28‏/1‏/2009

عيب قوي




طبعا بما اني قاعده في البيت وبحب التلفزيون فانا بعد قدامه وبقلب فيه كتير وانا بقى بقلب في قنوات كتير طبعا بتاعت مساتبقات منهم والي بشوفهم قنوات
Zoom –mazzika-melody trix

طبعا اغلبنا عارفين المسابقات الي بتيجي عليهم بس هنا لا هقول للناس دول نصابين ولا بياخدوا فلوسكم ولا حاجه من دي كل واحد عارف هو بيعمل ايه وهو حر انا الي هكلم عنه هنا هو –معلش في اللفظ- السفاله الي بتحصل في القنوات دي طبعا في ناس بتكلم بتفضل تهزر وتتمايع واسمع كلام كتير وحش جدا والي يفرس ان المذيعه ولا المذيع الي و اقفين عادي جدا وماشيين مع الناس في الكلام

الي تكلم المذيع تقوله بحبك وباموت فيك والي يكلم المذيعه طبعا بطريقه بشعه جدا والي تتكلم بمياعه وسفاله فظيعه انا مش فاهمه يعني اضعف الايمان الي بيكلم بطريقه مش ظريفه اقعطوا عنه الخط ما انتم بتقطعوه لما حد بيشتم في القناه ويقول نصابين مش بتقطعوا ده ليه

والي يغيظ ان المذيعه ولا المذيع عادي بتمايلوا كده ومايعين موت وبيقواوا كلام الناس ولا المذيغين بصراحه عيب والله عيب ومايصحش يتقال وعادي ولا اللبس الفظيع الي بيلبسوه وياريت على كده لا كمان بيعدوا يرقصوا ايه ده

طيب والله والله انا مره سمعت صوت بنت انا عن نفسي اقلها هقول انها شاربه حاجه مش حاسه بالدنيا وعماله تقول للمذيع بحبك وكلام كده مش ممكن ياجماعه عييييييييييييييييييييب قوي قوي كمان
ربنا يهدي بنات وشباب المسلمين يارب

هناك 41 تعليقًا:

ستيتة يقول...

بيقولوا يا ست مخ الكمبيوتر قال ايه
نص اللي بيتكلموا ع الهوا من القنوات السكة دي
علشان يحمسوا الهطل يتصلوا
وبيقولوا والعهده على الأشاعات ان اللي بيتصلوا من القنوات لما معرفوش يجذبوا شوية مساطيل عندهم حمام بيطيروه ابتدعوا هاذوه الطرق القميئة علشان يجذبوا فئة تانية خالص من الصيع تتصل
واللي معاه يا اوختي قرش محيرة يتصل بيمكس يطيره
ودمتم تحياتي

عاشقه الرومانسيه يقول...

يعنى هى جت على دى ما كل حاجه حوالينا بقت زفت
"لا كويسه زفت دى مش هامسحها"
ياسيتى روحى شوفى شباب الجامعه ستيته بتحكى عنهم ازاى
اوضاع كتير بقت غلط

نصيحه من اخت بتحبك
اقفلى التليفزيون لان العلماء اثبتوا مؤخرا بما لايدع مجالا للشك
انه بيجيب السكر والضغط
اعازك الله
انا عن نفسى مش بافتحه ولو فتحته بيتحرق دمى علشان غزه وباقعد بالساعات اعيط على خيبتنا

تحيـــــــاتـى

واحده مرارتها اتفقعت

بسمة انور يقول...

ربنا يهدى شباب وبنات المسلمين
والله التلفزيون القنوات المصيبة دى هما اللى مضيعين الناس وجيبلنا الكافية
يله بقى حسبى الله ونعم الوكيل فيهم


تحياتى
بسمة

غير معرف يقول...

حمدلله على السلامه
اكيد القنوات دى اللى جابتلك الازمه الخيره
طيب ما تتفرجيش عليها
المهم هيا مش سفاله و بس لا ده قمار علنى و الصنف اللى بيتكلم الصراحه اثبت نظريه ست الستات ستيته ان صنف حسب الله الحمش بينقرض فعلا ف البيوت
بس اطمنى الفصيله بتنقرض بس لسه فيه امل لسه فيه بقيه باقيه من الرجاله الحمشه ارجو من العلى القدير انه يديم عليا و على اللى زيى هذه النعمه قولوا امين

أحــوال الهـوي يقول...

تقليد البرامج الاجنبيه بعادتها و تقاليد بلادها سبب و الطمع المادي سبب المتابعه من المشاهدين اكبر سبب لان المشاهدين الدخل المضمون
و لما تكون شريحة الشباب هي المستهدفه يتعمدون الاغراء و مخاطبة الغرائز لاجتذاب هذه الفئه

و للاسف بدات في لبنان و تبعتها كل القنوات

تحياتي

Ahmed يقول...

