اولا بشكركم كلكم بجد في دعواتكم لاختي وربنا يشفيها يارب ويشفي كل مريض يارب امين والحمد لله على كل شئ وانتم كلكم بجد ناس رائعين بجد والله العظيم شكرا جدا لعالم التدوين الرائع ده وللناس العسولين الي هما انتم ربنا يخليكم ليا ونبدأ البوست
------------------------------------------------------------------------
ليه مش قادر تفهمني
ليه مش قادر تحس بيا
ليه بحس ان انت في مكان وانا في مكان تاني
ليه مع اننا كل يوم بنكلم بس بيكون اغلب كلامنا صمت
ليه بحس انك شايل هموم
وانا شايله هموم
وكل واحد كاتمها جواه
اسالك مالك تعبان ليه مهموم ليه
تقولي مافيش ماتشغليش بالك
قربني منك خليني جواك
ليه مش قادر تحس بيا
ليه بحس ان انت في مكان وانا في مكان تاني
ليه مع اننا كل يوم بنكلم بس بيكون اغلب كلامنا صمت
ليه بحس انك شايل هموم
وانا شايله هموم
وكل واحد كاتمها جواه
اسالك مالك تعبان ليه مهموم ليه
تقولي مافيش ماتشغليش بالك
قربني منك خليني جواك
ليه دايما بحس انك حاسس اني مش هفهمك
ليه باعدني
مع اني عارفه وانت عارف اننا مالناش غير بعض
ليه في دايما حاجز
وكل ماقرب احاول اشيله معاك الاقيك بتبعد وتقول مش عايز اتعبك معايا
نفسي تعرف انك بكده بتألمني
نفسي تعرف اني عايزه اكون معاك في كل حاجه
في ألمك قبل فرحك
وفي دمعتك قبل ضحكتك
عارف ليه؟ ولا دي كمان نسيتها
لاني بحبك وماليش غيرك
ليه باعدني
مع اني عارفه وانت عارف اننا مالناش غير بعض
ليه في دايما حاجز
وكل ماقرب احاول اشيله معاك الاقيك بتبعد وتقول مش عايز اتعبك معايا
نفسي تعرف انك بكده بتألمني
نفسي تعرف اني عايزه اكون معاك في كل حاجه
في ألمك قبل فرحك
وفي دمعتك قبل ضحكتك
عارف ليه؟ ولا دي كمان نسيتها
لاني بحبك وماليش غيرك
هناك 24 تعليقًا:
لازم اكون تعليق على كل الكلام ده
بس لغه الصمت تتعلق بهما العيون حتى تتكلم انا ارى ان العيون كلامها اشبه باحساس الحب الدائم بس صعب ؟
تحياتى لكلامك
اول حاجة ربنا يطمنكم على اختك ويتم شفاءها على خير
ليه بقا
لو حد مش فاهمنى فا انا اللى مش شفافة معاه لدرجة انه يفهمنى ابدأى انتى تشيلى الحاجز هيقرب اكيد
فيه نوع من البشر كده
هو كده
مش بيعرف يبعبر عن شعوره او تعبه بكلمات
ده بيبقى نوع من الناس بيشيل الهم والمسؤلية وكويس ومفتخر بس ليه عيبين
الاول انه بيعجز من كتر همومه اللي كاتمها في صدره بسرعة
ثانيا بيتعب حبيبه قوي اللي مش قادر يستوعب "ليه مش بيفضفض لي منا حلو وأمور وعاوز أشيل معاه"
الموقف محتاج تباتة وغتاتة وثقالة ورمي جتة وساعتها ها تخرجي كل اسراره الدفينة
بس وانتي بتعملي كده أوغلي في الأمور برفق وبدون عصبية ولا قمص
صدقي سوتيتة .. أيه الرجالة ها تروح فينا فين يابنتي
كرم ربنا علينا هم مخلوقات قليلة الكلام بس سهل جدا فهمهم وأرضاءهم
واحنا مخلوقات رغاية بس صعب جدا فهمنا وارضاءنا
الحمد لله ان احنا كده والا كنا روحنا في توكر
تحياتي وشفى الله اختك وعافاها
طبيعة الرجل انه مش بيحب يحكي مشاكله لأقرب الناس ليه علشان مايسببش ليها ازعاج أو يقلقها
بس الشطاره بقى تفضلي وراه وبالحب والحنية مش هيخبي عنك حاجه خالص وهتبقي واحة الراحة بالنسبة ليه
ربنا يسعدك ويشفي أختك يا حاسوباتية اللهم آمين
