بقالي كام يوم بفكر اكتب عن ايه اكتب بوست اقول فيه ايه يعني بس لقيت ماليش نفس ماليش نفس لاي حاجه حاسه ان قلبي حزين يائس حاسه ان في كتله هم وحزن كبيره قوي جوايا قعدت افكر في عام 2008 لقيت اني فقدت فيه ناس كتير عزيزه عليا وورا بعض ولما جه 2009 قولت اكيد هيكون احسن بس للاسف لقيته اسؤ حاسه ان كل الي حواليا مخنوقين وزعلانين ماما حاسه في عينها حزن كبير حاسه ان ملامحها كبرت فجاه من التعب على اخواتي الاتنين الي كانت بتعمل عمليه والي دخلت المستشفى ولسه تعبانه طول عمري اسمعها بتقول تحصل اي حاجه الا ولادي يكونوا بس كويسين واهو الحمد لله على كل شئ
ولا خطيبي الي كل ما اكلمه الاقي دايما صوته زعلان او مخنوق او مضايق لان حصل ظروف وكل حاجه كان مخططنها باظت وكل ماتكون في فرصه تروح غصب عنه هو كمان متحمل كتير وانا عارفه بس انا تعبت من انه ماعاتش بيتحمل كلمه وان لازم اتحمل كل شئ
نفسي اصرخ انا تعبت بجد تعبت ماليش نفس لاي حاجه نفسي اجري كتير اصرخ بصوت كبير اعيط قوي يمكن ارتاح
ولا خطيبي الي كل ما اكلمه الاقي دايما صوته زعلان او مخنوق او مضايق لان حصل ظروف وكل حاجه كان مخططنها باظت وكل ماتكون في فرصه تروح غصب عنه هو كمان متحمل كتير وانا عارفه بس انا تعبت من انه ماعاتش بيتحمل كلمه وان لازم اتحمل كل شئ
نفسي اصرخ انا تعبت بجد تعبت ماليش نفس لاي حاجه نفسي اجري كتير اصرخ بصوت كبير اعيط قوي يمكن ارتاح
عموما انا قولت افضفض وخلاص وان شاء الله استعيد توازني الداخلي مع نفسي بس بجد الوقت ده اصعب وقت قضيته في حياتي والحمد لله على كل شئ يارب
هناك 44 تعليقًا:
ياحبيبتى اهى شويه وربنا كريم
وبصى لنعم كتير فى ايدك
قولى الحمد لله ان اختك خرجت من السمستشفى ان فى كل حياتك ربنا بيلطف
يارب تكون بخير دايما يارب
مش عارف ؟؟ دي حالة عامة شكلها ؟؟
كلنا كده ولا ايه
بس عموما
كلما ضاقت و استحكمت حلاقتها فرجت
ربنا موجود دايما
صدقينى ربنا ما بيضيقها على حد الا ويرزقة بالبراح يبعد كدة
"ضاقت ولما استحكمت حلقاتها فرجت وكنت اظنها لا تفرج"
ان شاء الله الحال يتعدل وربنا يشفى اخواتك ويهدى خطيبك ويصلح حالة.. ومعلش استحمليه وحاولى تخففى عنة وتبينيلة انك انتى كمان محتاجة اللى يخفف عنك شوية.