لا لا لا لا
الكلام ده خطير جدا

هو احنا مش في عصر الانفتاح ولا ايه؟
ولا انت ضد الانفتاح؟

مين قلك ان ديه سفاله
بلاش رجعيه وكلام فاضي
عادي لكا تقوله بحبك وبموت فيك
حب برئ ياشيخه

عادي لما يرقصوا
ده حتى الرقص رياضه

عادي لما يلبسوا من غير هدوم
الجو حر حتى في يناير

اهو كله بيضحك على كله

وبعدين وزير الاعلام قالها قبل كده
قمة الديمقراطيه في الريموت, يعني ياتحول القناه ياتتفرج وانت ساكت

lonely يقول...

خلاص ماتسمعيش القنوات دى تانى

(صندوق الدنيا) يقول...

أختي الحبيبة حسوباتيه
تعرفي...القنوات دي شيطانيه
وأكيد اللي بيتكلموا دول في غفلة
لو استشعروا صرير أقلام الملائكة وهي تكتب سيئاتهم تلك لوقف شعر رأسهم
ولأسرعوا وأغلقوا تلك القناة
أنا لغيتها من عندي ولله الحمد
وعلى فكرة في قناة (فور شباب))رائعة
فيها كليبات لمشاري العفاسي ويحيى حوى وسامي يوسف...وأبو اطر
يا ريت تنزليها عندك

samourai 4 ever يقول...

انا كل مبشوف حاجه زى دى بدير القناه على طول
او بمعنى أصح من كتر الحاجات دى مكترت
مبقيتش افتح القنوات دى اساسا
ولا الواد اللى ناكش شعره دة
بنى ادم مستفز
عامل زى فرقعلوز
مش ثابت فى مكانه و هادى كدة
فين أيام برامج القناه الخامسه و جمال القناه الخامسه
ولا فين البرامج بتاعه زمان اللى كانت بتيجى فى رمضان
كانت المذيعه تبقى واقفه فى مكانها اينعم لابسه اللى على الحبل
بس الحبل لو بص عليها مش حيتكسف

و كان فى احترام للناس اللى بتتفرج
و اللى كان بيطلب البرنامج دة
كان بيتكلم و هو مكسوف

الدنيا انقلب حالها

ربنا يستر علينا

و دمـتــــــــــــــــــــــــــم

ELMASRYA - MRS WRITER يقول...

عندك حق

الموضوع ده بقى فظيع

مابقاش فيه خجل وحياء إلا عند بعض الشباب

والباقيين سارقاهم السكينة وناسيين ربنا وناسيين العادا والتقاليد

حتى البنات المحجبات ملابسهم غريبه

لما بتأمل ملابسهم بلاحظ إن كل الموضوع انهم مغطيين شعرهم أو كمان جزء منه بإيشارب صغير وكتير بيكون ملفت وزينة في نفسه

محجبات ملابسهم ضيقه ولا تستر ملامح أجسامهم وميك اب كامل متكامل

مصر كانت محتلة من قبل انجلترا وفرنسا من قبل

لكن من فترة طويلة بقى الإحتلال عبارة عن احتلال فكري بواسطة الميديا اللي خربت قناعات الشباب وأخلاقياتهم وبعدتهم عن دينهم وأخلاقهم العربية الأصيلة

ده غير طبعا الإحتلال عن طريق المخدرات علشان عقولهم تضيع ويصبحوا لا مبالين بما يحدث حولهم وتنهار القيم ولا تصبح لها أي قيمة بالنسبة لهم

ربنا يستر على أولادنا ويحميهم مما هم فيه

ويبارك في العاقلين المهتدين من امثالك يا حاسوباتية

خالص مودتي

و..تــحــيــاتــي

بنوتة يقول...

ربنل يهديهم
بس على فكرة هما بيحبوا المكالمات دجى فاكرين انها كده بتعملوهم دعايا وبتعلى من رصيدهم عند الجمهور
انا اصلا مبقتنعش ان المكالمات دى حقيقية كلهم قابضين
تحياتى ليكى

Eno يقول...

للاسف ياحاسوباتيه

القنوات دي كترة اوي دلوقتي
لو ربطي موضوعك بموضوعي اللي عملته عن الحياء هتلاقي انه السبب الاول في اللي هما بيعملوه ده انعدام الحياء عند الناس دي بنات وشباب

الحمد لله الذي عافانا بجد

حروف يقول...

ايون شفت انا يااختي ومراراتي اتفقعت
يارب صبرنا
دمتيبالف خير وفينك
مش باينة

Kiara يقول...

