ويحرروا بلدهم ، افتكرى اننا مسلمين وهنتحاسب على اخواننا المستضعفين ف الارض ، ربنا هيحاسبنا كمسلمين مش كمصريين او سودانيين
واخيرا ، اللهم انصر اخواننا ف فلسطين ولا تؤاخذنا بمن مات من المسلمين جوعا وقهرا

تقبلى مرورى
وفاء
حاسوباتية برده بس من زمان شوية

عمرو يقول...

طيب اٍسمعى دى بقى
دلوقتى هيئة علماء الأزهر طلعت النهارده فتوى بتقولك أن الظابط المصرى اللى أتقتل على الحدود برصاص مقاتلى حماس مش شهيد و لا حاجه !!
ليه يا مشيخه ؟؟!!
قالك لأنه كان بينفذ أوامر جائره و مات مش فى سبيل الله و لا الوطن و لأنه رفع سلاحه فى وجه أخيه المسلم العربى اللى أستجار بيه من عدوان اليهود !!
جديده الفتوى دى و الله !!

sergo mard يقول...

اولا انا اول مرة اعلق هنا بس بجد انا موافقك على البوست دا اوى ومش زى اية لانه بالمنطق وتسلسل احداث هنعرفة انها مؤامرة واشاعة اطلقها الموساد بس اللى يغيظ ان البعض بيساند بغباء وبيضربوا فى سفارتنا ماهما كان احنا فينا من عبر المفروض دا وطنا ومنسمحش لحد يحاول يرفع صوته علينا احنا يا ما قدمنا للكل لكن عمرنا مس معنا كلمة شكر من اى حد واكتر حد بيتعزب ومهان فى الدول العربية العمالة المصرية كانهم مش مسلمين ولما جه الدور بقة نبقة مرة سالبين مش عجبهم على الرغم انى مش شايف اننا سالبين احنا الفتات اللى احنا مش لاقينة بنقدمة للى المفروض بنقول عليهم اشقاء ومحدش يقول انه واجب علينا ودا فرض لانها مش مازيدة على دورنا اللى المفروض البعض بيحاول ينسه ودا واضح من مخطط الموساد الاخير اللى قلب الدفعة فى اتجاه ان مصر هى اللى خاينة والكل انساق وبدعم من مين الاغبياء اللى فاكرين نفسهم وطنين والاغرب ان بعض اللى عبر من منفذ رفح قرر انه مش هيرجع مش من الخوف من الموت لكن لانه بيقول ان سيناء دى ارضة ودا المخطط التانى اللى اسرائيل بتحاول تفرضة علينا من كل الاتجاهات اننا نتنازل عن سيناء للفلسطنين وبكدا تقوم دولة لاسرائيل ودولة لفلسطين والاغرب ان الغباء من البعض عجبتة اوى الفكرة يعنى مصر تفقد شرينها وسيطرتها والبعض موافق عجبى واللى يغيظ اكتر انك تلاقى واحد واخده الجلاله اوى والوطنية وطالع بمظاهر ضد الريس ياعم سورى فى اللفظ الغبى يعنى ماهو لو طلعلك مخ تموت هى مش هوجة والكل هيمشى وراك ولا فرض عضلات انما بالعقل دى مخطط ولازم نواجه لانه يهودى بايدى عربية وبين قوسين كمان مباركة ايرانية شيعية علشان تبقة هى المسيطرة على الشرق فوق من الغباء واحموا مصر من انصاف البنى ادمين ولوحظو اننا اخر معقل سنى قوى فى طريق ايران بعد ماكان العراق متحكم ورعبهم سوريه شعية ولبنا شيعة يعنى مش طلعين لله ونصرة فلسطين انم لهدف رافع راية الشيعة يايعنى الشيطان فى عبئة المحسن بيحسن على الضعيف لضمه فاهمين المهم تانى انا مش شايف اننا سالبين وعمالنا كل اللى علينا واكتر ومازلنا باقى الدول دى تقولى علمت اية غير الكلام والفرجة والمزايدة على دورنا ونسبهم ليهم هقول حسبى الله ونعم الوكيل لو فينا كل العبر انما مافينش الخياااااااااااانة

حروف (دلو مرة ثانية وجرح ثاني سابقا) يقول...

