7‏/5‏/2009

اعتزلت الاحلام


كنت بحلم كتير وبحاجات كتير
لكن بعترف دلوقتي اني تعبت من الاحلام
بعترف اني يأست انها تتحقق
بعترف اني ماعونتش حتى بفكر فيها
بعترف اني بقيت بمنع نفسي من الحلم
بعترف انها طلعت كلها اوهام بعيش نفسي فيها
اصل هحلم ليه؟
وعلشان ايه؟
علشان الحلم مايتحققش
علشان اتعب وبس
قولت كتير بكره هيكون احسن
قولت كتير لنفسي كلمه (معلش)
زهقت من كل الكلمات دي
زهقت من اني استنى امل وحلم مش جاي
قلبي ماعاتش متحمل يأس تاني
وانكسار تاني
وجرح تاني
وألم تاني
ودموع تاني
قررت اعتزال الاحلام
--------------------------

بعتذر اني مش هقدر ازور مدوناتكم لاني الفتره دي مش مركزه خالص اسفه

هناك 33 تعليقًا:

قلب ارهقته الاحلام يقول...

الف سلامة عليكي ياقمرر

ولكن لو كان إعتزال الاحلام هو الحل لكنت أيدتك

ولكن أحلامنا هي متنفسنا الوحيد

نهرب بها من الالم والانكسار والواقع الغريب

فلا تعتزلي الاحلام لوكانت ستظل للنهاية

مجرد احلام ..

مش تتأخري وأرجعي بألف سلامه ان شاءالله

تحياتي ليكي ياقمرر

عاشقه الرومانسيه يقول...

ترجعى بالسلامه ياسكر

بس ليه تعتزلى الاحلام؟
اصبرى شويه واكيد هتتحقق
صبرى قلبك واكدى له ان فعلا بكره احسن وافضل ان شاء الله

تعتزلى الاحلام؟
مش معقول طبعا
هى الحياه ايه غير شويه احلام

lonely يقول...

ازيك يا هاجــــر
انا مش هزود اللى انتى فيه
بس موضوعك ده خلانى دمعت واحتمال اعيط كمان وانا مموته نفسى من العياط امبارح اصلا
علشان بردو الاحلام
كنت بقول لنفسى انا مش حسه بنفسى مش حسه ان دى دنيتى اللى كان نفسى اكون فيها لما حلمت بيها من زمان
حسه انى غريبة ووحيدة
وفضلت بقى اقول يارب خدنى عندك ويارب اموت وكده
يعنى حالتى كرب بعيد عنك
كان نفسى لما اعلق اخليكى مبسوطة او اقدر اخرجك شوية من اللى انتى فيه
بس حاليا فاقد الشئ لا يعطيه
ويمكن انا علقت بعد فترة طويلة (مع انى متابعه على طول) لان البوست لمسنى من جوا
لنا الله بقى

ঔღঔ نـــوارة ঔღঔ يقول...

بلاش اليأس دا ياقلبي

مصيرها تروق وتحلى ^ـ*

متخليش الحزن واليأس يدخل قلبك

الحياة حلوة والايام الي بتروح مش بترجع تاني

ربي يسعد ايامك ويهدي بالك

دمتِ بالف خير

أمبارح كان عمرى عشرين يقول...

ان شاء الله كل شىء يبقى تمام
ربنا معاكى

MǿиY El-Shreef يقول...

ربنا معاكي ياجميله

ان شاء الله ترجعي زي الاول واحسن

بصي للدنيا من ناحيه تانيه

بس خدي من روتينها اجازه

وان شاء الله كل حاجه هتبقى كويسه

احلمي ببكره احسن ماتبطلي تحلمي خالص

ربنا معاكي

خدي بالك منك

adel يقول...

مش هاقدر ااقولك كلامك غلط
لاني عنيت كتير من الموضوع ده

ربنا معاكي

Butterfly يقول...

لازم يكون عندنا أمل
والا هنموت من كتر الأحلام اللى مبتتحققش :)

كفايـة طيبـة يقول...

قولت كتير بكره هيكون احسن
قولت كتير لنفسي كلمه (معلش)
زهقت من كل الكلمات دي
----

وانا زهقت من كلمة هانت
ومبتهونش
:(

ربنا يخفف عنك يابنتى
وترجعى تزورى مدوناتنا وبلاش دلع :)

Eno يقول...