وربنا يرزقكوا صلاح الحال
ياحبيبة قلبي ان بعد العسر يسرا ان شاء الله
فوضي امورك كلها لربنا وصدقيني مافيش احن منه علينا
ربنا معاكي ياقمر
خدي بالك منك
بجد انا استفت واستمتعت بمدونتك جدا
صدقينى ده اختبار من ربنا
وأنتى لازم تصبرى
وربنا لازم هيكافئك على صبرك
وعلى فكره مكنش لازم تقولى أنا عايزه أجرى وأصرخ وكده لالا
المفروض تقولى أنا عايزه أجرى وأصلى علشان ربنا يفك كربى ويفرج همى
استعينى بالله واصبرى
ان الله مع الصابرين اذا صبروا
اصبرى
انا ايضا كد حسيت ان عام 2009 هو الاسؤ بين جميع اعوامى كلها لكن لو انتى مش هتستحملى خطيبك مين الى هيستحمله
وللاسف انى خسرت عمرى بسبب انى فشلت
ارجو ان تكونى صرختى صرخه من داخل قلبك وتقولى تعبتى لانها تريحك
لا اله الا الله
لا حول ولاا قوة الا بالله مالك بس روقى كده
اولا مرض اخواتك ده اكيد خير ربنا بيدى البلاء للانسان اليى بيحبه اكيد
وربنا هيعافيهم ان شاء الله ومامتك ربنا هيكرمها فيكوا يأذنه سبحانه وتعالى
وخطيبك معلش ظروف الحياه صعبه وانتى نفسك بتقولى من الفرص اليى بتروح منه الراجل بالنسبه ليه الضعف والفشل شئ بيهدد كرامته وبيعكنن عليه فأعذريه
ربنا يريح قلبك وباللك ويطمنك على كل من تحبيين
روقى كده وكل شئ هيتحل بأذن الله يا حاسوبه يا جميله
و اصبر على ما اصابك ان ذلك من عزم الامور
فين الصبر يا بنتى
ان مع العسر يسر ان مع العسر سير
استشرى خير ان شاء الله
دايما بنمر فى حياتنا بصدمات
المهم نقوم منها وإحنا أقوى من الأول
إن شاء الله فرج ربنا قريب
ربنا يسعدك دايما
اقولك على حته هترتاحى فيها قووووووووى؟
اه والله بس اسمعى كلامى
فى التلت الاخير من الليل اقفى بين ايدى الله وصلى ركعتين وادعيه وفضفضى له من غير صيغه دعاء بقى ولا حاجه اتكلمى كده عادى
وهو هيحس بيكى وهيريح قلبك قوى وهتتيسر لك كل امورك
طيب جربى كده
واسئل مجرب
وربنا يفك كربك ان شاء الله
حبيبتى حاسوباتية ..
كلنا مرنا بالفترة دى ..
وصدقنى ما يتضيق اوى اوى كده الا لما تلاقى انها فرجت والله اعظم فرج ..
كل ما تتضيق اعرفى ان الفرج جاى اكيد ..
ومرض اخواتك ان شاء الله يكن فى ميزان حسناتهم وتكفير سيئات عنهم ..
ومامتك هاترجع تانى زى ما كانت بس هى خايفة على اخواتك وان شاء الله لما يخفوا هاترجع تانى واحسن ..
اما بالنسبة لخطيبك .. بصى لازم لازم تمر الفترة دى على كل المخطوبيين ..
الزهق والضيق ومش عارفين يعملوا ايه وهو يبقى مخنوق وتعصب وله حق طبعا لان عليه مسئولية ومش بيلاقى حد اوادمه غيرك وانتى بتستحملى علشان بتحبيه ..
بس فى لحظة والله هاتلاقى كل حاجة فرجت واتسهلت واتيسرت جا لدرجة انك تكونى متفاجأة منها ..
ربنا ييسر لك امرك ويعجلك من كل عسرا يسرا ..