حنعمل ايه مفيش غير حسبي الله ونعم الوكيل ميرسي علي مرورك عنديوكل سنةوانتي طيبة ونامي براحتك متخليش حد يصحيكي عقبالي

المـــفـــــــقــــــــوعـــــة مــرارتـهــا يقول...

انا متغاظة من شبابنا اللي كلمة تجيبهم وكلمة توديهم انا ثابتة علي رأيي في ان الفلسطينين المسلمين واخدين كتير من طباع اليهود اللي هما معاشرينهم
اليهود عرفوا يوقعونا في بعض للأسف لما ضربوا بعد زيارتهم لمصر والأغبية صدقوا ان مبارك هو اللي قال لهم اضربوا طب لو اللي بيتكلم مجنون اللي بيستمع عاقل بقي مبارك يعمل كدة؟
وحسبي الله ونعم الوكيل في اللي قتلوا الضابط المصري احنا مفروض نطالبهم بدية ... حربهم مش معانا ومع ذلك بيهاجمونا

هانى زينهم يقول...

اهو ده الكلام اللى المفروض يتقال فى الموقف ده يسلم قلمك وفكرك .

غير معرف يقول...

اللهم انصر المسملين في غزة يارب

بس معلش انا مش متفق معاكي في جزء ان كل بلد هي اللي بتحرر ارضها بنفسها

يااختي دي مش قضية وطن وارض ...دي قضية اسلام ومسملين ...دول اخوان مسلمين لينا بيتقتلوا ويدبحوا من غير ذنب...واحنا كمسلمين مسؤولين طبعا

يعني ايه اقول خليهم يجمعوا الفلسطينين اللي قاعدين برة ويحرروا الارض ....واحنا دورنا ايه ...نسقف ..ولا ايه ...؟؟

منساعدش اخونا دول ...دول اخوة لينا في الدين ..والارض دي قبل ما تكون ارض فلسطينية عربية دي ارض اسلامية ...يعني ارضنا احنا كمان

وفيها اولى القبلتين والدماء اللي بتسفك دي دماءنا احنا كمان

للاسف ان الامور كلها اختلطت والهوية ضاعت

وبعدين مع احترامي الشديد

لا مصر ولا غيرها عملت حاجة

يعني اللي عملته مصر ده مش حاجة

كفاية بس انها بتمد اليهود بالغاز الطبيعي انا بعتبر دي اكبر جريمة

ده احنا مش قادرين حتى نقطع الغاز عن اليهود

يبقى بيقنا عملين زي اللي بيقتل القتيل ويمشي في جنازته من الاخر

قبل ما نفتح المعبر احنا عشان الجرحى

احنا قادرين نمع المجزرة دي اصلا

لكن للاسف مصر حاليا اضعف من انها تعمل كدة

ولا حول ولا قوة الا بالله


وعلى فكرة كلامي ده مش معناه اني بكره مصر


بالعكس انا مصري مليون في المية

وبحب بلدي وديني

لكن كنت اتمنى تكون احسن من كدة

وكل العالم العربي

عار عليه

عار كبير

ولا حول ولا قوة الا بالله

والحمد لله

صوت من مصر يقول...

صح محدش يشتم الحكومه بتاعتنا غيرنا
100000 مليون توكا ياريس
اقول تانى
بجد عندك حق ؟

Son of Egypt يقول...

