25‏/6‏/2009

مستحيل استغنى عنك


بحبك قد عمري قبل عمري بعد عمري حبي ليك فوق المشاعر والحدود

بحبك قد روحي قبل روحي بعد روحي مش هلاقي زيك انت في الوجود

مستحيل استغنى عنك مستحيل ده انا كلي منك

انت اكتر من حبيبي انت كل مافيك حبيبي

نفسي اقولك اني عاشقه ودايبه موت

----------------------------

ياريت تفهم بقى يا اخي وتبطل تلمح ان ممكن مايكونش بينا نصيب وهتعدي صدقني هتعدي الازمه دي بس نعديها سوا مش كل واحد في مكان لان بدات اصدق انك مش عايزني وانك بتقصد تبعدني عنك

هناك 35 تعليقًا:

صوت من مصر يقول...

للاسف هقولها بما انى راجل
الراجل لو لقى واحده بتقوله انا مستحيل استغنى عنك هيحاول يبعد عنها بجد
واسف للمره المليون وهنا بقولها كمان

ستيته حسب الله الحمش يقول...

مش عارفة يا حاسوباتية

انا بحب الحب
وسيرة الحب
وحب الحب لكل صحابه

بس دايما اميل للوسطية في المشاعر
لا ادي قوي بلا حساب وبلا مردود مشاعر من الحبيب

ولا اخذ قوي واكون انانية واكتفي بالأخذ دون العطاء

لو مفهمش .. لو محسش
اوه دي تبقى مشكلة بعد ده كله

تحياتي

حواء يقول...

انا مع صوت من مصر
وصدقيني حصلت معايا كذا مره

Foxology يقول...

اختلف مع صوت من مصر المفروض لو حد لقى حد يحبه ومتعلق بيه كدة يبقى يبعد عنه ليه ؟؟؟؟؟؟؟؟؟؟؟؟


محدش عارف الخير فين :)


تحياتى :)

Sweet Violet يقول...

الصراحة انا مع صوت من مصر فعلا
و مع ستوتة فى موضوع الاعتدال ف المشاعر

v_v

شمس النهار يقول...

صباح الخير عليكم جميعا
صوت
ستيته
حواء
فيوليت

ايه الاجماع ده
ده والا الانتخابات المزوره

معقول انا احط علي مشاعري حنفيه واقول ادي علي الاد وباقي مشاعري اديها لمين
اه انا ادي مشاعر حلوه بس مااخنقش اللي قصادي بيها
لكن مااقدرش احبس مشاعري تحت اي بند

كمان المفروض ان الانسان لما يلاقي انسان متمسك بيه كده رغم كل الظروف والمشاكل يتمسك بيه اكتر واكتر عشان التمسك ده اكبر دليل علي الحب الصح الحقيقي

المشاعر لاتقبل القوانين
الحب حب

واعتقد ان المشاكل بتقوي الحب جدا
ولو هدته وراح يبقا كان حب هاش ضعيف فراقه احسن

عمرو يقول...

بعض الرجال بيفضلوا أن يمروا الأزمه لوحدهم بدون وجود الحبيب بقربهم ..
أزمه و بتعدى و بيرجع كل شىء كما كان و أحسن ..
تقبلى تحياتى و تقديرى ..

adel يقول...

ياصباح امال ماهر :):)

مش عاوز اكئبك و ااقولك هيسيبك
ان شاء الله تكون ازمة زي ما انتي قلتي

بنوتة يقول...

يا حاسوباتية
الحب بيسبب مشاكل كتير بس اكبرها انك تجرح عشان كده انا بقوللك حاولي
حاولي تاني حاولي مرة كمان و هو لو مش حاسس يبقى ميستاهلكيش

Soma يقول...

ياريت يحس كل راجل باللي الست بتحسه جواها

للاسف لازم نتنك عليهم ونعمل منفضين عشان يجروا ورانا في الاخر ويحسو ان البنت دي صعبه

لكن لما تبين حبها من اولها حتي لو تجاوب هيبقي جواه احساس انه تفضل وتنازل وقبل يحبها وانها محتاجاله ومع اول مشكله هيقولها انتي اللي كنتي بنكلميني وانتي اللي كنتي عايزاني

حبيبه سى السيد يقول...