بصراحه مش عارفه اعلق عليكي ياحسوباتيه
بس هدعيلك ان ربنا يجعلهولك كما تحبي وتتمني ويجعلك ليه كما يحب ويتمني
تحياتي ليكي
السلام عليكم
حاولى تتقربى منه شويه اكتر كمان
بس فى نوع من الرجال مش بيحبوا يشتكوا ابدا وكمان مش تنسى ان الرجاله كلامهم قليل اوى
معلش يا قمر
هو بس ممكن يكون مش عارف يعبر عن اللى جواه بلالطريقه اللى انتى عايزاها
المهم ابقى طمنينا على اختك يا قمر
سلامتها الف سلامه
والله العظيم ده اللى جوايا
بس هما كده
ونصيحه بجد اوعى فى يوم تشتكى من الكلام ده وهو مزاجه وحش
انا عملتها مره وقلت له نفس الكلام ده وعيطت والمصيبه انه كان متضايق فانا عكننت على نفسى وعكننت عليه وخصوصا انه مكانش ناقص
ومش قادره اقولك ان الكلام ده من 3 شهور او يمكن اكتر لغاية دلوقتى مش قادرة اسامح نفسى ... مع العلم انى ارتحت انى فضفضت على اللى جوايا بس حسيت انى تعبته اوى وهو مش ناقص مش هتبقى كل حاجه حواليه مضيقاه وانا كمان ازودها
يارب اقدر اعمل كده ولا ازعله تانى
لازم يلاقى معاكى انتى الراحه
كمان لسه امبارح عرفت ان جدتى تعبانه اوى اوى ... سبحان الله لما قريت البوست بتاع اختك برضه حسيته اوى.. ربنا يطمنك عليها ولا يحرمكم من بعض ابدا .. الاخوات عمرهم ما يتعوضوا
ربنا يقومها بالسلامه يارب ويشفى كل مريض
حاسبوتية
دى طبيعة بعض الناس .. وصعب تغيرها
ولو اتكلم مرة حيسكت اللى بعدها
نوع ميعرفش يعبر عن اللى جواه..
ولازم تتحملى طبيعته دى
دا تحليلى الاول
وبدون زعل .. ممكن يكون مشاعره تجاهك مش بالدرجة الكافية اللى تخليه يفتح قلبه وتفك عقدة لسانه.
انت الوحيدة اللى تقدرى تحددى هو اى نوع فيهم
ربنا يسعد ايامك ويفرح قلبك
تحياتى
حاولي تعبر عن كل اللي حاسه بيه بس في الوقت المناسب ومظنش انه ممكن يضايق انك بتحكي حاجه جواكي هو ممكن يكون بيسأل نفسه هي مالها ؟؟
وانت بتردي علي اسأله جواه بس اهم حاجه تختاري الوقت اللي يكون هو قادر يستوعب منك اي نقاش
ربنا يسعد ايامك يااااارب ويطمن قلبك :)
يمكن بيبعدك عشان مش قادر يكون معاكي او في حاجة تمنعه
و انا ضد التعليق اللي بيقول ان الراجل مبيحكيش
الرجالة عموما اطفال لو لاقي حد حنين و واثق فيه هتلاقيه قال كل حاجة و قعد يعيط
هههههههههههههههه
المهم ان اختك بخير
و اللي ساكت النهاردة بكرة يتكلم
ليه كده يا بنتى
ده خلص الكلام بدرى اوى
المفرووض الخرس ده يجى بعد الجواز مش قبله
انكشيه اشغليله باله
حيريله حاله
خلى عقله دايما ف حاله انبهار احكى يا شهرازاد
حاولى انتى تقربى منه حتى لو عارفه ايه بالظبط اللى تاعبه بس حاولى تريحيه وتخففى عنه
يعنى الرجل دايما بيحس انه صاحب الفكر والقرار وانهه لازم يشيل المسؤليه لوحده ومايتعبش حد فيها
وانت دورك بقى انك تسانديه على قد ماتقدرى
وربنا يقرب بينكم كمان يارب
والف سلامه على اختك وطمنينى عليها
جيتى على الوتر ياحاسوباتيه
بصى عن تجربه لان زوجى كان كده من ايام الخطوبه كنت بعانى معاه بقلة الكلام وانه كتوم اوى واتعود على ده بقاله سنين وكنت بتدايق جدا انى كنت كمان قليلة الكلام بس معاه ابتديت اتغير وهو تقدمه بطىىىىء جدا وابس حاجه يقولى انا كده حكيت واتغيرت وبجد كنت بتدايق وبتعصب مع الوقت وحسيت انى صبرت انه يغير ده كتير لانى كنت شايفه ان ده نوع من التواصل والمشاركه والحب مش كل واحد يبقا فوادى
