28‏/2‏/2009

صور الفيس بوك


اولا قبل ما ابدا البوست احب اعتذر لكل الناس الي ماروحتش مدوناتهم لان النت عندي كان فاصل وبيقطع بس بجد هحاول ادخل عند الكل ودايما يارب منورني بزيارتكم

نبدا بقى

الفيس بوك افتكر الكل عارفه هو من اكبر مواقع التعارف طبعا في مواقع كتير جدا تانيه انا بس عايزه اتناقش في موضوع معاكم مش عارفه هو انا تفكيري قديم ولا انا صح ولا غلط ؟؟

الموضوع هو الناس الي بتحط صورها على المواقع دي صورها بقى وصور اهاليهم وافراحهم واصحابهم وكل الصور انا بصراحه ضدد ده لان انا فاكره زمان كنت اتربيت ان عيب واحد مثلا يكون معاه صوره بنت وكان بقى عيب جدا مش عارفه ده اختفى ليه وماعاتش عيب لدرجه اني خايفه مره افتح موقع من المواقع دي والاقي حد حاطط صورتي علشان كده وانا في الكليه لما كنت بصور مع صحباتي بقولهم الصوره الي اطلع فيها ماتتحطش على الفيس بوك لان بصراحه بقى عادي جدا اي حد يدخل عند اي حد ويقبله ويشوف كل صوره انا ضدد ان حد ماعرفوش يشوف صوري كده عادي طبعا ده غير المصايب الي كلنا عارفنها الي ممكن تنتج عن وجود الصور دي مع اي حد مستهتر وماعندوش اخلاق يبقى ليه اصلا احد نفسي في موضع شك او خوف او قلق
ده رايي واتمنى اعرف رايكم لانها بقت عادي جدا واغلب صحباتي تقريبا حطين صورهم وقرايبي كمان

هناك 43 تعليقًا:

صوت من مصر يقول...

راى تمام زى رايك بس للاسف الناس فعلامش بتسمع
جميل جدا البوست

wafaa يقول...

موافقاكى جدا ، دا انا حسيت انى من كوكب تانى اما قلت ماحدش يضيف صور انا فيها ع الفيس بوك

عاشقه الرومانسيه يقول...

عندك حق وانا معاكى مليون %
الدنيا مش فيها امان دلوقتى
اما عن الفيس بوؤ
فانا مش حاصلى الشرف بيه ومش عاوزه بصراحه
ههههههههههههههههه

د.خالدأمين يقول...

الله عليكي رايك جميل جدا

ودونتك هايله


واسمحيلي اضيفها عندي

احساس طفلة محبة للرومانسية بس واقعية يقول...

عندك كل الحق يا حسوباتية
واعتقد ان كل انسان اتربى على الاخلاق والقيم هيرفض انة ينشر صورة للناس تتفرج عليها

بس المشكلة مش فينا المشكلة فى المجتمع اللى من كتر ما انتشر فية بعد الناس عن الاخلاق والعادات والتقاليد
بقى بينظر لأرائنا وتفكرنا و تمسكنا بالخلاق على انها رجعية وتفكير قديم مش مواكب للعصر

بس الاكيد انك صح ورأيك صح تمام
تقبلى مرورى

lonely يقول...

بحكم الدراسة والتدريب الصيفى فالشركة كانت عامله جروب على الفيس بوك وده اللى خلانى ادخله
وزمايلى الولاد اللى كانوا معايا فى التدريب ضايفينى ومفيش مشاكل خالص
اوم ايه بقى الاقيلك واحد منهم متصور مع صحابه والكاميرا جايبة بالصدفة _اعتقد_ واحده صحبتى وهى مش واخده بالها ان فى تصوير طبعا
انا الدم غلى فى عروقى وقولت اقول لصحبتى على اللى حصل تروح تخليه يشيل الصورة ,, بس معرفش ليه مش قولتلها
ده غير الناس اللى بتتصور فى الملاهى وتلاقى اشكال فظيعه فى الصور جايين من كوكو تانى خالص
انا مابحبش موضوع الصور ده خالص
امال لو عرفتى ان ولد عامل جروب مسابقة لاجمل بنت محجبة على الفيس بوك
شوفى انتى بقى
تشااااااااااااو

mahasen saber يقول...

كلامك مضبوط يا حاسوبه

بسشوفى مفيش تطور بيضر احنا اليى بنخلق منه الفايده والضرر فى الغالب

منوره البلوج والف لا باس على النت يا جميله

*البت المشمشية *حلوة بس شقية * يقول...

يا حبيبتى الموضوه بقه ايزى خالص هيا البنات بقا عندها دم خلاص

لجين أبو الدهب يقول...

للاسف الموضوع ده انتشر جداا ..

