4‏/6‏/2009

يابخت الي اسمه عمرو


وحشتوني جدا انا امتحنت بس لسه النتيجه ماظهرتش ادعولي وندخل في البوست بقى

مبدئيا كده انا عمري ماقبلت شخص اسمه عمرو في حياتي لكن الي متاكده منه انه اسم يحمله شخص اكيد رائع وده الدليل






اولا:

الحلم الاسطوره عمرو دياب الي باموت فيه ومستنيه البومه على نار



ثانيا:


عمرو موسى راجل بجد ومحترم جدا








واخيرا

الداعيه الجميل الاستاذ عمرو خالد





وبما اني بحب ال3 دول وكل واحد له مجال مختلف بس نفس الاسم اذا نستنتج ان يابخته الي اسمه عمرو

هناك 34 تعليقًا:

احساس طفلة محبة للرومانسية بس واقعية يقول...

هاهاهاهاهاهاهاهاهاها
لا عارفة يا بخت مين
يا بخت اللى لية حلم
يابخت اللى بيسعى لتحقيق حلمة
يا بخت اللى رغم صعوبة الطريق مكملة
يا بخت الناس اللى لما وصلت للنجاح موقفتش

ربنا يوفقك
ان شاء الله النتيجة هتكون خير
تقبلى مرورى

Foxology يقول...

يابخت اللى عندهم مية

ده حلم حياتى انى الاقى نقطة مية نازلة من الحنفية بعد انقطاع لليوم الرابع على التوالى

تحياتى

ستيته حسب الله الحمش يقول...

ربنا يطمنا على نتيجتك

ورغم ان التلاتة ملهومش علاقة خالص لا عقلا ولا طموحا ولا اهدافا ببعض لكن نحترم رأيك

تحياتي

مامة مازن يقول...

ماشى يا ستى يا بختهم
ربنا معاكى ونفرح بنجاحك يارب

جوجو يقول...

السلام عليكم

هههههههههههه

حمدلله على سلامتك وبالنجاح ان شاء الله

تحياتى

adel يقول...

حمدالله علي السلامة :):):)

انا اسمي عادل بس بيدلعونا ياعمرو :):):)

ههههههههههههههههه

و يابحت من جاله ابوماما
و يابخت من زار و غار :):):)

romansy يقول...

الحاجه الحلوه لا يعولى عليها
انا برضه بحب عمرو دياب جدا
وعمرو موسى جدا والداعيه عمرو خالد

وعلى فكره انا سامع ان البوم عمرو هينزل يوم 14/6
مش متاكده
بس ادينا منتظرين

وومن يقول...

حاسبوتية

إن شاء الله بالنجاح والتوفيق أنا كمان خلصت الإمتحانات ومستنية النتيجة

بس مش كل اللي اسمة عمرو عسول ويتحب انا مديري اسمة عمرو وجالي أنيميا علي إيدة وفي إنتظار الضغط أو الشلل الرعاش

بس ممكن يكون هو الشاذ عن القاعدة :)

Soma يقول...

تصدقي اه!!!!!!!

بي نسيتي عمرو بن العاص اللي دخل مصر الاسلام.
وخلانا مسلمين مصريين ومصر دوله اسلاميه


ويابختي انا اني دخلت مدونه جميله كده

هتابعك يا جميل واكل حاجه حلوه يوم النجاحز

ساعد نسرين الايمن يقول...

والله ده كلامي
دايما بقول من ساعة ما سيدنا عمرو ابن العاص فتح مصر
وكل اللي اسمهم عمرو شطارين وفالحين
يعني في الكورة عمرو زكي
التمثيل عمرو واكد
في التدوين عمرو عزت
زمان كان فيه اغنية بحبها اوي اسمها الشاطر عمرو عرفها بتاعة عبدالمنعم مدبولي
وفعلا في حياتي الواقعية كل اللي قابلتهم اسمهم عمرو شطارين وفالحين
كلهم زي عمروسلمي كده

hager يقول...

مش هتصدقي لو قولتلك ان بحس ان اللي اسمهم عمرو بيبقوا اشخااص مميزين

بالمناسبه اخويا اسمه عمرو هوه مختلف فعلاا عننا كلنا

بس بيقولوا ان لكل واحد نصيب من اسمه فواضح ان اسم عمرو ليه صفات مميزه :)

blue-wave يقول...

ونسيتى تقولى عمرو فاروق:))
يا بختى بقى

GiGi worled يقول...

تحياتى رغم انى زعلت جدا من ربطهم ببعض
وترتيبهم بصراحه زعلت
ربنا يكرمك فى الامتحانات

ELMASRYA - MRS WRITER يقول...

يارب تنجحي وربنا يوفقك

ملحوظتك جميلة خالص

فعلا التلاته دول ممتازين واسمهم عمرو

وكمان نسيتي عمرو بن العاص

يابخت اللي اسمه عمرو فعلا

أحبك في الله يا باشمهندسه

hager za3bal يقول...

صوابعك مش زي بعضها.. يعني مش كل عمرو يبقي عمرو..!

دا غير ان ال 3 مينفعش يتقارنو ببعض
ولا ينفع اصلا نحطهم في بوست مع بعض مهما كانت الاسباب..

بس في النهايه
رايك يحترم يا حاسوباتيه

وربنا معاكي ياجميل

بسنت صلاح الدين يقول...

ربنا ينجحك يا قمر، وبوست مختلف بس انا كمان بحب عمرو خالد

كيــــــــــــارا يقول...