ربنا رحيم بعبادة يا حاسوباتية
خليكى متأكدة انها هتفرج مهما ضاقت اوى
وبعدين بصى فى الدنيا حوليكى هتلاقى ان الحمد لله احنا احسن من غيرنا بكتير مهما ضاقت علينا
ربنا يفك كربك ويهون همك
تقبلى مرورى
للأسف معظمنا بقي كده
بس لو استعنا بالله وتاكدنا ان كل اللي بيحصل ومزعلنا ده خير
ولو حصل اللي احنا كنا عاوزينه وربنا مقدروش يبقي ده شر لينا
لان ربنا هو اللي خلقنا وهو اللي عرفنا اكتر من نفسنا
قولي لخطيبك ميزعلش ودايما لما حاجه تبعد عنه او فرصه شغل تروح منه
يدعي ويقول ( اللهم اجرني في مصيبتي واخلفني خيرا منها )
وفهميه ان اللي حصل ده احسن حاجه حصلتله لان هو ده الخير الوحيد ليه
اما لو انتي حسه بضيق استغفري كتير قلبك هينشرح ان شاء الله
تحياتي
ان بعد العسر يسرا..ان بعد العسر يسرا
افرحى بان الفرج قريب جداً
لانها لا تتحتكم هكذا الا ويكون الفرج قريب جداً جداً
هذا وعد الله
اسال الله سبحانه ان يفرج همك
اما موضوع خطيبك فدى بايدك انتى بقى فرفشيه وطلعيه من الى هو فيه
ابسامتك كفيله بقتل اى بؤس وبانهاء اى خنقه
تحياتى
وان النصر مع الصبر وان مع العسر يسرا
ضاقت فلما استحكمت حلقاتها فرجت وكنت اظنها لا تفرج
صبرا.. قريبا ياتى الفرج
وربنا معاكى وعليكى بالدعاء
سبحان الله
ربنا يا قمر قال فإن مع العسر يسرا ولم يقل فإن بعد العسر يسرا
لأنه معاه ماسك كده فيه بس صبرا جميلا علشان تاخدوا جزاء الصابرين
طيب نيجي للشق التاني خطيبك
ومال لما تستحملي شوية
مساكين الرجالة دلوقتي سككهم بتتقفل زي الدومينو وكل ما يفتكروا ان الحلم قرب وها يتحقق الدنيا تشوطه زي الكورة
وبعدين ليه مش بينكم كلمة تفك الكرب وفي نفس الوقت تقرب النفوس والقلوب من بعض
يعني مثلا تقرأي جزئية نونو في كتاب لا تحزن للشيخ عائض القرني ثم تحكيها له بأسلوبك .. ها تفاجئي باللي ها يصبح بينكم
طب جربي كده كلام سوتيتة .. كلمة نونو مش وعظ طويل على جزاء الشاكرين الراضين بقسمة الله
على صبر الصحابة والتابعين
عن اسباب تفريج الكروب
وبعدين لازم تحكي لي حصل ايه مش عاوزة شغل الحاسوباتية ده تاخد الكلام ومتردش جواب
ربنا يفرح قلبك بتمام شفاء اختك
ولا يري والدتك سوء فيكن ابدا
ويتم لك جوازك على خير من حيث لا تحتسبي ولا تدري
بحبك
حاسه بيكي اوي وبكل كلمه كتبتيها ويمكن دموعي نزلت من كتر ماانا حاسه احساسك حاسه اني جوايا احساس مكتوم ومش عارفه اوصفه لحد مش عاوزه ازودها علي حد
وفكرت في موضوع الصراخ ده يمكن يخرج مابداخلي لكن مظنش اللي جوانا ده محتاج الاول ترتيب وبعد كده يخرج ان شاء الله يخرج للهوا مش لحد المهم انه يخرج
بس تعرفي انا مجرد التفكير في اللخبطه اللي جوايا بس بيرعبني اني اكمل تفكير فيها وارتبها !!
