26‏/1‏/2009

تاااااج


لتاج ده جالي من هجور العسوله ونقول بسم الله

1
- لو كاان ينفع تختار عصر تعيش فيه هيبقي انهي؟ ومين الحاكم؟

والله هو في كذا عصر اولهم طبعا عصر الرسول صلى الله عليه وسلم او عصر عمرو بن الخطاب لاني بحب الصحابي الجميل ده جدا او عصر الملوك و الملك فاروق هو الحاكم او عصرنا دلوقتي بس يكون عمرو موسى هو الريس


2- أول أولويه في حياتك؟
بصي هو الاولويات كلا شويه بتختلف يعني لما كنت في الدراسه لسه كانت اولياتي اخلص من الدراسه والتعليم والكليه دلوقتي بعد ما خلصت اولوياتي اكون بيتي انا واعمل اسره صغننه كده وبيت واكون ان شاء الله سعيده فيه يارب

2- أكتر حاجه بتحبها في رمضان؟
القطايف هههههههه اصل بحبها جدا ومش باكلها غير في رمضان حتى لما اكلها بعده مش بتكون بطعامه رمضان
لا بجد بقى رمضان كله حلو بحب فيه جو الايمان الجميل والخشوع الي بيكون عندنا كلنا بحب فيه اني بحس انه اقرب وقت بكون فيه قريبه من ربنا قوي وكل الناس كمان وياريت كانت كل السنه رمضان


3- أوصف أجمل فطار ممكن تفطره؟

لما بفطر عند خالتو لان كلنا بنجمع


4- لو انت حاكم هتكون عادل؟ وهتعرف ازاي؟

اولا عمري ماهكون رئيسه حتى لو اتعرض عليا هرفض بس خلينا نقول لو اكيد هحاول اكون عادله باني اخلي القران هو الدستور الي همشي عليه في البلد وهو القانون

5- مين أكتر اعلامي بتحبه؟

منى الشاذلي
عمرو اديب
محمود سعد

7- لو ممكن شغلانه تانيه تختار ايه؟

لا مش هشتغل ابدا وربنا مايحوجني للشغل عمري

8
- تاني بلد تحب تعيش فيه بعد مصر؟
تركيا

9- اوصف ترتيبات أجمل فرح ممكن تحضره؟

فرحي طبعا احلى فرح في عيني حتى لو الترتيبات لا قدر الله ماكانتش مظبوطه قوي
10- بتراعي كلام الناس والقيل والقال؟ وليه؟

لو في حاجه غلط بعملها اكيد هكون خايفه وقلقانه بس لو صح مش مهم حد بقى لاني هكون واثقه ملي بعمله


-
صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟

ياريت والله دايما بقول التكنولوجيا دي وجع دماغ على الفاضي

12- السعاده هي ... ؟

الرضا بكل شئ قسمه ربنا حتى لو شايفينه وحش لو رضينا بيه هنكون مبسوطين

13
- عندك أمل؟ وأسبابك؟

انا من الشخصيات المتشائمه شويه للاسف بس رغم ده لازم يكون في ولو ضوء صغير للامل والا هنعيش ازاى

14- لما تحب تهرب من كل حاجه بتروح فين؟
بقرأ قران في اوضه لوحدي بهدى قوي

15- امتي أخر مره أخدت فيها نفس وقلت ياااااه أنا كبرت؟
يوم خطوبتي حسيت اني كبرت قوي كنت فرحانه بس قولت ياه كبرت وهبقى مسؤوله بقى عن بيت واسيب بيتنا

16- بتشرب سجاير ولا لا؟ وايه رأيك في الستات والرجاله اللي بيشربوا؟

لا مش بشرب وطبعا هي حاجه مضره للصحه جدا وافتكر كل الي بيشربوها عارفين ده وهما حرين

17- بتعرف ايدك الشمال ازاي؟

بعمل نفسي باكل فبلاقي ايدي اليمين هي الي بتتحرك فبعرف ان التانيه هي الشمال ههههههههههههههههه


18- أكتر آله موسيقيه بتحبها؟
الاكسليفون مع اني عمري ما مسكته اصلا بس بحبه وبحب نغمته قوي


19- ليه الزوق والنخوه اتعدموا؟

في حاجات كتير انعدمت ماجاتش على طول يعني عايزه تقعنعيني ان الي واقع بنطلونه منه او الي ضارب جل في شعره و جاتله صاعقه كهربائيه فيه والي بيسيب بنته تخرج وهي لابسه ضيق وملزق دول كلهم عندهم نخوه لا طبعا
بس طبعا اكيد في لسه عندهم ربنا يحفظهم


20
- ايه الحاجات اللي لو حصلت هتبقي سعيد؟

والله في شويه مشاكل كده لو اتحلت هبقى سعيده وراضيه وربنا يسهل برضو

21- تحب أرض زراعيه ولا اجنس عربيات ولا كام عماره ولا فلوس في البنك؟

عماره طبعا لان من خلالهم هجيب الفلوس وبحب اكون صاحبه املاك يارب طبعا يعني

22- تحب البحر ولا النيل؟

ده اوقات وده اوقات يعني لو مضايقه من الدنيا احب البحر لانه بيتحرك وموجه بيطلع طاقهع الغضب الي عندي اما لو هاديه النيل لانه مريح

23- مركب ولا طياره؟

طياره

-
شخص مجنون ولا عاقل؟
- على حسب الموقف يطلب العقل ولا الجنون يعني متنوع

-
تقرا كتاب ولا تتفرج علي فيلم؟

اتفرج على فيلم

هناك 19 تعليقًا:

ستيتة يقول...