بصى فى مقولة بتقول

لما تكره مش تكرة اوى بكل مشاعرك
يمكن يوم الكره يتقلب حب

ولما تحب بلاش تحب اوى بكل مشاعرك يمكن يوم الحب يتقلب كرهه

وسبحان مقلب القلوب

كونى خذرة حتى فى الحب

سلامى ليكى

حواء يقول...

ايوه انا فاكره المثل ده ياحبيبة سي السيد
ايوه المثل بيقول ان عشقت اعشق قمر وإن سرقت اسرق جمل
لالالالا
مش ده
التاني
ههههههههههههههههههههههه
بصي ياحسوباتيه
انا اللي قصدته بالضبط زي مقالت شمس النهار يمكن خاني التعبير ومعرفتش اوصله
اصلي بعيد عنك مش بعرف ابعبر
وكلمها هو
كمان المفروض ان الانسان لما يلاقي انسان متمسك بيه كده رغم كل الظروف والمشاكل يتمسك بيه اكتر واكتر عشان التمسك ده اكبر دليل علي الحب الصح الحقيقي
واعتقد ان المشاكل بتقوي الحب جدا
ولو هدته وراح يبقا كان حب هاش ضعيف فراقه احسن
بجد هو ده الكلام بالحرف الواحد اللي عايزه اوصهولك
انا بهرج معاكي علشان تفكي شويه
صدقيني لو كان نصيبك البعد عنه يبقي خير
وربنا يرضيكي بيه
هتتعبي شويه لانه بيبقي عامل زي المدمن اللي بيتسحب من جسمه المخدر وبعد كده بيرجع احسن مما كان وبيتعلم الكتير
وبيكون نصيب واللي مكتوب علي الجبين لازم تشوفه العين
وزي مقالت حبيبة سي السيد
في مقوله بتقول
احبب حبيبك هونا ما فقد يكون بغيضك يوما ما
وابغض بغيضك هونا ما فقد يكون حبيبك يوما ما
وربنا يكتبلك الخير ويرضيكي بيه يارب

MǿиY El-Shreef يقول...

ماتقلقيش ياحبيبتي

ان شاء الله كل حاجه هترجع زي ماكانت واحسن

بس حاولي تحافظي ع نفسك ف النص

ماتديش كل حاجه عشان المفروض تكوني عامله حساب لكل حاجه

ربنا يحفظك يارب

عاشقه الرومانسيه يقول...

اتارى الحب حتى الحب لو يوم زاد عن حده يخلى قلب يجرح قلب ويتحول لشئ ضده وعيش ياقلبى واتعلم
..........................
رديت عليكى باغنيه برضه علشان المعنى يوصل
انا مع صوت من مصر
لان كل شئ بيزيدعن حده بينقلب لضده
حتى لو فى الحب

*البت المشمشية *حلوة بس شقية * يقول...

ممممممممممممممممممممممممممممم
مالك ؟

ابو على يقول...

جميل اوى احساسك جهة اقرب الناس ليكى
صدقينى الحب دا اعظم شىء ف الوجود
مش هايكتمل طول ما ميزان الحب مايل لكفه عن التانيه ... لازم الاتنين زى بعض

أحــوال الهـوي يقول...

لا ادري اسباب البعاد و لكل سبب طريقه لراب الصدع

و اذا كانت حالتك من قبيل الاعتذار عن خطا ما سوء فهم فلا يضير ان تثبتي له انك تحبيه و تتمسكي به

اما اذا كان غير ذلك فهذا الاسلوب سوف يؤدي الي عكس المرتجي و الله اعلم

تحياتي

د.خالدأمين يقول...

والله انا لو الاقي واحده بتقولي الكلام ده

لاجيبلها نجمه من السما


اختلف مع صوت مصر جدا


المشاعر اليا كانت لابد وان نعبر عنها بحقيقتها دون حسابات او تعقيدات


دائما توقع الافضل

وان لنم يحدث فالعيب من المتالقيوليس من الملقي



اسيبكم بخير

نهر الحب يقول...

ربنا يقدر لكم الخير

بسنت صلاح الدين يقول...

