23‏/3‏/2008

ازيكم عاملين ايه يارب تكونوا بخير دايما
التاج ده جالي من قلب ابيض وعجبني فكرته وهجاوب عليه وهو تاج العزوبيه
ما رأيك فى الجملة التى تقول ...العزوبية تاج على رؤوس العزاب لا يراه الا المتزوجين ؟؟
لا مش تاج ولا حاجه دي اوشاعه غلط

ما هى العوائق من وجهة نظرك التى تحول بين الشباب والزواج هذه الايام ؟؟؟ *

اكيد اولها الحاله الاقتصاديه مع ان هي ليها حلول ان برضو الاهل مش يطالبوا بحاجات خرافيه من شاب لسه في اول حياته ويفتكروا انهم برضو كانوا شباب وفي اول حياتهم زيه وان اهم حاجه انه يكون كويس ويحب بنتهم وطموح وده يضمنلها ان بكره احسن من انهارده معاه والرزق في الاول والاخر بتاع ربنا وان يعني ايه الفايده اعد في قصر وقلبي مش فرحان

تاني حاجه ممكن ان الناس بعدت عن بعضها قوي وبقت بتخاف من بعض فممكن يكون الراجل جاهز وكله بس مايعرفش حد او مالوش علاقات مع حد وده طبعا بيزود العزوبيه والعنوسه

من وجهة نظرك هل النكد موجود فى العزوبيه ام فى الزواج ؟ ولماذا ؟

في الاتنين هههههههماهو لازم العازب يحس بنكد من الوحده والمجوز يحس بنكد شويه برضو من الزن لازم يعني ننكد علي الرجاله شويه دي بهارات الحياه علشان تكون لذيذه كده هههههههه

ما الحل من وجهة نظرك لمشكلة (( العزوبية )) فى مصر ؟؟

اكيد يكون في فرص عمل اكتر والاسعار كمان ماتكونش نار كده يعني تغيير شامل في الحاله الاقتصاديه لو ده حصل حاجات كتير هتتحل مش العزوبيه بس وكمان الاهل مش يطالبوا بحاجات كتير فوق طاقه الشباب

من وجهة نظرك ....هل للعزوبية مميزات وعيوب ؟؟؟

اه طبعا يعني العزوبيه مافيهاش مسؤوليه زي الجواز طبعا ومش كل يوم بقى هصحى العيال والبيت والدوشه دي (بس يعني في رايي دوشه مش وحشه قوي)

طبعا عند ماما بصحى براحتي والاكل جاهز وكله جاهز لسيادتي وكله هيطلع فوق دماغي لما اجوز طبعا انا عارفه

عيوب العزوبيه يمكن احساس الوحده وان مافيش عيله عملتها او اسره اعتقد ده عيوبها طبعا وماحدش كده منكد عليك وطالع فين ونازل فين طبعا ده عيب في رايي مش ميزه هههههه

ما هو رأيك فى انشاء مدونة (( رابطة )) للعزاب من المدونين ؟؟؟

فكره حلوه ونخلي شروطها ان الي يجوز او تجوز نطردهم بره الحزب ههههههه شر طرده لانهم اخلوا بشروط الرابطه

أخيرا ....لمن تمرر هذا التاج ...على الأقل خمسة ؟؟؟ *

لكل صحباتي المدونات الي اعرفهم شخصيا لانهم لسه ضمن الرابطه

منمونه

بيسو

فاطمه

برايد

رحاب بسام

واحد من الناس


هناك 10 تعليقات:

lonely يقول...

ههههههههههه
ايه الكلام اللى بتقوليه ده
هتودينا فى داهية يابنتى
مكنتيش عارفة تمسكى لسانك فى النكد شوية لأ وكمان بتثبتى اننا عالم نكدية

ومتشكرة يا جميل على التدبيسة اللى هقعد افكر اطلع منها ازاى بأقل خسائر فى الارواح

وربنا يعدينا منها على خير
لما اجاوب عليه هتشوفى رأيى عامل ازاى
D:
هاتتفاجئى ,, نحن نختلف عن الاخرين خالص

الطائر الحزين يقول...

التكافؤ

قلب أبيــض يقول...

اولا
جزيت خيرا على الايجابية ..وتقبل التاج
ثانيا
اجابات جميلة

والله العظيم

ممتازة
ويارب
كل شاب عازب يتجوز


وان شاء الله
فكرة مدونة


عزاب اوف لاين


قريبا

وننتظر منكم
الانضمام


ارق تحياتى

قلب ابيض

Desert cat يقول...

اجمل حاجه اننا لازم ننكد على الرجالة
هم يعرفوا يعيشوا اصلا من غير نكد

رئـــــيسـة حزب الأحلام يقول...

السلام عليكم
حلوة رابطه العزاب دى ياريت تتعمل وياريت نحاول نوفق راسين فى الحلال

رئـــــيسـة حزب الأحلام يقول...

بجد ياريت اصل الواحد هيجرالة حاجة من كتر الوحدة

DoMaLaYs يقول...

ربنا يستر عليا لما اتجوز

لا بس اكيد انتي مبتحبيش النكد و لا ايييييييييييييييه ؟

تاج حلو و ردود احلى

صديقك domalays

ammar يقول...

سلامو عليكو
احب احييى حضرتك على اجابة سؤال النكد
واوشاعه دى حلوة اوى
ههههههههههههههه
تقبلى مرورى
عمار

Foxology يقول...

ههههههههههههههههههههههه

والله تاج جميل وللأسف مش هعرف انضم للرابطة لأنى بدأت فعلا فى مشوار الجواز :))

Unknown يقول...

انسوني من الرابطه دي خالص عشان هبقي اكيد جاسوس
ربنا يوفق كل اتنين مقبلين علي الجواز ويوفق كل عازب انه يلقي العزبه بتاعته عشان مش يبقي عزاب يبقوا نكدييين
وشكرا عليا لتاج يا حاسوبيه