السلام عليكم

يمكن اول زياره ليكى وده شرف لى وياريت مش اكون ضيف تقيل عليكى

اولا انا بدعى وكلنا بندعى ان ربنا يفك اسر المسلمين فى غزه وربنا معاهم بس لو تحبى توضيح اكتر ياريت تشرفى مدونتى المتواضعه وتقرأى اخر بوست ارجوا ان يعجبك ما فيه
فيه توضيح لمن يريد

تحياتى ولكى كل احترامى

Eno يقول...

عندك حق ياحاسوباتيه والله قلة ادب بجد :)
حسبنا الله ونعم الوكيل بجد

ماجد يقول...

يا بنتى هو انا كل ما ادخل مدونة الاقيك فاضل افتح الحنفية الاقيك بس على فكرة انا عجبنى كلامك وانت صح بس مشكلة الحومة بالنسبة ليا مش الى بتعملة مع غزة دلوقت اللى مش قادر افهمة ولا استوعبة اية الى كان بتعملة دة قب الضرب ولة كانت بتساعد فى حصار غزة وبعدين هى حتى ممكن تساعد دلوقت بكل مختلف محدش قال تحارب بس على الاقل فية شغل مخابرات ومكن حاجات سرية هما ادرى بيها وفى الاخر يسلم الكيبورد بتاعك

حزينه يقول...

السلام عليكم
لا يسعنى قولا غير حسبى الله ونعم الوكيل
يتالمون هناك
ونحن هنا لا نستطيع عمل شىء لهم
ما باليد حيله
ندعو لهم بالرحمه للشهداء والصبر والسلوان للصامدين
لنا الله


حزينه

طوبة ذهب وطوبة فضة يقول...

انا معاكى يا قمر فى كل اللى بتقوليه ومعاكى ان مش كل واحد مش عارف يعمل حاجه يشتم فينا وان مصر عملت اللى عليها وزياده وحرام اوى بعد كل ده ان ولادها يدفعوا التمن من دمهم الجنود اللى على الحدود ذنبهم ايه يموتوا ويتيتم ولادهم وهم كل ذنبهم انهم بيدافعوا عن ارضهم ياجماعه انا مش متحامله على حد ولا مش متعطفه مع الناس دى لكن صعبان عليا حالنا اوى ياجماعه احنا عندنا مشاكل تكفى امم نفكر نحلها الاول وبعدين يلومونا واشمعنا مصر هى اللى ديما تتلام شوفوا اللى احنا فيه الاول وحرام اوى بعد كل اللى بيحصل كمان يشتموا فينا ويقولوا علينا خونه وعمله ولو كانوا حتى شايفين الحكومه كده الشعب ذنبه ايه ربنا يتولاهم ويتولانا ويهدى العرب كلهم

أ / أحمد عبد المنعم يقول...

بسم الله الرحمن الرحيم
أدعوك لزيارة مدونة
أين ابتسامتك ؟
http://gazaa2009.blogspot.com/

موناليزا يقول...

تصفيق حااد
بجد برافو عليكى
ايوة كده احنا مصريين ونفتخر ومانقبلش حد يشتمنا لان ذى ماانتى قلتى بكل بساطة مصر عملت حاجات كتير اوى(انا سمعت خطاب الريس النهاردة وبصراحة الراجل مغلطش)

hager يقول...

حسبي الله ونعم الوكيل

محمد يقول...

من قتل الضابط
من أمره بأطلاق النار على الفلسطنين
فردوا عليه كما ورد بموقع مصراوى من شاهد غيان
http://www.masrawy.com/News/Egypt/P

olitics/2009/january/1/rafah.aspx

فلسطين أختارت حماس يأنتخابات حره

امريكا واسرائيل وأبو مازن رفضوهم

حاربوهم بكل شكل

حاولوا ذيحهم فى غزه

سبقتهم حماس فى غزه وأجهضوا المخطط


حاصروا غزه
ضربوا غزه

هذه هى القصه

أما مبدأ وحق
أو أنهزام وأنصياع

بنت الغربة يقول...