ايوه كده مش عاوزاكى غرقانه فى بحر يأس ،اتمسكى اوى باللى فى ايدك عشان لو فضل تبقى صبرتى وربنا عوضك، ولو لا قدر الله مكانش من نصيبك على الاقل متندميش و تقولى ياريتنى كنت عملت حاجه او اتمسكت بيه اكتر من كده

حاسوباتيه يقول...

يا جماعه انا بشكركم كلكم على ردودكم بس معلش انتم فاهمين الموضوع غلط الموضوع مش اني بدي حب زياده لا مش كده خالص الموضوع ان هو في مشكله كبيره جدا وربنا مايوريها لحد في اهله يارب فعلا مشكله لا هي مصيبه مش مشكله وبس وده بجد قلب حياتنا كلها بكل مافيها وبقى كمان بيهدد جوازنا جامد جدااااااااا وحتى لو اجوزنا هتفضل المشكله دي ورانا وهينتج عنها خلافات كتير وانا مش عايزه اسيبه بس ساعات بتكون الظروف اقوى وماعرفش ايه الي هيحصل هو كمان متمسك بيا بس مش عارفين نعمل ايه بجد كل حياتنا وحياته باظت بجد وكل احلامنا كلها كمان راحت مش عارفه اقولكم ايه اكتر بس بجد احنا في موقف صعب ومش عارفه الحب هيستحمل كل ده ازاى او لغايه امتى ماعرفش شكرا ليكم كلكم بس صدقوني الموضوع مش اني بدي حبي لحد مش يستاهل او انه حد مش مقدره بس الموضوع زي ماقولته كده وللاسف علشان اكون صريحه اكتر فالمشكله الي احنا فيها مخليه بينا مشاكل اكتر وخناقات كتير لان كلنا على اعصابنا ادعولي بس ربنا يصبرنا وربنا يخليكم ليا يارب

كيــــــــــــارا يقول...

قريت تعليقك

مش هقولك غير ربنا قادر علي كل شي

ادعي ربنا

الشعب لابد له من حكومه تشكمه يقول...

اقولك كلمه من اخت ليكى بما انى قريت تعليقك:
اعملوا اللى عليكو اوى,يعنى اقفى واستحملى واصبرى واعمل كل حاجه عليكى صح,حتى لو لا قدر الله الموضوع مكملش عارفه ليه؟
علشان ميجيش يوم تندموا انتو الاتنين وتقولوا ياريتنا كنا حاولنا,ياريتنا كنا استحملنا,
اعملوا كل المستحيل علشان تقتنعوا ان خلاص كده احنا عملنا اللى علينا ولا حصل حاجه يباه ربنا هو الى مش رايد يجمعنا سوى.

عاشقه الرومانسيه يقول...

صلى استخاره
وربنا يقدر لكم الخير يااااااارب
ويراضيكى بيه

ستيته حسب الله الحمش يقول...

طيب يا اوختشي ده كلام واللي في الأول كلام تاني
نعم لك ايه بقى؟

ربنا ييسر كل عسير ببركة لا اله الا الله

وبعدين خليكي راجل
شدي طولك
افردي ضهرك
متعمليش معاه مشاكل
استحملي عصبيته
الراجل يطفش والست تعشش
برقي للي يجي ناحيتك وقولي ها اتجوزه حتى لو جوا جواكي كنتي خايفة ده ميحصلش
اديله دعم حتى لو على حساب صحتك واعصابك

خليكي راااااااااااااجل

واللي اتكتب اسمه على جبينك وانت جنين عمرك خمس اشهر في رحم امك ها يتجوزك ويكون ابو العيال حنفي الغالي

وإن أبى كل من على وجه الأرض
خلصت يا فندم

ربنا ييسر لكم كل عسير ويريكم آيات رحمته ويجيب فرج لم يخطر على قلوب البشر الضعفاء

حواء يقول...

الاستغفار
استغفري بنيه ان ربنا يفك كربك
هتححل زي الهوا
حتي لو كان ده بعدم الجواز فهتليقي انتي وهو في رضا تام عن اللي حصل
انا هدعيلك بالخير
اللهم ارزقها الخير وارضها به

رؤية يقول...

ربنا يجمعكم على خير

ويوفقكم

تحياتى

مامة مازن يقول...