اديكي قولتيها

ربنا يهدي الشباب والبنات

موناليزا يقول...

رايي الشخصى نقاطع القنوات دى مالوش لازمة نضيع وقتنا ونحرق دمنا فى متابعتها

romansy يقول...

مشكله كبيره فى الفئه اللى بتتصل بالبرامج دى
ممكن فضى
وممكن عندهم وقت كبير مش عارفين يقضوا فين
ممكن

عاشقه وغلبانه يقول...

عيب.........ّ!!! هو انتي مفكره ان الناس دي تعرف العيب
ولا مفكلاه ان حد من دول عنده اهله ربوه
ولا انتي مفكره ان المذيع والمذيعه والمتصلين شموا ريحه الادب
عيب ايه ياحاسوباتيه
ده انا اشك ان في ناس ممكن تقولنا احنا عيب وايه الجهل ده


ياختي انا مش ناقصه هم المذيعين كمان
اللهي يولعوا بجاز وسخ

Tamer Nabil Moussa يقول...

السلام عليكم

عندك حق اقل حاجة ليهم تتقال عيب

بجد اصبح وضع الكثير من البرامج الفضائية ومايحدث بها لايحدث الا بين مساطيل وناس غير قديرة للظهور والتحدث باسم الاعلام

بس العيب على اللى سمح لهولاء المتشردين الظهور بهذا الوضوع الغير محترم

ربنا يهدى يارب
تحياتى

صوت من مصر يقول...

هههههههههههه
بحب اتفرج عليهم لما يكون عندى احساس انى واحد متخلف عقليا ؟.
بجد تفاهه

ادم المصرى يقول...

والله العيب مش فيهم او عليهم العيب على الكل وعلى الى بيتفرج انا من رأيى انا معرفش الباقى رأيو ايه ولكن هنبص لدول بس دى تفاها ناس فضيه مش شيفين الحياه والى فيها معندهمش هم اى حاجه رمين كلو ورا ضهرهم كل الى عندهم تقديه وقت واستمتاع بل حياه فقط ولكن هيستمرو على كدا مبيفكروش فى الغفله الى هما فيها ممكن فى ثوانى يكونو فى ايدى الرحمان وسعتها ياريت الى جرا مكان قال ربى ارجعون لعلى اعمل صالحا فيما تركت صدق الله العظيم حسوباتيه بجد دى كانت حاجه جميله جدا منك انك تنقلى لنا هذا الامر ندعو لهم بل هدايه ان شاء الله

Mony يقول...

القنوات ديه بتفرسني بطريقة

ماباطقش اعدي عليها اصلا



ربنا يرحمنا و الله

Lady E يقول...

حاجة تحرق الدم فعلا

في اعلامي قال ان التلفزيونات العربية اصبحت كباريهات وده فعلا اللي حاصل وتجنبا لضغط الدم والخنقه مش بتفرج على المسابقات دي

fr3oon يقول...

حاسوباتيه
مدونتك جميله اوى
انا بجد بجد بكرة القنوات دى خصوصاً واشهرهم يعنى تريكس
والناس اللى فيها بنات واولاد
بجد بحس انهم بتوع كلام وخلاص ورغايين اوى وبعدين يخيلوا الواحد والبنات بجد واللى بتعمله
دول بيرقصوا صح بجد حاجه تغيظ
تعرفى لما بحب أُستفز واكون بقلب كده والاقيها اسيبها شوية عشان اتنرفز شوية :$

بنت الغربة يقول...

والله معاكى حق ياحاسوباتيه ياحبيبتى
والمصيبه ان فى ناس بتتصل عادى جدا
وبيصرفوا فلوس قد كده على الهجص والكلام الفاضى ده..
وطبعا لازم المياعه والمياصه لزوم الشغل..
امال هيجيبوا زباين ازاى؟؟؟
ربنا يعينا جميعا ياقمر

princess يقول...

ربنا يهديهم بجد
حاجة حزن

منى يقول...

هههههههههههه
هو صحيح موضوع يفيظ بس مش عارفه ليه لقيت نفسى بضحك

هم يضحك صحيح
اقولك اول ما شفت الصوره افتكرتها صورتك قلت يا لهوى حاسوبتيه انحرفت
بس الحمد لله ربنا ستر
اوعى تزعلى منى انا بهزر

zainab يقول...

السلام عليكم

فعلا والله حاجه تغيظ

ربنا يهدى شباب و بنات المسلمين

تحياتى

zainab يقول...

أه و نصيحة من اختك إتفاقا مع الأخت عاشقة الرومانسيه بلاش تشوفى القنوات دى أصل ممكن فعلا يجرى لنا حاجه

ريمان يقول...