بنات تحط صورها وصور صحباتها .. وفى كمان ناس تحط صور فرحها .. وحاجات كده غريبة جدا ..

مش عارفة ازاى بييقبلوا على نفسهم ان كل من هب ودب كده يشوف الصور ..

ازاى حد ما اعرفوش يعرف تقاسيم وشى ولا شكل جسمى ولا يشوفنى وانا عاملة حركة تضحك فى الصورة ..

وهو اصلا ما يعرفنيش ..

انا كان بيستفزنى الموضوع ده من زمان وما زال ..

جزاكِ الله خير ياحاسوباتيه ..

دُمتِ بخير ..

بنوتة يقول...

السلام عليكم
طبعا معاكى حق في كلامك
صحبتى كانت لسة بتحكيلى ان واحد غريب متعرفشعنه حاجة طلب منها كذا مرة تضيفه عندها في الجروب وهى مريضيتش اخر بقى ما زهق منها بعتلها صورها ايللي هى حطاها على الفيس في براويز شكلها حلو
يعنى كنوع من التحدى والعقاب احنا طبعا قولنالها ان العيب عليكى وهى شالت كل الصور من بعدها وربنا يستر
تحياتى ليكى

Eno يقول...

عندك حق جدا وكلامك صح ومافيش اي اعتراض عليه

وفعلا احنا اتربينا علي اننا مش ندي صورنا لاي حد

موضوع حلو اوووووووووووي

هتصدقيني اني اصلا احيانا بحس اني مش مرتاحه للفيس بوك اصلا !!

شريـــــــــف يقول...

انا من رأيك برررررررده
بس يه حاجات كتيره اوي اتغيرت
وهتتغير وهنتغير كلنا
ده كله علشان بنقلد الغرب...




تحياتي,,
شريـــــــــــــــــف

Eng. Ahmed Abo El-Ella يقول...

بما اننا مجتمع استهلاكي بحت
فالفيس بوك بكل تقاليده أصبح موضه واجبة التنفيذ

انا زي مانتي عارفه حاسوباتي وبشتغل في نفس المجال دلوقتي. بس عمري مافكرت اعمل حساب على الفيش بوك. ولما حد يعرف كده بيبصلي باستغراب وكأني راكب جمل ومن العصور الوسطى.

انا مبقلش أن الفيس بوك حاجه وحشه لكن أنا سألت نفسي "هل انا محتاجه؟" الاجابه لأ

طيب موضوع الصور ايه بأه؟
أصدقائي اللي حاطين صورهم بيعتبروا ده وجود ليهم. الوجود بقى يتحدد بمكانك وأصدقائك على الفيس بوك (ده طبعا رأيهم) فكرة وضع الصور بالشكل ده فكرة خطيره جدا وممكن تكلف البني آدم كتير.

كان فيه مره خبر على BBC بيقول أن واحد بريطاني قتل مراته لأنه اكتشف أنها غيرت الحالة الاجتماعية الخاصه بيها على الفيس بوك وبقت Single and looking
هههههه

مزرتنيش بقالك كتير

Sweet Violet يقول...

معاكى حق طبعا فى كلامك

بس هو بقى تقليد للغرب فقط لا غير

لان اكتر الحسابات الغربيه او المدونات الغربيه عموما

بتبقى صور للشخص نفسه و اصحابه

تامر علي يقول...

طبعاً وجود الصور ممكن يعمل مصايب وحصل فعلاً ...لكن بعض المتحضرين جداً بيقوللك عادي دي حريتي الشحطيه:)
لدرجة إن واحدة (مصرية) حاطه صورها بالمايوه ولما واحد دخل قاللها حرام انتفض الشباب (الجدع) وقالوا له انت مالك دي حريتها اللي بتمارسها زي ما هي عاوزه :)

مسخره:)

romansy يقول...

ومين اللى يسمع بس
فيه ناس مديه الامان خالص

adel يقول...

كلام صح في حالة ان مفيش حماية

1-في طريقة ممكن تظبطي بيها الصور علي الفوتو شوب ان لو حد خد صورتك مش هيعرف يلعب فيها

2-في حماية ان محدش يشوف البروفايل بتاعك الا اصحابك ....لا و كمان في حاجة اسمها ليمتيد بروفايل يعني حتي اصحابك مش كلهم ممكن يشوفوا كل حاجة عندك....يعني لو عندك 100 صاحب و عاملة البوم صور ممكن تخلي 10 بس اللي يشوفه و الباقي لا

3- مدام كده متعمليش اكسبت لاي حد يبعتلك ادد الا اللي تعرفيهم

اظن كده ..... المسالة نسبيا اتحلت

الا نسبة صغيرة و هي التعود .... لو متعودة انك متحوتيش صورتك دي حاجة تانية.... بس برضه هما ظبطوا الحكاية دي عشان كل واحد يبقي حر و مش كل الناس تتطفل عليكي

MaNoO يقول...