حاولي تدخلي اونلاين ونتكلم شويه لو حابيتي :)
هستنا ردك :)
واسفه للتطويل :)
تحياتي
ربنا معاكم كلكم
يا حبيبتى ده ابتلاءات وتدل على إنكم ناس مؤمنين بالله لأنه بيبتليكم ويختبركم إيمانكم وكمان ماضاقت إلا ما فرجت
ربنا معاكم وأكيد إن شاء الله أسمع خبر كويس عنك قريب
تحياتى
شيمو القمر
ول تعليق ولكن ليس اول مرور
انا عاوزاك يابنتى تتوجهى الى الله بالصلاة وتصبرى فهو القائل واستعينوا بالصبر والصلاة وهى وصفة ربناية
عند البلاء والمحن
باذن الله ماما تطمن على اخواتك وترجع الفرحة والبسمة تانى للوجوه
بالنسبة للخطيب ربنا يفتحها عليكم يارب
وتتيسر الامورلكم ومعلش ياحاسوباتية
استحملى انتى شوية بل اكثر منه وتعدى الفترة ديه على خير
لن انساكى من الدعاء حبيبتى
ام مالك
بعد العسر يسر
واعملى الحاجات الاقولتى عليها ليه لا
يعنى عيطى وصرخى واعملى كل الحاجات دى علشان تحسى با الراحه بعدها بجد
ربنا معاكى وان شاء الله 2009 تكون اسعد واجمل فى كل شى
والله يانسة حاسوباتية انا عايز اقولك ان كلنا بتمر بينا ظروف صعبة جداااااا وفينا إلى بيمر بظروف أسوء من ظروفك وفينا إلى مر فعلا بظروف اصعب وأسواء من ظروفك بصى على النصف المليان من الكوب عشان تقدرى تتحملى الظروف بتاعتك ولو ياستى الصريخ والصوت العالى هيريحك ممكن ببساطة تروحى اى نادى باليل او تدخل الحمام زاى حالتى كده وتقعدى تعملى كل إلى نفسك فيه زعيق عياط صريخ اى حاجة عايزة تعمليها وهتحسى انها هتريحك اعمليها
مع تحياتى وإمنياتى بأن بكرة بتاعك يوكن احسن بكتير من إلى فات
أخوكى انا إلى أستاهل
ساعات الانسان بيحس ان الدنيا كلها عليه
وان كل حاجه فى حياته بايظه ومفيش حاجه بتتصلح
بس ده كله بيكون ابتلاء من عند ربنا
وافتكرى دايماً ان المؤمن مصاب
وافتكرى برضه الحديث ده دايماً لما تحزنى
" عجباً لأمر المسلم أمره كله له خير إن أصابته سراء فشكر فكان خيراً له وان اصابته ضراءفصبر فكان خيراً له "
اصبرى وصدقينى ان بعد العسر يسرا
ربنامعاكى
انا مريت بالخله دى
حسيت انى مخنوق قوى
حسيت بكميه قلق رهيبه
قلقان من كل شئ وعلى كل شئ
ظروف وربنا معانا وتعدى
اصبرى
ان الله مع الصابرين
مممممممممممممممم
وااضح انها عدوه في الجو
بصي هقولك حااجه دايما بقولها لنفسي قبل غيري .. ربنا بيمتحنا عشان يشوف قوه ايمانا واي مشكله بتحصل بدل ما هيا مكسرتكيش يبقي بتقويكي
وبما ان ربنا بيحبنا وعمره ما هيكسرنا يبقي بيقوينا
ربنا ان شااء الله هيخفف عنك ويزيل همك ويحل كل المشااكل
ربنا معاااكي :)
ومتنسيش دعاء الهم والحزن :)
كتيييير اوى بيحصل ده من وقت للتانى فى حياة كل واحد لازم تمر فتره صعبه وصعبه اوى بيكون ابتلاء وصبر وبعدها بيجى الفرج يقينا ده كلام ربنا ووعدنا بيه يعنى لازم هيتحقق
انا عارفه انك مقدرة ظروف خطيبك بس فنفس الووقت محتاجه حد يطبطب عليكى لظروف اخواتك بس خليكى انتى الفراشه الجميله بين مامتك واخواتك وخطيبك ونور فقلوبهم الامل والرضا والصبر
وصدقينى يقينا الفرحه والامل جااااى وبكره تتفكرى الايام دى وتقولى كانت فترة صعبه بس الحمد الله ربنا اكرمنى وعدت
ربنا يفقك وييسرلك كل امورك يارب