معاك حق ياحاسوباتيه
انا مش عارفه ليه الشتيمه دى كلها فى مصر؟؟
يمكن هنا فى دبى مفيش حاجه جامده غير شوية مظاهرات صغيره - بس الجرايد والتلفزيون
حاجه صعبه قوى -اشمعنى مصر هى اللى تتبهدل وتتشتم؟؟؟
هى خلفتهم ونسيتهم
ولاهى المسؤوله عن اسرائيل هتشدلها ودانها
ولالازم تجيب الجيش بتاعها وتدخل تحررلهم بلدهم
ماهى مصر ام الدنيا زى مابيقولوا
والله دى حاجه مسخره
عموما كل سنه وانت طيبه ياقمر
وربنا يعدى السنه دى على خير

hager za3bal يقول...

انا جيت بس اقولك
كووووووووووووول سنه وانتي طيبه
ويااااااااااااارب 2009 تكون اجمل من 2008
وتحققي كوووووووووول اللي بتتمنيه يارب

تحياتي يا جميله :)

arsenalwy يقول...

صح كلامك

بس برده للاسف فى نبرة سمعناها الفترة اللى فاتت وهى ان ناس كتير بترد على ده بشتيمة الفلسطينيين وحماس

وده طبعا بنرفضه كلنا فلازم نراعى الناس دى علشان هما مشحونيين من قوى سياسية للأسف بتلعب على أمن مصر

saheda.com يقول...

المرشد العام يطالب المسلمين بالتحرك لنجدة غزة... كتائب شهداء الأقصى وسرايا القدس وباقي فصائل المقاومة تعلن أنها تقاتل جنبًا إلى جنب مع كتائب القسام وتقول إنها معركة الفرقان كما أعلنت القسام... الجيش الصهيوني يسحب أجهزة اللاسلكي من جنوده بعد اختراق حماس لها... سلطات الاحتلال تطلب من المغتصبين على بعد 40 كم من غزة التزام الملاجئ... مصادر صهيونية تعترف بسقوط قتلى و25 جريحًا بين قواتها... الاشتباكات بين المقاومة الفلسطينية وجيش الاحتلال تدور في محيط 2 كلم فقط... كتائب القسام قصفت العدو اليوم بـ 24 صاروخًا و17 قذيفة هاون و4 عبوات ناسفة... أنباء صهيونية عن ارتفاع القتلى في صفوف جيش الاحتلال إلى 9 من بينهم قائد لواء جولاني... جيش الاحتلال يؤكد سقوط 5 صواريخ للقسام في النقب... القسام تحاصر أكثر من 12 جنديًّا صهيونيًّا أعضاء قوة صهيونية خاصة بالقرب من شرق قطاع غزة... نتيجة المقاومة الشرسة مجلس الأمن يعقد اجتماعًا خاصًّا لبحث الأوضاع في غزة بعد ساعتين من الآن... توغل قوة صهيونية خاصة في منطقة رفح... إعلاميون صهاينة: حماس نجحت في شن حرب نفسية على الجيش الصهيوني... مصادر إعلامية صهيونية تؤكد التفاف المقاومة على جنود الاحتلال من الخلف مستخدمين الأنفاق... القناة العاشرة الصهيونية تعترف ببطء العملية العسكرية في غزة نظرًا للمقاومة الشرسة... الرقابة العسكرية الصهيونية تفرض حظرًا إعلاميًّا على مجريات الأحداث في الحرب الدائرة داخل قطاع غزة بعد الأنباء عن وقوع قتلى وجرحى في صفوفهم... كتائب القسام تؤكد أنها تحاصر قوتين صهيونيتين في رفح وشرق قطاع غزة... كتائب القسام تعلن اختراقها لموجة اللاسكي الخاصة بالجيش الصهيوني وأنها سمعت من خلاله التبليغ عن مقتل 5 جنود صهاينة وإصابة 21

GiGi يقول...

سياسه واسرائيل بتلعبها
المشكله اننا بنصدق واحان الى بنشتم فى بعض معاكى اننا نشتم فى حكومتنا حد تانى لالا لا لا لا ا لا لا لا

mahasen saber يقول...