سيبتلك تعليق قبل كده والحمد لله البتاع فصل وطار
المهم كنت عايزة اقولك ان الحب بيستحمل ويستحمل ويستحمل مادام قلبكم على بعض وانتم كمان ناويين تستحملوا مادام نيتكم خير وطالبين حلال ربنا يبق اكيد ربنا هيقف معاكم وهيسخر لكم المساعدة بحوله وقوته
دمتى اختى بكل خير

شيماء جمال(شيمو القمر) يقول...

لن يجد الانسان الحب سوى مرة واحدة
تمسكى به بما فيك من قوة وأكيد مش على حساب عزة نفسك
حاولى الحفاظ عليه بحكمة وعقل
أتمنى لك السعادة

تحياتى لك
شيمو القمر

لجين أبو الدهب يقول...

معلش ياحاسوباتية ..

هى بتيجى فترة على الانسان سواء انتى او الطرف التانى او الاتنين سوا تحسى كده ان كل المعالم بتقول لا وان مافيش نصيب وان وان وان ..

بس هى بتكون فترة ضغط وبتعدى والله وبتكون بعد كده من الذكريات ..

من الذكريات السيئة طبعا اللى ما تحبيش تفتكريه

ودايما ادعى اللهم لا تجعل للشيطان سبيل بيننا ..

MaNoOoSh يقول...

ان شاء الله ازمة وهتعدي
اقفى جنبه بالشكل اللي ميحسسهوش بالخنقة
اصل الرجالة فعلا على راي عمرو ساعات بيحبوا يطلعوا من المشكله بنفسهم
وده ليه علاقة بثقتهم بنفسهم وكرامتهم
والست فى الحالة دي بتظهر دعمها من بعيد لبعيد


ربنا يوفقكم وان شاء الله ييسر كل عسير فى حياتكم

Eno يقول...

ربنا يحلها من عنده ويديم حبك وحبه ويكملكم علي خير انا بأه بقولك اتمسكي بيه وهو كمان هيتمسك بيكي محدش بيلاقي الاهتمام بيه ويقابله بتجاهل ابدا الا اذا كان انسان مش يستاهل
ربنا يحلها ياحاسوباتيه انا اسفه النت فصل في اخر مره كنت بكلمك

وبجد ربنا يفرجها عليكي :)

شمس النهار يقول...

مهما كان ايه الموضوع
رأي مش هيتغير في الكلام اللي اتقال


لكن بالنسبه ليكي انتي واضح ان الموضوع كبيير

وطالما هو بينكم يبقا ماحدش يقدر يحله غيركم انتم
وانتو اللي تقرروا هتعملوا ايه

بس خاللي بالك يعني كان في مشكله ان اتنين مخطوبين وهمه بيعملوا اختبار الزواج وجدواان الولد لن يستطيع الانجاب خالص

عشان الحب اللي بينهم تكتموا الخبر
واعتبروه سرهم
وبعد الزواج حصلت كم من المشاكل لاحصر لها
من ضغوط الاهل
وبعد ضغوط الاهل هي نفسها ندمت علي القرار حيث اكتشفت قد ايه هي ام بالفطره ومش هتقدر تعيش كده
وتم الطلاق وهو ادمر من الطلاق تماما
وهي تعبت شويه لكن تزوجت بعد كده وخلفت وهو الي الان اسير احزانه

فامهما كانت المشكله لابد ان نشارك الاهل او من هم اعلي واكثر منا خبره
ولا نترك العواطف كده هي اللي تتحكم

ربنا يريح قلبك ويحل كل مشاكلك علي خير

انا ودماغي يقول...

للآسف انا شايفة ان الحب المفروض يكون من غير حدود..لكن واضح ان الواقع غير كدة

Teawater يقول...

mosh 3arfa a2ok eih ba7bk bgd gdn ana 3agbne elbost gdn ente ana 7asa ene nefse ab2 sa7btk bgd 7asake fahmane awe we ennena 2oribeen
ana 3agbane elmodawna gdn ba7sk 2oriba gdn mne
bost dh an h5doo le2no 3agbne gdn
Bravooooooooooooooo0000000ooooooooooooo

Shaymaa 7asebat
FCI