لو بطلنا نحلم نموت ياقمر :)
روقي كده :)

احساس طفلة محبة للرومانسية بس واقعية يقول...

لية كدا
لازم يكون فى امل
صعب نعتزل الامل
نكون ساعتها بنعتزل الحياة
ونعلن استسلامنا لليأس
ودا مستحيل
مادام فى بكرة يبقى فى امل
ومادام فى امل يبقى فى حلم

تقبلى مرورى

بسنت صلاح الدين يقول...

ربنا يكرمك و يسهلك الحال،وقادر يحققلك كل احلامك،الدنيا مش عاوزه اللى يستسلم عاوزه اللى يفضل وراها،مش كل اللى جاى وحش و مش كل اللى جاى حلو، و على قد الدنيا مابتاخد على قد مابتدى و ان طال الانتظار....

ستيته حسب الله الحمش يقول...

ربنا يفرج ما بك وترجعي اقوى واكثر هناءا

أحمـــــــــــــد أبو العلا يقول...

ده بيقولك لو بطلنا نحلم نموت
مش هقولك ليه وكده
مش هقولك هوني عليكي
مش هقولك كلام طبطه ممكن يزهقك

لكن هقولك بصي لحياتك, بصي لمشاكلك اللي فاتت, أد ايه كانت كبيره وصعبه في وقتها, طب وبعد لما خلصت وعدت؟ مش صغرت؟ مش فيه منها اتحول لذكرى؟ مش في منها اتنسى؟ مش فيه منها اتحول لنكته بتفتكريها وممكن تضحكي عليها؟

اتمنى أن كل مشاكلك تخلص وتتنتهي ومتسبش أثر

ربنا معاكي

ريمان يقول...

ليه بس يا قمر فى ايه حبيبتى

طب خدى وقتك ومنتظرينك

روقى كده معلش

وان شاء الله تحلمى وتحققى احلامك كلها

صوت من مصر يقول...

كتير بنحلم ومنها زهقنا بجد
انا نت بحلم بوطن
لكنى اعتزلت ايضا

norahaty يقول...

صباح الفل
مالك الف سلامة
مهما يكون احنا احسن
من غيرنا كتير ولازم نعيشها
سواء رضينا أم ابينا حنعيشها
يبقى نعيشها واحنا متعشمين فى الاحسن
بأذن الله سبحانه وتعالى. مش حاقولك غير كل يوم الصبح اول ما تصحى وانتى لسه على سريرك بصى حواليكى واسمعى
بودانك وانزلى ابدأى يومك وأفتكرى
ان غيرك محروم من التلات حاجات دول
لا بيشوف اللى حواليه ولا بيسمع
اللى بيتقال ولا بيقدر ينزل
لوحده من سريره ولازم حد
يساعده افتكرى ابسط
3 حاجات دول واشكرى
ربنا وتعشمى فى
وجهه الكريم
كل خير
نهارك ابيض ويومك
سعيد بأذن الله تعالى

نهــــــــــار يقول...

السلام عليكم .....
أنا معك نياس ونبتعد ونزعل من الأحلام...
ولكن لا مفر من العوده إليها لتستمر الحياه...
...
دمتِ بخير

Foxology يقول...

لو بطلنا نحلم .. نمووت :)

اللى جاى احسن ان شاء الله

تحياتى :)

dodoo يقول...

ياقمر مفيش حاجه مستاهله

وبرضه مادام احنا عايشين فى الدنيادى يبقى اكيد فيه امللللل

وانا هقولك حاجه لعمنا صلاح جاهين

يمكن تخفف عنك

" يأسك وصبرك بين ايديك وانت حر

تيأس ماتيأس الحياه راح تمر

أنا دقت من ده ومن ده عجبى لقيت

الصبر مر وبرضك اليأس مر "

ربنا يخفف عنك ياااااااارب وترجعى بالسلامه

موناليزا يقول...

من نعم ربنا علينا قدرتنا على الحلم فلماذا تريدين التنازل عن هذه النِعمة!
حبيبتى لاتقنطى من رحمة الله
الفرج جاى جاى
هييجى فى الوقت اللى ربنا مختاره لان ده الوقت اللى هيكون مناسب ليكِ
محدش عارف الخير فين
روقى بقى

esraa يقول...