ربنا ينصرهم ويكشف كرب الامه المنكوبه دى
اليى هيا امتنا كلنا

ستيته حسب الله الحمش يقول...

حبيبتي صاحبة المدونة
عرفتك من تعليقك عند جيجي
ورغم ان اليوم دخلت الامور منحنى جديد عسى ان يجعله ربي زلزلة على بني صهيون قولي امين
لكن زعلت لما شفت وصفك لنفسك بأنك عاطلة وفاشلة
لأ طبعا مش فاشلة يا باشمهندسة اما كونك عاطلة اسعي بس شوية لأن تخصصك مطلوب في السوق ولسه مش من التخصصات اللي قفلت دومينا
ربنا يوفقك وارجو ان تزوريني في مدونتي وتقبليني صديقة رغم فارق السن فربما استفدت من حماسك واستفدتي من خبرتي
ولك كل الحب والتحية

كاتب مصري يقول...

تعاطفك مع غزة شيء حلو بس كلامك الباقي اتعجبت منه يعني انهم يشتموا في مصر ده شيء بيحرق قلبي قوي ويتعبني لإن ولو كانت الحكومة بتاعتنا غلطانة على قولك نشتمهم احنا وبعدين احنا ذمبنا ايه نضيع وسط الرجلين ده كله مقبول

لكن انك تقولي مفيش بلد بتتحرر إلا بأهلها ده غلط تماما مش هقولك عمر بن الخطاب لما فتح فلسطين عشان كانت كلها كفرة وده أول فتح لها ودخول للإسلام لكن هقول صلاح الدين كردي مش عربي خالص وفتح فلسطين وحررها بعد ما الصليبين أخدوها مش كده ولا ايه اه ممكن نقول الفلسطنين الي برة يهتموا بالأمر لكن الرسول كمان قال..من لم يهتم بأمر المسلمين فليس منهم
أنا مش بهاجمك والله أبدا أنا بس بقلك نصيحة وأوضحلك حاجة يمكن تكون غايبة عنك لإني بحزن قوي لما ألاقي فكرنا غريب كده
انت باين من كلامك ان جواكي خييييييييييير كبير بس غ\يرانه على مصر وأنا زيك بكون هقطع لسان الي يشتم مصر غيرنا بس بردو ده ميخليناش ننسى الناس الي بتموت دي..صح ولا أنا غلطان
مودتي
وكل سنة وانت طيبة

ابو على يقول...

:d

واللهى كلامك هو كلامى انادايما بقول اللى اتاخد منه الحق هو اللى يرجعه مش حد تانى اللى باعو نفسهم زمان

اما حكيمه الشتيمه دى ف بصراحه احنا نستاهل لاننا بنحط راسنا ف الطين على الاقل لما بنشتم حكومتنا زى ما بتقول يبقى بينا وبين نفسنا احنا محتاجين حد يشتم بدالنا

وربنا يكتر من حسناتك:d

تحياتى

عابد الرحمن يقول...

تسلم يمينك بجد روعة
متشكر على كل حاجة حلوة قولتيها في حقنا
اخوكي عابد

emey يقول...

عندك حق فى كل كلمة وتقولى انا ماليش فى السياسة امال انا اللى لية

حروف (دلو مرة ثانية وجرح ثاني سابقا) يقول...

يا حببتي فينك عاملة ايه

فارس القمر يقول...

حسبى الله نعم الوكيل

ان لله وان اليه راجعون

ربنا ينصرهم ويقويهم

المشكله ان اليهود عاوز تكرهنا فى بعض

العرب نايمين فى العسل وكل حاجه يقلوها مصر مصر وخلاص
مصر عملت اللى عليها فينكم انتوا تعملوا نص اللى مصر عملتوا

بس خلاص

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

غير معرف يقول...

هذا هو الاسلام