الناس كلها بتمر بالظروف دى
أنا مريت بزيها كده
واكتر منها السنه اللى فاتت
بس الحمد لله بعدها ربنا فتحها عليا ومعتش من النوع اللى مكتئب على طووول ده
بس انت متستسلميش وقربى من ربنا أكتر
وهو مش هيتخلى عنك ان شاء الله :)
امتى تفرج؟
لما تتضيق وتزيد في ضيقها وتستحكم
تلاقي الفرج جه من عند ربنا
قال تعالى "إن مع العسر يسر"
يعني مفيش عسر من غير يسر
ارمي تكالك على الله
وفضفضي براحتك كلنا هنا عشان نسمعك
ربنا معاكي ياحبيبتي ويكون بعونك
ماتستسلمي للحزن والضيق خليكي قوية وخلي املك بربنا كبير
انت هيك بتزودي آلام الي حواليكي
وكان الله بعون خطيبك هو بحاجتك جنمبه المفروض تخففي عنه وتصبريه على الحياة
ان شاء الله امورك هتتعدل
ربنا يشفي اخواتك ويوفقك مع خطيبك
دمتِ بالف خير
كلما ضاقت حلقاتها فرجت وكنت أظنها لا تفرج
عليكِ بالدعاء وان شاء الله الفرج قادم
ربنا ييسرلكم جميع اموركم ويشفى اخواتك ويباركلك فى خطيبك ومامتك
ياحبيبتي والله لمستي قلبي
فضفضي امال احنا لزمتنا ايه في العالم التدويني ده علشان نسمع بعض
ربما يفك كربك ويسير لك امرك ويبدل حزنك سعادة
تحياتي
مش هقول لفضفضتك دي غير
لو سمحتي قولي يارب اوي من قلبك
روقى كده يا جميل على فكره موضوع خطيبك ده كلنا بنمر بيه معلش استحملى شويه و هاتعدى و عن تجربه والله صلى و ادعى ربنا هايفرجها بشكل مش ممكن تتخيليه ربنا كريم و مش بينسى حد بس انتى ادعى و قلبك هايرتاح و ان شاء الله ربنا يطمن مامتك عليكوا و يخليكوا ليها ، ده امتحان من ربنا و فتره و هاتروح لحالها
السلام عليكم و رحمة الله و بركاته
حقيقى مش عارفة اقولك ايه
هى صحيح كل نفس لها قدرة على تحمل الاحزان
لكن بردوا فى نفس الوقت لازم تفرغ من الجانب الاخر
لأن الحياة مش بتخلص
ولو فضلنا نراكم نراكم .. يبئا هنتعب اوى
و هنحمل نفسنا فوق طاقتها
طب ازاى نشيل عننا كم الهموم دا
أولا بالاستعانة بربنا
لما نقعد كدا و نقول يارب ضاقت بيا اوى ماعدتش قادرة استحمل
و ابكى بين ايديه
يااااااه على الراحة اللى بتحسى بيها
كمان قولى دعاء الهم و الحزن
صدقينى بيفرج اوى
اللى هو " اللهم انى عبد ابن عبدك ابن امتك ناصيتى بيدك ماض فى حكمك عدل فى قضاؤك اسألك بكل اسم هو لك سميت به نفسك او انزلته فى كتابك او علمته احد من خلقك او استأثرت به فى علم الغيب عندك ان تجعل القرىن الكريم ربيع قلبى و نور بصرى و ذهاب همى و جلاء حزنى"
كمان حبيبتى التفكر فى حال الناس التانية
صدقينى هتلاقيكى فى نعمة كبيرة
عارفة انى طولت عليكى
بس آخر حاجة عاوزة أقولهالك
ان ربنا بيبتلينا عشان يربينا
مش عشان يعذبنا
فحاولى شوفى خرجتى من همومك و احزانك دى بايه
و صدقينى هتلاقيكى اتعلمتى كتير
و تحياتى لكى
بصى بجد دى كلها اختبارات من ربنا
والدنيا لما بتبوظ كده تاكدى هتضحك قريب ان شاء الله
الحل الأكيد في الاستعانة بالله والصبر ... طبعاً هو حل عاوز مجاهدة كبيرة لكن حصاده المؤكد هو السعادة القريبة ان شاء الله
جعل الله لكم من كل هم فرجاً
تحياتي
السلام عليكم.....
كان الله في عونكم....
أختي ...
قيل كلما ضاقت حلقاتها فرجت....