اه والله بجد عييييييييييب

سفاله بجد ومفيش حياء

بجد معاكى حق والله

واصلا كله بقى زفت فى زفت

مع تحياتى ليكى يا قمر

ريمان

سمكه واحده يقول...

بصي انا مبحولش اتفرج عليها لان الشباب بذات لما بتفرج علي مذيع بجد بجد بحس الن الرجاله انعدمت فبيجيلي احباط بحس انه كله سوري ستات بجد والله
اما عن البنات فبتبقي عايزه الولعه يعني نفسي اجبها كده من شعرها وديها شلوتين علي بونيتين علي قلمين وبصراحه عايزه راجل بجد يشكمها
والشاب او اللي بيسمعي نفسه مذيع عايزه علقه كده عشان يسترجل ويحلقولوا ظلبه ياشيخه دول حاجه تكسف

ربنا ريحمنا برحمته ويهدي شباب وبنات المسلمين الهم امين
تحياتي

فارس القمر يقول...

حسبى الله ونعم الوكيل

الحمد لله مشاهدتى للتليفزيون محدودة جدا

ربنا يهدى كل شاب وشابه الى الطريق الصحيح وهيجى اليوم اللى يعرفوا فيه ان الله حق

MaNoOoSh يقول...

عندك حق والله عيب جدا اللى بيحصل دة
ربنا يلطف بشبابنا وبناتنا
وعلى فكرة انا لما بقول للناس انى مش هدخل تلفزيون فى بيتى وكفاية عليا الكمبيوتر.. مش هقولك بيقولوا ايه (ان الله ستار حليم)
بس ارجع واقول ان اللى ضعيف قدام التلفزيون ايه يعنى اللى هيخلية قوى قدام الكمبيوتر
الغلط موجود قدامنا علطول بس احنا اللى نقدر نبعد نفسنا بعيد عنه
سلام

blue-wave يقول...

للأسف بقت فعلا مهزله
دى ناس لا عندها دم ولا اخلاق
ولازم الدوله تتدخل وتنمع المهازل دى

مواطن مصري يقول...

المشكل بقى ان الناس عارفة انو نصب و بتتصل بردو

تامر علي يقول...

ده جزء من الثقافة الاعلامية الجديدة التي تجتاحنا هذه الايام ...ثقافة الترف والانفصال عن الواقع ومشاكل الامة والشعوب والانكفاء على الملذات والشهوات ....المذهل انه في وسط الأحداث الداميه الحالية تجد هذه القنوات الخسيسة مشاهدين .

Foxology يقول...

انا ف مرة شوفت بالصدفة 10 دقايق من برنامج بييجى على قناة تافهة من القنوات دى وكان فيها الشاب الساقط اللى متصور مع واحدة كدة فى بوستر بتاع ميلودى وبجد قمة التفاهة والسفالة وتقل الدم انا مش فاهم الناس دى طبيعية كدة ولا بتمصل ولا ايه بالظبط ؟؟؟؟

ربنا يرحمنا برحمته

تحياتى :)

طوبه فضه وطوبه دهب يقول...

الفراغ والفضى يعمل اكتر من كده بحمد ربنا ان مافيش وقت ولادماغ للتليفزيون اصلا بصى ربنا يهدى بس ناصيحتى بلاش خالص البرامج دى واتفرجى على حاجه تانى احسن مش ناقصه نقطه احنا منقوطين خلقه

Unknown يقول...

انا ساعات بكون بقلب و الاقي برنامج من دول

هما دول اصلا مذيعين ازاي دول عايزين علاج عصبي و نفسي و عقلي

و ايه الناس الي بتتصل دي مستحيل يكونوا ناس طبيعيه

ربنا يرحمنا

kalamfady يقول...

كله كلام فاضى
.......
وبعدين يا ستى ماتتفرجيش عليهم وخلاص

غير معرف يقول...

فعلا عيب اوي..:(
وللأسف القنوات دي انتشرت اوي

فعلا حاجه تحزن اوي
ومالهاش اي لازمه
انا مره اتفرجت عليها حسيت ان ممكن يجيلي الضغط

فقررت انني مش هتفرج عليها تاني
انتي كمان اعملي كدا

بجد موضوع في الجون يا حاسوباتيه
انا الموضوع دا كان مستفزني اوي

تجياتي

¤¦¤Ebtehal ¤¦¤ يقول...

انا اول مره ازور مدونتك و علي فكره جامده جدا ..

و بجد عندك الف حق في البوست ده..

ربنا يرحم امه محمد و يهدي بنات و شباب المسلمين..

:))