ماينفعش تعتزلي الحلام
كده تبقي هتعتزلي الحياه

منير قال ولو في يوم راح تنكسر
لازم تقوم واقف كما
النخل باصص للسما
ولا انهزام ولا انكسار ولا خوف ولا
ولاحلم نابت من الخلا

احلمي تاني
ومسيرها هتتحقق

فكرة من الزمن ده يقول...

اوعي تعتزلي الاحلام
باعترف اني بانصحك بحاجة لكن مش قادرة انصح نفسي بيها
دموعي نسبقني الان وانا باكتب ليكي لسبب ما
تحياتي

Sweet Violet يقول...

ممكن احلام كتير مش بتتحقق لكن

الاكيد لو احنا اتمسكنا بالاحلام صح هنقدر نحققه

و ان شاء الله ترجعى بسرعه زى الاول و اكتر

مامة مازن يقول...

اختى الباشمهندسة تبدو فى كلماتك نبرة يأس ولا اشجعك عليها فجدنا مصطفى كامل قال لا يأس مع الحياة ولا حياة مع اليأس يعنى اليأس يلغى الحياة
وبعدين الحلم هو الحياة هو الطموح هو الامل ازاى تلغى كل ده من حياتك
الحلم ممكن يتبدل بغيره لكن ميتلغيش خالص
تحياتى اختى وتقبلى مرورى

أم مالك يقول...

ربنا يفرج كربك يارب
وتتحقق كل احلامك
ولاتقولى بارب عندى هم كبير بل قولى ياهم عندى رب كبير
مش عوزين الغيبة تطول ياقمر
والله ده التواجد وسط الاحباب
من اكبر اسباب فك الكرب
لن أنساكى من الدعوات
وتعودى بالف خير

شمس النهار يقول...

مش بحب اليأس
وعندي اعتقاد ان الحلم اللي مابيتحققش في غيره جديد بيتولد ويتحقق بداله

تجاربي وحياتي قالت لي كده

MaNoOoSh يقول...

طب انا هقول معاكى اننا بنتجرح لما نحلم وحلمنا يطلع على فشوش..
بس بذمتك قوليلى كدة لو اعتزلنا الاحلام هيتبقالنا ايه؟
بيتهيئلى نفضل نحلم ونعافر ونحاول على قد ما نقدر نحقق احلامنا ونوصل لسعادة.

عمرو يقول...

من غير ما نحلم ماينفعش نعيش يا باشمهندسه ..
اٍحلمى كما يتراءى لك أحلام مشروعه منطقيه و سيبى تحقيق الحلم للمولى جل شأنه فقط خذى بالأسباب ..
دعاواتى لك أن تتحسن نفسيتك قريبا و بلاش رنة اليأس فى كلماتك لأن الحياه أقصر من أن نضيعها ما بين اليأس و الاٍحباط ..
تقبلى تحياتى و تقديرى ..

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

وكيف يعيش الانسان بدون احلام

فاحلام الامس هي حقائق اليوم واحلام اليوم هي حقائق الغد

فكيف لنا ان نبتكر او نتقدم بدون ان يكون لدينا احلام نصمم على تنفيذها

ولكن من يستيلم للواقع الاليم ويتخلى عن احلامه فسوف يخسر نفسه قبل ان يخسر الكثير والكثير

تمسكي باحلامك واياك واليأس

فانه من شيم الفاشلين

جزاكم الله خيراً واعانكم على تحقيق احلامكم

hager za3bal يقول...

لا
احلمي
الحلم مش عيب

بس لازم تعرفي
انتي عايشه في حلمك ولا لحلمك ؟؟

ربنا يوفقك

تحياتي

عاشقه الرومانسيه يقول...
أزال المؤلف هذا التعليق.
صبرني يارب يقول...

يا جميل بادعوكي للمشاركه فى اضراب 17 مايو

بوضع البانر بتاعه خديه من عندي او من اي مدونه نشراه

اضراب عن الفساد

بعنوان لا تفسد

جرب تعيش انسان

بدعوه من الدكتور اسلام مدونة حنعيش يعنى حنعيش

بصي عليه كده

http://han2esh.blogspot.com/2009/05/blog-post_09.html