عادت حاسوبتيه للخدمة لا حرمنا الله منها
جميل التاج وجميلة الاجابات وربنا يحللك اللي نفسك فيه ياقمر في ساعة يقبل فيها سبحانه وتعالى الدعاء
وحشتيني حتى لو موحشتكييييييييش
مودتي

حاسوباتيه يقول...

لا ازاى طبعا واحشاني جدا جدا وشكرا جدا ليكي على وقفتك معايا

Ahmed يقول...

عاد الاتصال الى حاسوبتيه
عاد الاتصال الى حاسوبتيه

الاجابات مقنعه بس موضوع الشغل ده لسبب معين يعني. الشغل ممكن حتى يكون online من غير شركه ولا حاجه بس الفكره فيه مجرد رغيه في الانتاج (ده لو مش محتاجاه ماديا)

أحــوال الهـوي يقول...

اجاباتك معظمها غير محدده بمعني لكل سؤال اكثر من اجابه
هل هذا يعني انك انسانه حالمه و لا تعرفين ماتريدين
الشئ الوحيد القاطع
مسألة الشغل

تحليل الشخصيه
شخصيه طيبه حالمه و تعشقين الكسل
تعجبين بالشخصيات الثوريه و تتمنيها
قنوعه و لكن لست طموحه
ما فيناش من زعل

تحياتي

adel يقول...

مبروك التاج

بس ايه الاجابات العايمة دي

فكرتيني ببرامج التلفزيون

عيد الام تحب تسمع ايه ؟

اكيد والله و عملوها الرجالة للاستاذ تامر حماقي

هههههههههههه

Eno يقول...

جميله اجاباتك ياحاسوباتيه
والاجمل انه المود الوحش راح خلاويص

ربنا يجعل كل ايامك سعيده يارب :)

دمتي بخير :)

بنوتة يقول...

أجابات جميلة جدا وربنا ان شاء الله يوفقك في حياتك الاسرية

بنوتة يقول...

أجابات جميلة جدا وربنا ان شاء الله يوفقك في حياتك الاسرية

غير معرف يقول...

انا مبسوطه اوي انك قبلتي التاج وجاوبتيه

اجاباتك جميله اوي يا حاسوباتيه بينت انتي اد ايه انسانه جميله ولذيذه..:)

عجبني اوي تعريفك للسعاده..

وسعيده بمعرفتي بيكي يا جميل

دمتي بكل خير وود

تحياتي

ريمان يقول...

لالالالالالالالالا


ايه التاجات الحلوه دى

تاج جديد اول مره اشوفه على فكره

بس فعلا حلو اوى

على فكره انا بحب البحر اكتر من النيل

وانا برضه زيك لو خيرونى ما بين الكتاب ولا الفيلم هيبقى القيلم بس لو كان كوميدى

صوت من مصر يقول...

ناس بتحب القطايف وناس متحبهاش
بس احنا هنبقى لينا لازمه من غير القطايف ؟
عموما تاج حلو موت

Foxology يقول...

اجابات منطقية :)

تحياتى وربنا يحقق احلامك وامنياتك ويجعلك انتى وخطيبك من السعداء فى الدنيا والآخرة :)

حروف يقول...

حمدلله علي السلام ياحاسوباتيه وازيك
عامله ايه ومبروووووك التاج
دمتي بالف خير

princess يقول...

اجاباتك منطقية
ده اللى اقدر اقوله:)
تحياتى

عاشقه الرومانسيه يقول...

جميل التاج
واجاباتك عليه راااائعه
لكن

13- عندك أمل؟ وأسبابك؟

انا من الشخصيات المتشائمه شويه للاسف بس رغم ده لازم يكون في ولو ضوء صغير للامل والا هنعيش ازاى

ليه كده الحياه من غير امل ونظره تفائل ما تنفعش نعيشها

تحيـــــاتـى

الـمـصـــريــة يقول...

أهلا بالحاسوباتية

على رأي ستيته فعلا انتي غبتي عننا شويه

رغم اني اعرف مدونتك من فتره بسيطه لكن أخدت بالي انك غطستي شوية

على العموم بما إنك عروسه يبقى أكيد ملبوخة في تجهيزات الزواج

ربنا يهنيكي ويسعدك ويحققلك أمنيتك بتكوين أسرة صغيرة سعيدة

قريت التاج الجميل وعجبني

واقتبست صورة التاج الوردي علشان عندي فايل مليان تيجان

أنا معاكي انك عايزة تقعدي في البيت لأن العمل للمرأة متعب قوي مع مسئولية بيت وزوج وأولاد

ربنا يقدر عريسك ويوفر ليكي حياة كريمة

فيه سؤال بقى ناقص من التاج ده وهو:

بعد زواجك بإذن الله هتفتكرينا ولا هتنسي عالم التدويت

خالص مودتي

و...تحـــيــاتـــي

بسمة انور يقول...

مدونتك جميلة بل رائعه
حافظى على تقدمك\
تحياتى
بسمة

hager يقول...

جميييل اووي تعريفك للسعاده
ده اللي انا مقتنعه بيه انا كمان
واجابتك لذيذه زيك :)

عاشقه وغلبانه يقول...

وحشتيني موت
بس خلاص