مممممممممممممم

شيفه ان الترتيب موش صح خالص

MaNoOoSh يقول...

الاول ان شاء الله النتيجة خير
وحمدا لله على السلامة

اما اسم عمروو دة فابن خالى اسمة عمرو فى اولى اعدادي بس قررررررررررررررررررررررررررررررررد
يجيب للواحد شحار مفسفس وهو قاعد كدة
هههههههههههههه

بس هو اسم جميل الصراحة.. وانا بشاركك حب عمرو دياب بس فى اغانيه القديمة أكتر.

صوت من مصر يقول...

بكره عمرو خالد وبحب الاتنين
بس تصدقى انا كمان خلصت امتحانات ومستنى هههههههههههههههههه

norahaty يقول...

يــــــارب تنجحى يارب
وانا عندى د.عمرو ابن اختى
المتجوز وعنده 3بنوتات قمرات
مــــــايا....وهــــايا..وهانا

norahaty يقول...
أزال المؤلف هذا التعليق.
أم مالك يقول...

انا داخلة اسلم وربنا ينجحك
باذن الله
اما بالنسبة للبوست
رغم اختلاف الثلاثه بعضهم عن بعض
بس نحترم رغبتك الشخصية فى حبهم بس لية اضافة ارجو تقبلها وهى انك نسيتى اهم عمرو واللى له بصمة بحق فى ديننا
قصدى طبعا عمرو بن العاص رضى الله عنه
تحياتى

الشاعر الحزين يقول...

أولا اعذرينى

هتعرفى على ايه دلوقتى

أنا بقولك حمدا لله على السلامه طبعا ونورتى مدونتك وعالم التدوين كله

وكمان يارب بالتوفيق ان شاء الله وتجيبى أعلى الدرجات يارب

أما العذر فلأنى مش هقدر أتكلم على البوست معلهش اعذرينى

عابرة السبيل يقول...

انتى حالمة قوى

انا قابلت ناس اسمهم عمرو وحقيقى ماكانوش حاجة كويسة ولا حاجة

معلش الدنيا واسعة قوى وشوفى كام واحد اسمه عمرو

انتى فكرتينى بيا جيت فى فترة كنت بكره كل اللى اسمهم هبة

شمس النهار يقول...

فعلا كل اللي اسمهم عمرو لطاف بس دي مش قاعده
عارفه يعني ايه عمرو
عمرو حبشتكنات قالي انها المدينه العمرانه

وعشان ظرفاء العمور يكملوا
يبقا عمرو بدر كمان

mahasen saber يقول...

ليه يا عبدالرحمن مسمتكش عمرو
ههههههههههههههه

يا حبيبى يا ابنى بختك قليل

mahasen saber يقول...

هههههههههههههه عاجبنى قوى جنونك بعمرو

طب راح فين عمرو اديب
وعمرو واكد
وعمرو بن العاص
هههههههههههههههه بس عمرو دياب يستاهل فنان ذكى ومبدع فعلا

mahasen saber يقول...

النتيجه تبلغينا بيها لما تطلع

وبلاش مبالغات هههههههههه
قولى ومتخافيش علطول

ريمان يقول...

ههههههههههههههه

هههههههههههههههههههههههههههه


طيب يا سيتى المهم ربنا ينجحك يا رب

تامر علي يقول...

كان في واحد من كفار قريش اسمه عمرو بن ود سيدنا على موته:)
بس كان راجل جامد جداً ومفيش حد عارف يلمه:)))

مش كل اللي اسمهم عمرو كويسين .... أهم حاجه الامتحانات خلصت

تحياتي :)

د.خالدأمين يقول...

والله برغم اني معرفش حد قوي اسمه عمرو ولا اسمي طبعا عمرو بس طول عمري رايي كدا

وبحب فعلا عمرو دياب وعمرو موسي وعمرو زكي وعمرو اديب وعمرو بن العاص وغيرهم كتير

وانا حالف اني هسمي اابني عمرو

شوفتي بقي



سلام

MǿиY El-Shreef يقول...

ههههههههههههه

مع اني مش بطيق اول اتنين

بس يابختهم وماله

ربنا معاكيف اكزماتك

MaNoO يقول...

هههههههههههه
حلو اوى الموضوع دا تعرفى كانتا لفكرة فى دماغى وبالصدفة عديت على المدونة لقيتك عاملاهمانا طبعا بحب عمرو دياب ومنتظر الألبوم وهااااااانت كلها اسبوع وكمان الاستاذ عمرو خالد من اهم الناس فى حياتى وعمرو موسى نقدر نقول عليه كويس برده .......

اسمحيلى هعلق على بعض التعليقات اللى جتلك ليا راى بس
فى ناس بتقول مينفعش يتقارنوا ببعض لا مينفعش يتحطوا فى بوست واحد لا مش عارف ايه الفكرة ياجماعة انهم كل واحد ناجح فى مجاله على ما اظن دى دى الفكرة الى انتى عايز توصليها يارب اكون صح
بس انتى فعلا نسيتى عمرو ابن العاص
تقبلى احترامى

كراكيب يقول...

وعندك عمرو واكد, عمرو الليثي, عمرو أديب, عمرو ابن عمتي
ده اسم عمرو ده طلع مهم جدا ومحدش واخد باله
ده ايه النظرية الهايلة دي
:)

يارب النتيجة تطلع على خير يا حـاسـوبـاتـيـة

miro el niro kwaniro