تعرفى ان انا ضد الموقع دا اصلا مع انى ليا اكونت عليه وكل حاجة بس خلاص زى ماتقولى اتعودت عليه انا ضد موضوع الصور دا طبعا لأنه ممكن يعمل كوارث كبيرة دا بالاضافة للكوارث اللى بيعملها الموقع نفسهوكمان لازم تختارى الناس اللى بتضيفيهم عشان يكون عندك خصوصية

شمس النهار يقول...

شوفي موضوع الفيس بوك ده في كلام كتير
العصر غير العصر والوقت غير الوقت
لما البنات عندي حطوا صور ليه معاهم علي الفيس بوك عشان كان في مناسبه انا حضرتها
زعلت وقلتلهم غلط اتناقشنا وقالو ان المتفبرك بيبان والحقيقي بيبان
زي اللي اخد ميلي وبعت للناس كلام جميل بصوره بايخه الناس رغم فبركت الكلام قدروا يفرقوا وحتي مارضيوش يقولوا لي برغم اني شفت بعض الرسائل دي بعيني
اتركيها علي الله مش هتقدري تسيطري علي الموقف بالكامل

أحــوال الهـوي يقول...

اذا كنت انا مش حاطط صورتي
خايف برضه

تحياتي

ريكو يقول...

معكى كل الحق
احساسى ان الفيس بوك لغى فكرة الخصوصية اللى المفروض يتمتع بيها الاشخاص دة طبعا شىء مرفوض
تقبلى مرورى

princess يقول...

معاكى حق بس انا عن نفسى عاملة برايفسى للصور يعنى اتحكم مين يشوف ايه:))

hager يقول...

معاكي جداا جداا جدااا
والله انا بقول كده من زمان انا عن نفسي اخري احط صور البيبهات بتوع العيله
وبس
ملهااش لزمه حكايه الصور دي وعلي رايك عشان نبعد عن الشر احسن

NIDAAL .R يقول...

بصي .. دى حاجة بتختلف من واحد للتانى وهى حرية الأختيار ف الاول والاخر

والمفروض أن المتبع كتقاليد على الفيس بوك انى لو حطيت صورة تخصك بعملك تاج علشان انتى تعرفى انى حطيت صورة تخصك .

والمفروض برده أن الواحد ما يقبلش حد ما يعرفوش .
وبالتالى كل الى هيشوف الصور الى عندك هما الناس الى انتى عارفاهم وعارفة أخلاقهم .

وأكيد هتختلف بالنسبة للبنت عن الولد ..

وبرده دى حاجة بتتيح لكى حرية الاختيار .. لو عايزة ترفعى صورة اوكى مش عايزة برده اوكى .

ومش عايزيين نعول على التكنولوجيا .. ولكن نعول على مستخدميها.

وتصبحى على خير

يــوم جــديد يقول...

دائما نستخدم التقدم في التأخر
مش عارفة ليه ملاحظة في كل حاجة تظهر جديدة تستخدم في الهيافة
يظهر الموبايل تلاقي رائل وبلوتوث وألعاب وفيديوهات مع إن الغرض منه كان طبعا غير كده خالص
ظهر الفيس بوك بقت الناس كلها بايتة هناك وبتبعت حاجات هي مش عارفة معناها أصلا
أنا معاكي جدا إن صورك ما تتحطش حتى عند صحباتك وقرايبك لأن ممكن حاجة عندك تبقى كارثة وعندهم تبقى عادي
يلا حصل خير

عاشقه وغلبانه يقول...

يخربيت الفيس بوك لبيت سنينه السودا

مش عارفه الموقع ده عامل للناس عمل ولا ايه...؟؟؟

Foxology يقول...

كلامك صح .. مينفعش احط فى البروفيل بتاعى اى حاجة مش منطقية زى مثلا صورى انا واهلى وكدة

صورى الشخصية وصورى مع اصحابى ( الولاد) اعتقد مفيهاش حاجة :)

تحياتى وبوست مميز

afew good men يقول...

هو انا بصراحة معاكي
لاسباب كتيرة خصوصا اللي زكرتيها

ثانيا

تفتكري لو انتي قاعدة في بيتك معززة مكرمة
وفجأة انا كنت علي الفيس بوك واتفرجت علي صورك وصورك عجبتني ونزلتها وعملتها خلفية علي جهازي وبالصدفة مش كنت اعرفك اصلا وواحد صاحبي شافها عجبتو اخدها لحد ما صاحب خطيبك خدها ومن غير مايعرف عملها خلفية تفتكري خطيبك حيقولك اصل الصورة علي الفيس بوك

مشعارف ليه الناس مش تحتفظ بصورها علي اميلاتها او في سي ديهات للامان اكتر

عموما انا عايز اقول احنا في مصر يعني شرقيين

ياريت البنات تفهم كدا كويس ومش تحط نفسها في موقع متهمة لسبب لا اهمية له ابدا

موضوع جيد متفق معك

ومتفق معك في موضوع جوزك علي ماتعودية

عارفه ليه

علشان ان بتبني ثقة ليكي جواه اولها انك بتقوليلو رايحة فين وجايه منين وهو بيحيطك ايضا بمسئولية القلق والرعاية

فتافيت يقول...