تفائلي بالخير ولا تقنطي من رحمة الله...
......
من رحلوا عني أيضا بالعام الفائت كثر
أولهم والدي رحمه الله ...
ولكن هذه مشيئة الله اللهم لا إعتراض عليكِ بالدعاء ...
عل الله يهون عليكِ ..
...
في أمان الله...
حاسوباتيه حبيبتى
الف سلامه على اخواتك الاتنين ..والحمد لله ان اختك رجعت بالسلامه من المستشفى ..
بصى ياحبيبتى الدنيا عمرها مابتمشى زى الواحد ماهو مخطط لها ابدا ..
ساعات بتقابلك ظروووف وحشه قوى بتخليك تغير مسار حياتك ..وساعات بتقلب حياتك كلها بمفاجأت حلوة ..
ارمى همومك على ربنا وسيبها لربنا هو اللى هيفرجها بأذن الله تعالى ..
ولو الدنيا فى مصر مقفله قدام خطيبك ..خليه يجرب بره مصر ..
وربنا معاكم ..
تحياتى ياقمر يازعلان..
اختى الباشمهندسة
السلام عليكم ورحمة الله وبركاته
ادعو لاخوتك ان يفرج عنهن ما هن فيه
وادعو لوالدتك ان يفرح المولى عز وجل قلبها بشفاء اخواتك
وادعو الله ان يفرج عن خطيبك ما هو فيه
ويرزقه الله من فضلك
وادعوكى للابتسام فى وجههم جميعا فانت الان مسئولة عنهم جميعهم كونى لهم القوة والسند كونى عودا صلبا يشتد به ظهر امك واخواتك وخطيبك
لا وقت الان للبكاء
البكاء بعد الازمة الكبيرة دى ما تعدى
ربنا معاكى اختى الصغيرة
ولينعم الله عليكم من فضله
بحوله وقوته
ولقد ذكرتينى بنفسى منذ عدة اشهر ولكن فرج الله قريب اقرب الينا من نور اعيننا
يا رب اقرا قريبا عندك خبر يفرح قلبى
دمتى بسلام اختى
اهدى كدة وروقى ياجميل بكرة تحلى
وربنا يهديلك الحال
كويس انك بعد كل اللى حكتيه انك قولتى ف الاخر الحمد لله دى بكل شىء
ما بتديق الا اما تفرج يا بنتى
بدعى لاخواتك ان ربنا يعافيهم
سلام
بالنسبة لحال والدتك فده شئ طبيعى اى ام فى الدنيا بتبقى كدة حزينة لحال ولادها ايا كان الحال ده وان شاء الله فترة وتعدى :)
بالنسبة لخطيبك اعذريه بجد احنا طالع عنينا فى اشغالنا وحالة البلد ما يعلم بيها الا ربنا وزميلك اللى معاكى فى الشغل اللى وشه ف وشك بالضحك طول اليوم نفسه تمشى علشان ياخد مكانك وفلوسك حرب نفسية وضغط عصبى كبير جدااااا معلش اعذريه وده عن تجربة شخصية لأنى زيه تمام والحمد لله تينو مستحملانى وربنا يكرمها على صبرها عليا ده :)
فرجه قريب
ان مع العسر يسرا
تحياتى :)
سيبيها على الله
ان شاء الله خير
انا عايزاكى تنطقى كلمة الله من قلبك كده
قوليها دلوقتى
انطقى بصوت عالى كده
قوليلى حاسه بإيه؟؟؟
ربنا يطمن قلبك وييسرلك الامور كلها يارب
ربنا يفك كربك ويزيل همك إنتي ووالدتك وخطيبك
اذكروا الله كثيرا
وتذكري دائما إن مع العسر يسرا
داومي على الدعاء وخصوصا دعاء فك الكرب
رددي الإستغفار والصلاة على الرسول وتسبيح ذو النون وهو في بطن الحوت
دعائي لكم بالخير والصحة والسعادة والستر وراحة البال اللهم آمين
دمتي سالمة بحفظ الرحمن
إرسال تعليق