7‏/9‏/2009

عن المخلوق زيدان هكلم


طبعا كل شئ في الكون ده مخلوق خالقه ربنا سواء كان انسان او حيوان او نبات او جماد بس بقى في مخاليق بشر في نظري لاترقى لمستوى كلمه انسان ليه بقى؟
لانهم بيعملوا حاجات الانسان الي عنده ولو جزء من الدم والاخلاق مايعملوهاش ابدا علشان كده النوعيه دي في رايي هما مخلوقات فقط لكنها لاترقى للانسان

المهم المخلوق بقى الي هو زيدان ده الي مش هقول اسمه لانه مايستحقوش بالمره وانا ماليش في الكوره نهائي بس بجد كل ما ادخل موقع الاقي اخباره هو وصديقته عادي كده جدا ولا كان ده حرام ده ايه لاشهار بالمعصيه ده ده بجح جدا بجد وغايظني جدا
وكله كوم وخطيبته مي الي سابها الي بيقولوا ان مي كساب هي السبب ايه التفاهمه دي هو ده اصلا حد يتخانق عليه والله لو معاه كنوز الدنيا
مش قادره استوعب ان واحده تجوز واحد كده مقرف جدا ومجاهر بمعصيه وياريتها هينه دي مصيبه استخفر الله
الكلمه لوحدها تقشعر لا وبيجي في التلفزيون معاها عادي جدا ده والله نسي ربنا والموت والحرام
يعني معقوله المخلوق ده هو المفروض قدوه الشباب ده المفروض يشيلوه من المنتخب اصلا

شوفوا بقى الفرق بينه وبين الرائع ابو تريكه ده الي انسان بجد وقدوه بجد مع اني عمري ماشفت ماتش كوره بس بحترم الراجل ده جدا لانه يستحق كده

عموما مش هقول غير ربنا يهديه يارب ويرجعله عقله
------------------------------------------------------
ملحوظه: بعتذر ليكم كلكم جدا اني مابجيش عن حد بس بجد الوقت في رمضان بيعدي هوا ومشغوله مش عارفه اقعد على الجهاز اشوفكم بعد رمضان باذن الله

هناك 22 تعليقًا:

أحــوال الهـوي يقول...

ربنا يهديه و يهدي الجميع

شكله كده بيغيظ في مي و جايب بنوته جميله لان الاشاعات بتقول ان الست مي و تامر حزني بيحبوا بعض

و المهموز ده و لع صاحبنا و بقي يظهر مع الحته الالماني

و اذا كان ده او دي

فربنا يهديهم

تحياتي

adel يقول...

هو لاعب كويس قوي
وانا ميهمنيش حياته الخاصة في شئ

بس عموما هو اشاسا دلوقتي اتنك علي المنتتخب و مش بيجي الماتشات
يعني ملوش لازمة

اما ابو تريكة ده حكاية لوحده

ستيتة يقول...

قالوا محافظ اسوان ها يمنع الناس تجاهر بالإفطار في الشوارع في نهار رمضان

قلت يبقى ها يتشال
هو فاكرنا في بلد اسلامية ولا إيه؟

قالوا محافظ اسيوط ها يمنع الستات تدخل مبنى المحافظة من غير محرم

قلت ما يجيب معاه بترول الخليج وهو جاي ولا يخلي تحيتنا "هلا والله كيف الحال" وان شاء الله يشيلوه علشان ده قرار متخلف

قالوا زيدان عايش مع عشيقة المانية وفرحان بشبابه

قلت الشباب بيخلص
والنجومية نجمها ها يأفل
ويفضل مجرد مثل لفاسق

تحسي ان البلد مفيهاش ثوابت خالص
كل واحد ثوابته هواه الشخصي

اما عن المذكور اسمهم كلهم في البوست
هم اقل كثيرا من ان يكونوا مثل يضرب كقدوة او مجال لحديث

وما أكثرهم

صباحك فل

ستيتة يقول...

سوري
ماعدا تيكا طبعا
ربنا يخلي تيكا ولعب تيكا واخلاق تيكا

زهور الامل يقول...

ازيك يا حاسوباتية
اخبارك ايه يا قمر

كل عام وانتي بخير ورمضان كريم

وياستي متزعليش نفسك ولا تشغلي بالك
معظمهم كدة اصلا ان كانوا مطربين او ممثلين او لاعيبة كورة
نادر انك تلاقي حد فيهم كويس

ربنا يهدي الجميع يا رب

تحياتي

طلاب من أجل مصر يقول...

بجد هوه انسان في شباب كتيير وخدينة قدوة

انا سمعت كلام شبه ده بس متوقعتش البجاحه لككده ..بس مش بعيده خاااالص..وبعدين يعني
لا مي اصلا اي رااجل يرضى يتجوزها
ولا زيدان ده وحده ترضى بيه كلهم في الهواء سواء

وبجد الشاب الهايف يفضل هاااايف
لانه مش بيشوف غير الهيافه دي ...وللاسف احنا بنشوفهم على هيئة نجوم وفنانين وحجات كبيير

=======
انا اول مرة ادخل مدونتك ..بس بجد شدني العنوان كان على المفضله في مدونة تانيه
يريت تنورينا

عاشقه وغلبانه يقول...