المهم عشان مطولش عليكى الموضوع بجد عاوز صبر وصدقينى ان شاء الله هيتغير بس عاوز ذكاء وحنيه اهم حاجه الحنيه وانك متحسسهوش انك بتنتقديه اتكلمى معاه براحه انك نفسكوا تشاركوا وانه حب وكده ومره على مره وبصى فى حاجه ستيته قالتها صح جدا جوزى قالهالى فمره كنت زعلانه قالى اسالينى وانا هجاوبك انا مش بخبى او مش عاوز اتكلم بس اصبرى عليا لانى بقالى سنيييين كده فحاولى تساليه هتلاقيه بيجاوب واسالى كتير وادخلى من موضوع لموضوع لحد مالدنيا تتفتح ويبتدى يتكلم فى الحاجات القريبه الخاصه
اصعب حاجه علي المحب انه يحس انه في وادي وحبيبه في وادي
بس الست الشاطره اللي تحترم صمت حبيبها وماتحاولش تزن
سانديه بأنك تقفي جنبه وتطلعيه من الهم ده بحيل لطيفه وصدقيني لما يروق هيحكي لك بس الرجال في منهم مايحبش يشيل حبيبته الهم بيبقا مشفق عليها من الحمل
غالبا الراجل بيبقى عنده مشاكل ماديه شاء أم أبى بحكم أنه رجل و عليه مسئوليات ماديه طول الوقت
فبعض الرجال اٍما أنه مش بيحب يتكلم مع حبيبته أو خطيبته أو حتى زوجته فى مثل هذه المشاكل ظنا منه أن صورته حتتهز قدامها أو بيكون مشفق عليها من شدة حبه لها أن يضايقها بمشاكله
و فيه نوع من الرجال هو طبعه كده ما بيحبش يتكلم عما يدور بداخله من هموم اٍيمانا منه أنه بكده بيبقى بيشتكى و الشكوى ليست من طبع الرجل الشرقى غالبا يعنى
على كل الأحوال مش معنى أنه صامت و لا يشرك معه أحد فى همومه أنه غامض أو أن حبه بيقل لا بالعكس
ده معناه أنه حساس
مش عارفة اقولك اللى كاتبه ده ماثر فيا اد ايه .........ز
جوزى زيك كدة بالظبط
اقعد اقولة فى اية قولى فضفض احكى
ابدا مفيش فايدة
بس على مين هفضل وراه لحد ما يتكلم
كلامك جميل
انتظرينى دائما ان شاء الله
في ناس كده
مبتعرفش تعبر على اللي جواها
مبتعرفش تقول آااه لحد غي نفسها
بتعتبره ضعف أو عوره لازم يداريها
الناس ديه بتتعذب لما بيصيبها مشكله لأنهم ببساطه مبيفضفضوش بسهوله
بيعتقدوا أن الفضفضه ممكن تؤذي اللي قدامهم
الناس ديه ببساطه محتاجه حنان, محتاجه انك تسألي عنهم من غير متضغطي عليهم
سامحيهم لو مقدروش يعبروا
لأن ديه طبيعتهم
الف سلامة على اختك حبيبتى شفاها الله وعافاها
طمنينا عليها!!!
ربنا يشفيلك اختك الغالية ويطمنك عليها
احساسك جميل جدا
حاولي تحسسيه بانك جمنبه وانه لازم يفضفضلك لانكم واحد و الزقي فيه و قرريه وهو هيقر علطول بس اعرفي تدخليله منين
وربنا يوفقك
ليه مع اننا كل يوم بنكلم بس بيكون اغلب كلامنا صمت
ليه بحس انك شايل هموم
وانا شايله هموم
وكل واحد كاتمها جواه
اسالك مالك تعبان ليه مهموم ليه
تقولي مافيش ماتشغليش بالك
ياااااااااااااااااااااااااااة
الكلمتين دول اكنهم عني بجد حلوة
يااااااااااااه يا حاسوباتيه
وجعتى قلبى والله وجعتى قلبى
وتعرفى لازم لازم الكلام ده يوصله هو شخصيا عشان يوجع قلبه ويحس بيكى وبالألم اللى جواكى
ويارب يارب يوفقكوا لبعض
وتقبلى خالص تحياتى
بيقولك بخاف عليكي
ماتشغليش بالك
المهم انتي كويسه
حاجه تفرس والله
وحشاني ياحاسوبتيه
اخبار اختك ايه..؟؟
إرسال تعليق