انا مع افيو جود مان في رايه فعلا ده بيحصل .. وحصل لواحدة صحبتي بس مش من الفيس بوك

لا كانت صورتها على موبايل صاحبتها والصورة خدها اخوها من غير ما تعرف وعمل بها اكونت على تاجد

انه هو البنت القمر دية.. والتعلقات بقى والمواعيد والكلام القذر من عيل في دور ولادها اصلا .. وحركة قذرة من مراهق

الاكونت وقع في ايد جوزها واطلقت بسببه يا عين والله عمرها ما دخلت تاجد ولا شافته اصلا

الصور مصييييييييييييبة انها تنزل على موقع او تتساب كده على اي موبايل

بوست هاااااااااااااااايل

°ˆ~*¤®§(*§ نـــوارة §*)§®¤*~ˆ° ° يقول...

ولسه ياما نشوف

ال يعرضوا صورهم عالنت ال

دا انا بخاف احط صوري عالجهاز و بحطلهم كلمة سر خوفا من الهكر فما بالكم بالي بتعرض صورها عادي كدا

ربنا يهديهم

ريمان يقول...

اللسام عليكم

ازيك يا قمر

وحشانى

بصى

انا ليا حساب ع الفيس بوك

بس ماليش فيه

ومش بحبه خالص

ومش بستلطفه

ههههههههه

بس معاكى حق فعلا

ريمان يقول...

اسفه حبيبتى

قصدى اقول السلام عليكم

معلش غلطه املائيه

اقصوصه يقول...

فيس بوك؟

انا رحت حضرت عرس صديقتي

الشهر اللي فات في مصر

بعد ما رجعت بكم يوم

افاجأ بان مقاطع الفيديو مالت العرس

موجوده ع اليوتيوب

وانا صورتي ظاهره بعد تخيلي!!

طبعا سويت مصيبه لين مسحوها

انا بعد استغرب

كيف بعض الناس عادي عندهم

يعنيهاي صور شخصيه

كيف تكون تحت يد الكل

واللي ييسوى واللي ما يسوى يشوفها

عن نفسي اعارض بشده هالموضوع

وما اقبل فيه بتاتا

#أحلام# يقول...

السلام عليكم
اختي العزيزة
واضح ان فكرك ناضج

فأنا أصلا ضد الفيس بوك
عالم مختلط
مليء بالشبهات
البنت ترد ع الولد بكل وقاحة..ولناس تحط مواضيع في غاية الدناءة
اختلاط بلا حدود
وتقبلي إعجابي بمدونتك

موناليزا يقول...

راينا واحد على فكرة

عمرو يقول...

أنا كمان مش بأحبذ أوى فكرة وضع الصور خاصة العائليه على الفيس بوك لكن لو واحد عاوز يحط صوره هو الشخصيه و لوحده فهو حر يعنى مع علمه بالمشاكل اللى ممكن تحصل من ده
تقبلى تحياتى و تقديرى

MMF يقول...

:)
طيب شوفى الفيديو ده بقى
http://blog.spmmf.com/2009/01/la3nt_facebook/

تقبلى مرورى

عاشقة الشهاده يقول...

البوست جميل جدا بجد


كويس وانا كمان معاكى فى رئيك بس


مين بقى اللى يفهم

كل واحد ماشى وراء هواه بس فى الدنيا دى


تحياتى:عاشقة الشهاده.

sweetJeje يقول...

U r rite but u can also let Only ur frnds see them y3ni u can make them private and not all of people see them o at last elli msh me2ten3 b7aga ma ye3melhash 7ata law kol el nas mn 7awaleeh 7asesooh eno howwa mn 3alam tani
I would like to invite u all to see my Blog
http://ineedtofeelsecure.blogspot.com/

شريكة في المطعم يقول...

رايك مضبوط
بس كمان في الفيس بوك ممكن تخلي اصحابك بس الي يشوفوها ..واكيد هتبقي واثقة فيهم
بس في الاصل انا ضد نشر الصور عالنت

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

غير معرف يقول...

انا بعد ضضدالشئ دا وانا مستقرباا من الشئ دا تمامنا

غير معرف يقول...

معك حق وانا معك بهالحكي .وجزاكي الله الف خير بنصيحتك الجميله