بصي ياجميل
احنا في زمن مايعلم بيه الا ربنا
ومن نوعيه زيدان كتييييييير جدا
بس الفرق انه تحت الاضواء وتحركاته محسوبه عليه
بس عايزاكي وانتي ماشيه في الشارع كده بصي حواليكي هتلاقي ناس رجاله وستات عاديين جدا مايبانش عليهم اي علامات لمعصيه ربناواسألي نفسك كام راجل من دول ولا ست كان بيعصي ربنا امبارح بالليل
كام واحد من دول بيشرب خمره ولا بيزني ولا مصاحب ولا متنيل علي عين اللي خلفوه

هتلاقي كتير اوي
انا مش مستغربه زيدان لانه ببساطه ماعملش جديد
بس عمل حرام
مقروفه منه اه بس مش مستغرباه الحقيقه

mahasen saber يقول...

انا برضه مليش فى الكوره بس ليا فى حرقة الدم يا حاسوبه
..ده نقوله فعلا ربنا يهديك يا ابنى
بس معتقدتش برضه يا حاسوبه انه ممكن يعمل معصيه جامده
..لا زال الخير فى امتى .. يعنى لا لا معتقدتش فعلا انه ممكن يقترف ذنب كبير وبشع ويجاهر بيه
واللله وحده اعلم
وربنا يهديه ويهدينا جميعا

غير معرف يقول...

ربنا هيحاسبه ..

متضايقيش نفسك ..


كل سنه وانتي طيبه :)
ورمضان كريم ..
معلش جت متأخره شويتين :$

نجم الرياضة يقول...

زيدان مثال لشباب العربى عندما يذهب لاوربا ينسى اصلة ودينة وينغمس فى قذارات المجتمع الاوربى ربنا يهدية ويهدى الشباب المسلم

مدحت محمد يقول...

هو زيدان صراحة انا مش بحبه لله فى لله من غير مااعرف عنه حاجة ولاحظت انى اى لاعب فى المنتخب بيجيب جول بيسجد لربنا الا هو الصراحة

بس ربنا يهدى الجميع

blue-wave يقول...

وعلشان كدا عمر ربنا ما هايكرمه
انا اتكلمت على الموضوع دا على فكرة من مددة
يلا ربنا يهديه يا ياخدة

عمرو يقول...

طبعا حنفترض أنها مجرد صداقه بريئه لا يشوبها ما يغضب الله لأنها أمر عظيم بغير 4 شهود عدل ..
لكن الواقع أنه كان من المفترض فيه أن يحافظ على كونه قدوه للشباب اللى زيه و اللى فى سنه و المعجبين به كلاعب كويس بجد ..
بس عموما فيه شباب كتير برضو قدوه و هم فعلا نعم القدوه و هم أولى بأن يحتذى بهم فدول اللى لازم يكونوا فى دائرة الضوء ..
ربنا يهدى الناس و يبعد عنهم شيطانهم اللى موديهم فى الكازوزه باٍرادتهم أحيانا ..
تقبلى تحياتى و تقديرى ..

شمس النهار يقول...

الشهره والفلوس جننتهم

بس انا سمعت ان دي زوجته مش صديقته
وانها عملت له قضيه لما عرفت بخطوبته لمي
الحقيقه سمعت بناتي بيقولوا كده
ربنا يهدي عبيده

مهرة سالم يقول...

السلام عليكم.....
مسلمين بدون إسلام ...
وإسلام بدون مسلمين......
سبحان الله..
بالفعل تطرق الشقيري في برنامج خواطر لمثل هذه المواقف ...
.....
في أمان الله

MǿиY El-Shreef يقول...

ربنا يهديه ويهدينا كلنا يا توتو

بس زيدان ع حسب اخر ماسمعت انه التزم بجد والكلام ده اتقال ايام كاس القارات ومابقاش زي زمان خالص

وحواره هو مي الصراحه ماعرفش افتي فيه بس مي بردوا ماتتخيرش يعني ماهي مش الست خضرا بردوا :D

عموما ربنا يحمي ابوتريكا ويجعله قدوه لكل اولادنا

رمضان كريم ياقطتي

MǿиY El-Shreef يقول...

ربنا يهديه ويهدينا كلنا يا توتو

بس زيدان ع حسب اخر ماسمعت انه التزم بجد والكلام ده اتقال ايام كاس القارات ومابقاش زي زمان خالص

وحواره هو مي الصراحه ماعرفش افتي فيه بس مي بردوا ماتتخيرش يعني ماهي مش الست خضرا بردوا :D

عموما ربنا يحمي ابوتريكا ويجعله قدوه لكل اولادنا

رمضان كريم ياقطتي

شمس النهار يقول...

كل سنه وانت طيبه
عيد سعيد ان شاء الله

غير معرف يقول...

ل سنة وانتى طيبة ياحاسوباتية
ربنا يجعل كل ايامك اعياد
تحياتى

عمرو يقول...

كل سنه و أنتى و الأسره بصحه و خير و سعاده و سلام ..
بارك الله فيكى و تقبلى تحياتى و تقديرى ..

بسنت صلاح الدين يقول...

انا عاوزه بس اقول كل سنه وانتى طيبه يا قمر

غير معرف يقول...

تكرمي ... أصبح لاعب منفر بالنسبة لي ربنا يهديه ويصلح من حاله وإن شاء الله هيستمر عقابه من المنتخب بحرمانه من تمثيل مصر عله يكون عظة بسيطة له للطريق المظلم الذي يسير فيه

وإلى الله المُشتكى